قورعاس ورتاسى كورىكتى، حالقى باي ـ باقىتتى اۋىل ـ قىستاق قۇرۋدا

  • كەلۋ قاينارى: ىلە گازەتى
  • 07:07:56 19/06/2018

كوشە - جولداردى نەگىزگى ءتۇيىن ەتىپ، كوشە - جولدارداعى پارتيا مۇشەلەرى مەن قىستاق گرۋپپالارى كادرلارىنىڭ ۇلگىلىك، باستاماشىلىق رولىن تولىق ساۋلەلەندىرىپ، وتباسىن جۇمىس ورنى ەتۋدى نەگىزگى تاقىرىپ ەتكەن تازالىقتى رەتتەۋ ـ وڭاۋ قيمىلىن ورىستەتىپ جانە بىرلەسكەن وتباسى باستىقتارى جيىنىن اشۋ ارقىلى كوشە ـ جولدارداعى ءارقايسى وتباسىلاردىڭ ورتا تازالىعىن قورعاۋ قىزمەتىنە باعا بەرىپ، شەكتى مەرزىم ىشىندە باقىلاپ ـ قۋزاۋشىلىق ەتتى؛ ساتىلار بويىنشا جاۋاپكەرلىك حاتىنا قول قويۋ، ارناۋلى تازالىقشى سەپتەۋ ارقىلى نەگىزگى قىزمەتتى ادامعا تياناقتاندىردى. قىسقا عانا بىرنەشە اي ىشىندەگى قۇلشىنىس ارقىلى مازىگۋ قىستاعىنىڭ نەگىزگى كوشە جولدارىندا گۇل ـ شوپتەر جايقالا ءوسىپ، ءار وتباسىنىڭ اۋلاسى رەتتى دە تازا بەينەگە ەنىپ، ورتا تازالىعى بارىنشا جاقسارىپ، كوشە - جولدارى بارىنشا كورىكتەنىپ، ساياحاتشىلار بارىنشا كوبەيىپ، شارۋالار تۇسەلحاناسى مازىگۋ قىستاعى ەكونوميكاسىنىڭ تىڭ ارتۋ تۇيىنىنە اينالىپ، قىستاق تۇرعىندارىنىڭ كىرىسىن ارتتىردى.

    قىستاق تۇرعىنى ەرلى-زايىپتى لي شينگاڭ مەن فىڭ يۇييىڭ بيىل شارۋالار تۇسەلحاناسىن اشىپ، 85 شارشى مەترلىك 3 اۋىز ءۇيىن ساياحاتشىلار جاتاتىن تۇسەلحاناعا اينالدىردى. تيجارات باستاعان 2 ايدان بەرى 100 دەن استام ساياحاتشى ولاردىڭ اشقان جاتاعىنا كەلىپ قوندى.

    «ساياحاتتىڭ قاۋىرت مەزگىلى جەتىپ كەلدى، وسى بىرنەشە كۇننەن بەرى قابىلداعان ساياحاتشىمىزدىڭ سانى از ەمەس، ءۇيىمىز بەكەر تۇرسا دا تۇرادى، ودان دا بوس ءۇيىمىزدى جاتاققا اينالدىرىپ كىرىس كىرگىزسەك، وسى ورايدا قىستاعىمىزدىڭ تاماشا بەت ـ بەينەسىن ۇگىتتەسەك بۇل ءبىز ءۇشىن العاندا ەڭ ءتيىمدى ءادىس»،-دەدى فىڭ يۇييىڭ.

    قورعاس اۋداندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ياڭ چۋانگو بىلاي دەدى: قورعاس اۋدانى اۋىل-قىستاقتى دارىندىلار ارقىلى كوركەيتۋدى بارىنشا ىلگەرىلەتىپ، اۋىل-قىستاق كادرلار قوسىنى قۇرىلىسىن كۇشەيتتى؛ قىستاق دارەجەلى باسشىلىق القانىڭ وڭىرلىك شەكتەمەسىن بۇزىپ، نەگىزگى ساتى ياچەيكاسىنا تىڭ ومىرشەڭدىك كۇش قوسىپ، قىستاق دارەجەلى ىستەردىڭ ءتارتىپتى جۇرىلۋىنە كەپىلدىك ەتتى. كەلەرگى ساتىدا قورعاس اۋدانى «اۋەلگى ماقساتتى ۇمىتاي، بورىشتى ەستە بەرىك ساقتايىق» تاقىرىپتىق تاربيە قيمىلىمەن بىرلەستىرە وتىرىپ، ءار دارەجەلى پارتيا ۇيىمدارى مەن بارشا پارتيالى كادرلاردىڭ ۇيرەنۋ بارىسىندا ىستەپ، ىستەۋ بارىسىندا ۇيرەنىپ، بارلىق زەيىن ـ قۋاتتى تياناقتاندىرۋدى مىقتى يگەرۋگە، ونىمدىلىككە تالپىنۋعا شوعىرلاندىرىپ، پارتيا 19-قۇرىلتايى رۋحىنىڭ قورعاستا تەرەڭ تامىر تارتىپ، وركەن جايۋىنا ءتيىستى ۇلەسىن قوسۋعا باستايمىز.

جاۋاپتى رەداكتور: گۇلدەن ماقسات قىزى