ۇزدىك ورەن ەلدانا

  • كەلۋ قاينارى: ىلە گازەتى
  • 09:30:05 20/06/2018

    ەلدانا كىشكەنتايىنان باستاپ قۇلشىنا ۇيرەنۋمەن بىرگە ءار نارسەگە اۋەس بولىپ، ۇيرەنۋ جاعىنان عانا ەمەس، دەنەتاربيە، كوركەمونەر، جازۋشىلىق، ساباقتان سىرتقى قيمىلدارعا دا بەلسەنە قاتىناسىپ، ۇستازدارىنىڭ القاۋىنا بولەنىپ كەلەدى. ايتالىق 2016 – جىلى استانامىز بەيجيڭدە وتكىزىلگەن مەملەكەتىمىزدىڭ جەر - جەرىنەن كەلگەن شاباندوزدارمەن جارىسقا ءتۇسىپ، وزىمەن بىرگە بيلەگەن 3 قۇربىسىمەن بىرگە «شىڭتو» ساۋىتىنا تالاسۋ جارىسىندا قيىندىق دارەجەسى جوعارى بولعان «شىنى ءبيىن» تاماشا ورىنداپ، باعالاۋشىلار مەن كورەرمەندەردىڭ تاڭدايىن قاقتىرىپ، التىن مەدالدى جەڭىپ العان بولاتىن. ەلدانا كوركەمونەر ساحناسىندا عانا ەمەس، قىل قالامدى سەرىك ەتكەن جاسامپازدىق ەڭبەك تورىندە دە جالىقپاي ۇيرەنىپ، باياندى ىزدەنىپ، قالام تەربەۋ بارىسىندا «كوڭىلدى وتكەن ءبىر كۇن»، «ۇمىتىلماس فۋتبول جارىسى» سياقتى 10 نەشە تۋىندىسى «ىلە كەشى» گازەتىنىڭ حانزۋشا باسىلىمىندا جاريالاندى.

    ول 2017 – جىلى قۇلجا قالاسىندا وتكىزىلگەن وقۋ -اعارتۋ سالاسىنىڭ «ۇلتتار ىنتىماعى» ساۋىتىنا تالاسۋ باستاۋىش، ورتا مەكتەپتەر فۋتبول جارىسىنىڭ باستاۋىش مەكتەپ قىزدار فۋتبول جارىسىندا اتويشى رولىن تاماشا ساۋلەلەندىرىپ، قارسى جاقتىڭ قاقپاسىنا 5 دوپ ەنگىزىپ، مەكتەبىنىڭ 2 – دارەجەلى بولۋىنا ءوز ۇلەسىن قوسىپ، مەكتەپ جاعىنان «ۇزدىك فۋتبولشى» بولىپ باعالانادى. وسى جىلى قۇلجا قالاسىنىڭ 2 – كەزەكتى «لوۇڭۋەي» ساۋىتىنا تالاسۋ باستاۋىش مەكتەپ وقۋشىلارىنىڭ مەكتەپتەر ارا وتكىزىلگەن قىزداردىڭ ارقاننان سەكىرۋ جارىسىندا قالا بويىنشا 2 – بولىپ، مەكتەبىنە داڭق الىپ بەردى.

    ول ءبي، دەنەتاربيە كاسىپتەرىندە ۇزدىك بولۋمەن بىرگە، ساباقتا دا ۇزدىك وقۋشى، ول اعىلشىن ءتىلىن قۇلشىنا ۇيرەنىپ، «ءۇمىت جۇلدىزى» اتىنداعى اعىلشىن تىلىندەگى دەكلاماتسيا جارىسىنا قاتىناسىپ، «ۇزدىك شاباندوز» بولىپ باعالاندى. اعىلشىن ءتىلى دارەجە ەمتيحانىنا قاتىناسىپ، 5- دارەجە كۋالىگىن الدى. ۇستەگى جىلى 3 – ايدىڭ 20 – كۇنى شي – اندە وتكىزىلگەن «فۋتبول ەگەيى كىم» اتىنداعى جاڭا ءداۋىر ساۋىتىنا تالاسۋ جارىسىنا قاتىناسۋعا جولداما الىپ، شي – ان بەكەتى جارىسىنىڭ باستاۋىش مەكتەپ ۇل – قىزدار ارالاسپا فۋتبول جارىسىنا ىرىكتەلدى ءارى رايونىمىز اتىنان جارىسقا قاتىناسىپ، وسى قۇراما فۋتبول كومانداسى 2 - دارەجەگە يە بولعان. جارىستان سوڭ ورتالىق تەلەۆيزياسى دەنەتاربيە ارناسىنىڭ ارناۋلى سۇحپاتىن قابىلداعان.

    ءيا، كىشكەنە ءبۇلدىرشىننىڭ تاۋداي تالابىنا سۇيىنە وتىرىپ، الداعى شىعار بيىگىڭ ءالى الدا، ءاربىر باسقان قادامىڭا ءسات دەپ، اقجارما كوڭىلىمىزبەن تىلەك تىلەيمىز.

   

جاۋاپتى رەداكتور: گۇلدەن ماقسات قىزى