ماۋلەن: ەڭبەك ارقىلى تۇرمىسىمدى كۇننەن - كۇنگە جاقسارتامىن

  • كەلۋ قاينارى: شينجياڭ گازەتى تورابى
  • 10:34:24 20/06/2018

 

 حاباردى جازىپ، سۋرەتتى تۇسىرگەن: ەرىكتى ءتىلشى حۋ جۇنشيۋ

 

«كووپەراتيۆ اشۋدان بۇرىن، مەن تەك ءسۇت ساتىپ وتباسىمدى اسىرايتىنمىن. كووپەراتيۆ اشىلعاننان بەرى، ايران، ىرىمشىك، سارى ماي سياقتى ءسۇت ونىمدەرىن ساتتىم، ايلىق تازا كىرىسىم 10 مىڭ يۋاننان اينالدى». 5 - ايدىڭ 25 - كۇنى كوكتوعاي اۋدانى اقتۇما ءسۇت ونىمدەرى شارۋالار سەلبەستىك كووپەراتيۆىنىڭ جاۋاپتىسى ماۋلەن ومىرتاي ۇلىءوزىنىڭ شارۋاشىلىق قۇرۋ بارىسىن ماساتتانا باياندادى.

    ماۋلەن كوكتوعاي اۋدانى قاراتۇڭكە قالاشىعى تاسبالا قىستاعىنىڭ تۇرعىنى، ۇيىندە 10 نەشە سيىر بار، كوپ جىلدان بەرى ءسۇت ساتىپ، ءۇپى - ءتاپى تۇرمىس كەشىرىپ كەلگەن بولاتىن. ءبىر جولى كورشىسىنىڭ ىرىگەن ءسۇتتى توگىپ تاستاعانىن كورگەن ماۋلەندە ءسۇت ونىمدەرىن ءوندىرۋ ويى تۋىندايدى، ءبىراق قاراجات بولماعاندىقتان امالسىز دوعارادى.

    2016 - جىلى كوكتوعاي اۋداندىق جۇمىسشى ۇيىمى، كوممۋنيستىك جاستار وداعى ۇيىمى، ايەلدەر بىرلەستىگىنەن «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى وتباسىن ارالاپ جاعداي ۇعىسۋ بارىسىندا، ماۋلەننىڭ شارۋاشىلىق قۇرۋ ويى بار ەكەنىن بىلەدى دە، وعان 50 مىڭ يۋان ءوسىمسىز قارىز اقشا الۋدى ءوتىنىش ەتەدى ءارى قىستاقتان ءبىر بولمەلى ءۇي بوساتىپ بەرىپ، ونىڭ اقتۇما ءسۇت ونىمدەرى كووپەراتيۆىن قۇرۋىنا كومەكتەسەدى. ەڭبەكشىل ماۋلەن مەن ايەلى وڭاي قولعا كەلمەگەن ورايدى قاستەرلەپ، ەرتە شىعىپ - كەش قايتىپ جۇمىس ىستەپ، قوس قولىنا سۇيەنىپ سول جىلدىڭ وزىندە 100 مىڭ يۋان كىرىس كىرگىزەدى.

    2017 - جىلى ماۋلەن ايران ۇيىتۋ ماشيناسى، سارى ماي الۋ ماشيناسى، قوراپتاۋ ماشيناسى، كەپتىرۋ ماشيناسى جانە ءسۇت ساپاسىن تەكسەرۋ اسپابى سياقتى جابدىقتاردى ساتىپ الادى. «بىلتىر سارى مايدىڭ وزىنەن 300 كيلوگرام ساتتىم، بيىل 500 كيلوگرامنان اسىرماقشىمىن». «ءسۇت ونىمدەرىن دامىتۋ جولىن دۇرىس تاڭداعان ەكەنمىن، بارعان سايىن اۋقاتتانىپ كەلەمىن، موتوتسيكل، اۆتوكولىك، ءۇي ءبارى - ءبارى بار»، - دەدى ماۋلەن كۇلىمسىرەي.

    قازىر ماۋلەن قىستاقتاعى بايۋدىڭ باستاماشىسى، ول ۇنەمى قىزمەت اترەتى ۇيىمداستىرعان ديقانداردىڭ كەشكى كۋرسىندا قىستاقتاعىلارعا اۋقاتتانۋ جولىن اڭگىمەلەپ بەرەدى، كوپشىلىكتىڭ ۇسىنىسىن تىڭدايدى. ول تاعى ءتىپتى كوپ ادامداردى ءوزىنىڭ كووپەراتيۆىنە مۇشە بولۋعا يلاندىرادى. «اقشانى كوپشىلىك بىرگە تابايىق، ءبىر ادامنىڭ اۋقاتتانعانى اۋقاتتانعان ەمەس»، بۇل قىزمەت اترەتىنىڭ باستىعى ۋاڭ شينچيڭنىڭ ۇنەمى ايتاتىن ءسوزى. ول شاماسىنىڭ كەلىسىنشە ماڭايىنداعى ادامدارعا كومەكتەسەدى، كوپشىلىكتى بىرگە اۋقاتتانۋعا باستايدى، - دەيدى ماۋلەن.

جاۋاپتى رەداكتور: گۇلدەن ماقسات قىزى