مادەنيەتتە قۇدىرەتتى ەل قۇرۋدىڭ ۇيتقىسى ـ جۇڭگوشا سوتسياليستىك مادەنيەتتى دامىتۋ

  • كەلۋ قاينارى: ىلە گازەتى
  • 04:45:17 22/06/2018

    شي شۋاڭحاۋ

    

    مادەنيەت - ءبىر ەلدىڭ جانە ۇلتتىڭ ۇزاق دامۋ تاريحىندا جيناعان رۋحاني جەمىسى، مەملەكەت پەن ۇلتتىڭ تىرشىلىك تىنىسىن توعىستىراتىن رۋحي جان تامىرى جانە حالىقتىڭ رۋحي مەكەنى. وسى زامانعى جۇڭگودا سوتسياليستىك مادەنيەتتە قۇدىرەتتى ەل قۇرۋدىڭ ۇيتقىسى - جۇڭگوشا سوتسياليستىك مادەنيەتتى دامىتىپ، جۇڭحۋا مادەنيەتىنىڭ سالتاناتىن ۇزدىكسىز سومداۋ. جۇڭگوشا سوتسياليستىك مادەنيەت - جۇڭگوشا سوتسياليزمنىڭ دامۋىن ىلگەرىلەتەتىن رۋحاني كۇش. پارتيا 19 – قۇرىلتايى بايانداماسىندا بىلاي دەپ اتاپ كورسەتىلدى:«جۇڭگوشا سوتسياليستىك مادەنيەت -جۇڭحۋا ۇلتىنىڭ 5 مىڭ جىلدان استام عى وركەنيەت تاريحىنان باستاۋ الىپ جەتىلگەن جۇڭحۋانىڭ تاڭداۋلى ءداستۇرلى مادەنيەتى، ول پارتيانىڭ حالىققا باسشىلىق ەتىپ توڭكەرىس، قۇرىلىس، رەفورما بارىسىندا جاراتقان توڭكەرىستىك مادەنيەتىمەن جانە سوتسياليستىك وزىق مادەنيەتىمەن بىتە قايناسىپ، جۇڭگوشا سوتسياليزمنىڭ ۇلى امالياتىنا تەرەڭ تامىر تارتقان». اتالعان ماڭىزدى تۇجىرىم جۇڭگوشا سوتسياليستىك مادەنيەتكە عىلمي انىقتاما بەرىپ، جۇڭگوشا سوتسياليستىك مادەنيەتتىڭ ماندىك سيپاتىن تەرەڭدەي اشىپ كورسەتتى. سوتسياليستىك مادەنيەتتە قۇدىرەتتى ەل قۇرۋدا، جۇڭگوشا سوتسياليستىك مادەنيەتتى كوپ قىرىنان تۇسىنۋگە جانە يگەرۋگە تۋرا كەلەدى.

    جۇڭگوشا سوتسياليستىك مادەنيەت جۇڭگولىق ەرەكشەلىكتى كورنەكتىلەندىرگەن

    جۇڭگوشا سوتسياليستىك مادەنيەت -جۇڭگونىڭ مادەنيەتى، ول قويۋ جۇڭگولىق ەرەكشەلىككە، جۇڭگولىق ستيلگە، جۇڭگوشا ايبىنعا يە. ونىڭ قۇندىق وبيەكتى - جۇڭگو كومپارتياسى مەن جۇڭگو حالقى. ونىڭ مادەنيەتتىك مازمۇنى - جۇڭگو كومپارتياسى مەن جۇڭگو حالقى جاراتقان رۋحاني جەتىستىك، ول ايقىن جۇڭگولىق تۇرعىعا يە. جۇڭگوشا سوتسياليستىك مادەنيەتتى دامىتىپ، سوتسياليستىك مادەنيەتتە قۇدىرەتتى ەل قۇرۋدا جۇڭگولىق ەرەكشەلىكتى كورنەكتىلەندىرىپ، جۇڭگو كوممۋنيستىك پارتياسىنىڭ، جۇڭگو حالقىنىڭ مادەنيەتتىك قۋاتتاماسىن ايگىلەۋ كەرەك.

    ءارقانداي مادەنيەتتىڭ وزىندىك تامىرى بولادى، جۇڭگوشا سوتسياليستىك مادەنيەتتىڭ تامىرى - جۇڭحۋا ۇلتى 5 مىڭ جىلدان استام تاريح بارىسىندا جەتىلدىرگەن جۇڭحۋا ۇلتىنىڭ تاڭداۋلى ءداستۇرلى مادەنيەتى. بۇل - جۇڭگوشا سوتسياليستىك مادەنيەتتىڭ گەنى، جۇڭگوشا سوتسياليستىك مادەنيەتتى جەتىلدىرگەن قۇنارلى توپىراق. سونداي – اق جۇڭگوشا سوتسياليستىك مادەنيەتتىڭ ەرەكشەلىگى جانە باسىمدىعى، جۇڭحۋا مادەنيەتى - دۇنيەدەگى توقىراپ ـ توقتاپ قالماعان بىردەن ءبىر بايىرعى مادەنيەت. ول نەشە مىڭ جىلدىق تاريحتا قۇدىرەتتى ومىرشەڭدىك قۋاتىمەن بەكەمدەلە دامىپ، ادامزات مادەنيەتىنىڭ دامۋ تاريحىندا تالاي – تالاي شۇعىلالى تابىس جاراتتى. جۇڭگو كوممۋنيستىك پارتياسى - جۇڭحۋانىڭ تاڭداۋلى ءداستۇرلى مادەنيەتىنىڭ مۇراگەرى جانە ساۋلەلەندىرۋشىسى، ول جۇڭحۋانىڭ تاڭداۋلى ءداستۇرلى مادەنيەتىنە ەجەلدەن بەرى ەرەكشە ءمان بەرىپ كەلدى. سوتسياليستىك مادەنيەت جاعىنداعى قۇدىرەتتى ەل قۇرۋدا، جۇڭحۋانىڭ تاڭداۋلى ءداستۇرلى مادەنيەتىن بەلسەنە، ىرىقتى تۇردە جانداندىرىپ، ونى جۇڭگوشا سوتسياليستىك مادەنيەتتى دامىتاتىن ءنارلى ازىققا اينالدىرۋ كەرەك. ال وسى ءتۇيىندى جۇزەگە اسىرۋ ءۇشىن جۇڭحۋانىڭ تاڭداۋلى ءداستۇرلى مادەنيەتىنە جاسامپازدىق سيپاتتى بۇرىلىس جاساۋعا جانە ونى جاڭالىق اشا دامىتۋعا وسكەلەڭ دارەجەدە ءمان بەرۋگە تۋرا كەلەدى. جۇڭگوشا سوتسياليستىك مادەنيەتتى پارتيا حالىققا باسشىلىق ەتە وتىرىپ توڭكەرىس، قۇرىلىس، رەفورما جۇرگىزۋ بارىسىندا جاراتتى، جۇڭگوشا سوتسياليزمنىڭ ۇلى امالياتىنا تەرەڭ تامىر تارتقان، جۇڭگوشا سوتسياليستىك مادەنيەت جۇڭگوشا سوتسياليزم جولىنىڭ، جۇڭگوشا سوتسياليزم ءتۇزىمىنىڭ مادەنيەت اياسىنداعى بەينەلەنۋى، ول جۇڭگو رۋحىن، جۇڭگو قۇنىن، جۇڭگو كۇشىن ايگىلەپ، وسى زامانعى جۇڭگولىقتاردىڭ يدەيالىق كوزقاراسى مەن ءمورال جۇيەسىن بەينەلەدى. بۇل جۇڭگوشا سوتسياليستىك مادەنيەتتى دامىتۋدا، ءسوزجوق، «شەتەلدىكىن ءپىر تۇتاتىن»، «شەتەلدىكىن جارامدى سانايتىن»، «شەتەلگە تابىناتىن» قاتە كوزقاراستان اۋلاق بولۋ كەرەك ەكەنىن بەلگىلەدى.

جاۋاپتى رەداكتور: جازيرا بولاتباي قىزى