مادەنيەتتە قۇدىرەتتى ەل قۇرۋدىڭ ۇيتقىسى ـ جۇڭگوشا سوتسياليستىك مادەنيەتتى دامىتۋ

  • كەلۋ قاينارى: ىلە گازەتى
  • 04:45:17 22/06/2018

    جۇڭگوشا سوتسياليستىك مادەنيەت سوتسياليزمنىڭ ءمانىن ايگىلەدى

    جۇڭگوشا سوتسياليزمنىڭ مادەنيەت - باسقا سيپات الاتىن مادەنيەت ەمەس، قايتا سوتسياليزمدىك سيپات الاتىن مادەنيەت. مۇنىڭ مادەنيەتتىك سيپاتى جاعىندا وزىندىك قاعيداسى بار. سوتسياليستىك مادەنيەت - كاپيتاليستىك مادەنيەتتەن، فەودالىق مادەنيەتتەن اناعۇرلىم وزىق مادەنيەتتىك فورماتسيا، جۇڭگوشا سوتسياليستىك مادەنيەتتى دامىتىپ، سوتسياليستىك مادەنيەت جاعىنداعى قۇدىرەتتى ەل قۇرۋدا، سوتسياليزمنىڭ ماندىك سيپاتىن مىقتى يگەرىپ، مادەنيەتتىك سەنىمدى ۇزدىكسىز نىعايتۋ كەرەك.

    جۇڭگوشا سوتسياليستىك مادەنيەت پارتيا حالىققا باسشىلىق ەتىپ توڭكەرىس، قۇرىلىس، رەفورما جۇرگىزۋ بارىسىندا شىڭداپ جەتىلدىرگەن توڭكەرىستىك مادەنيەت ءارى سوتسياليستىك وزىق مادەنيەت. مەيلى توڭكەرىستىك مادەنيەت بولسىن، الدە سوتسياليستىك وزىق مادەنيەت بولسىن، ءبارى دە سوتسياليستىك ءمان الاتىن مادەنيەت، ول جۇڭگو كوممۋنيستىك پارتياسى جۇڭگو حالقىنا باسشىلىق ەتە وتىرىپ توڭكەرىس، قۇرىلىس، رەفورما جۇرگىزۋ امالياتى بارىسىندا ۇزدىكىسز قالىپتاستىرعان جانە بايىتقان رۋحاني جەمىس. سونىمەن بىرگە، جۇڭحۋانىڭ تاڭداۋلى ءداستۇرلى مادەنيەتى جاسامپازدىقپەن بۇرىلىس جاساعان جانە جاڭالىق اشىپ دامۋ بارىسىنان سوڭ، ول دا جۇڭگوشا سوتسياليزممەن سايكەسەدى. سوتسياليزمنىڭ ءمانى جۇڭگوشا سوتسياليستىك مادەنيەت قاشان دا حالىق ءۇشىن قىزمەت ەتەتىن، سوتسياليزم ءۇشىن قىزمەت ەتەتىن، حالىقتى وزەك ەتەتىن مادەنيەت ەكەنىن بەلگىلەدى. جۇڭگوشا سوتسياليستىك مادەنيەتتىڭ قاشان دا سوتسياليستىك ءمانىن ساقتاۋىنىڭ سەبەبى - ول قاشان دا ماركسيزمدى جەتەكشى ەتۋگە تاباندى بولىپ، ادامزاتتىڭ وزىق مادەنيەتىنىڭ العا باسۋ باعىتىنا ۋاكىلدىك ەتكەندىگىندە. سوندىقتان جۇڭگوشا سوتسياليستىك مادەنيەتتى دامىتىپ، سوتسياليستىك مادەنيەت جاعىنداعى قۇدىرەتتى ەل قۇرۋدا، ءسوزجوق، قاي ـ قاشان دا ماركسيزمدى جەتەكشى ەتۋگە تاباندى بولۋ كەرەك، بۇل - جۇڭگوشا سوتسياليستىك مادەنيەتتى باسقا سيپاتتاعى مادەنيەتتەن پارىقتايتىن ءتۇبىرلى بەلگى. ماركسيزمنىڭ جەتەكشىلىگىنەن قول ۇزسە، سوتسياليزمنىڭ مانىنەن ىرگەسىن اۋلاقتاتسا مادەنيەت ونىمدەرى كوپ وندىرىلگەن كۇننىڭ وزىندە دە سوتسياليستىك مادەنيەت جاعىنداعى قۇدىرەتتى ەلمىز دەۋگە كەلمەيدى.

    جۇڭگوشا سوتسياليستىك مادەنيەت امالياتتا ايگىلەۋ رۋحىنا يە

    جۇڭگوشا سوتسياليستىك مادەنيەت - جۇڭگوشا سوتسياليزمنىڭ ۇلى امالياتىنىڭ جاندى بەينەسى، سونداي – اق جۇڭگوشا سوتسياليزمنىڭ ۇلى امالياتىن جەبەيتىن رۋحاني قوزعاۋشى كۇش. ماركسيزمنىڭ نەگىزگى كوزقاراسى بويىنشا قوعامدىق بولمىس قوعامدىق تانىمدى بەلگىلەيدى، قوعامدىق تانىم تاعى قايتا اينالىپ كەلىپ قوعامدىق بولمىسقا اسەر ەتەدى. مادەنيەت ءبىر ءتۇرلى قوعامدىق تانىم رەتىندە، سايىپ كەلگەندە، قوعامدىق بولمىستىڭ ءبىر ءتۇرلى بەينەسى. جۇڭگوشا سوتسياليستىك مادەنيەت ءبىر ءتۇرلى كوزقاراس جانە رۋحاني قاتپارىنداعى دۇنيە، ول سايىپ كەلگەندە، جۇڭگوشا سوتسياليزمنىڭ ۇلى امالياتىنىڭ بەينەلەنۋى، سونىمەن بىرگە جۇڭگوشا سوتسياليزمنىڭ ۇلى امالياتىنا قايتا اينالىپ كەلىپ اسەر ەتەدى. جۇڭگوشا سوتسياليستىك مادەنيەتتى دامىتىپ، سوتسياليستىك مادەنيەت جاعىنداعى قۇدىرەتتى ەل قۇرۋ ءۇشىن ونىڭ امالياتتىق رۋحىن مىقتى يگەرىپ، رۋحاني مادەنيەت پەن زاتتىق مادەنيەتتى سايكەستى دامىتۋ كەرەك.

جاۋاپتى رەداكتور: جازيرا بولاتباي قىزى