ماركسيزمگە سەنۋ جانە ونى قولدانۋ، دامىتۋ جونىندە

  • كەلۋ قاينارى: ىلە گازەتى
  • 04:46:53 22/06/2018

    ساۋپيڭ

    

    دۇنيەگە نازار سالعانىمىزدا نازاريالىق قۇرىلىسقا وسكەلەڭ ءمان بەرىپ، نازاريالىق سانالىلىقتى باستان – اياق ساقتاپ كەلگەن جۇڭگو كوممۋنيستىك پارتياسى سياقتى ساياسي پارتيا ساناۋلى عانا ەكەنىنە، پارتيانىڭ كۇرەس تاريحىن ەسكە العانىمىزدا جۇڭگو كوممۋنيستىك پارتياسىنىڭ قيىن – قىستاۋلاردى باسىنان كەشىرسەدە ۇزدىكسىز دامىپ قۇدىرەتتەنۋىندەگى ماڭىزدى ءبىر سەبەپ، پارتيامىز باستان – اياق پارتيانى يدەيالىق جاقتان قۇرۋعا، نازاريالىق جاقتان كۇشەيتۋگە نازار اۋدارىپ، بۇكىل پارتيا يدەيانى بىرلىككە كەلتىرۋدى، بەرىك نازاريانى، سايكەستى قيمىل مەن كۇشتى جاۋىنگەرلىك قۋاتتى باستان – اياق ساقتاعاندىعىنا كوز جەتكىزەمىز.

    نازاريالىق سانالىلىق نازاريالىق سانا مەن تۇيسىك دەگەن ءسوز. جۇڭگو كوممۋنيستىك پارتياسى ماركسيزمدىك ساياسي پارتيا، ماركسيزمدى جەتەكشى ەتۋگە تاباندى بولىپ، ماركسيزمگە سانالى تۇردە سەنەدى جانە قولدانادى جانە دامىتادى. جۇڭگو كوممۋنيستىك پارتياسى ماركسيزم تۋىن بيىك كوتەرۋدىڭ اسا ماڭىزدىلىعىن تەرەڭ تانىدى، بۇكىل پارتيا، وتە – موتە، پارتيالى باسشى كادرلار ماركسيزمدى تەرەڭ، باياندى، قاجىرلىلىقپەن ۇيرەنۋ سانالىعىنا يە بولۋلارى؛ ماركسيزم ازىرلەگەن ارەكەت قبىلاناماسىن تەرەڭ جەتە تانۋلارى؛ ونى وزگەرمەيتىن دوگىماتيزمگە اينالدىرماي، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋلارى ءارى جۇڭگونىڭ امالياتىنا جاسامپازدىقپەن قولدانۋ سانالىلىققا يە بولۋلارى، ماركسيزمنىڭ داميتىن، اشىق نازاريالىق جۇيە ەكەنىن جەتە تانىپ، ماركسيزمنىڭ جاندى دا باي وسى زامانعى جۇڭگو امالياتى ارقىلى دامىتۋ سانالىلىعىنا يە بولۋلارى كەرەك.

    ماركسيزم جۇڭگو كوممۋنيستىك پارتياسى مۇرات ـ سەنىمىنىڭ جان – جۇيەسى، ماۋ زىدۇڭ جولداس بىلاي دەگەن بولاتىن:«ناعىز نازاريا دۇنيەدە بىرەۋ عانا، وبيەكتيۆ ءىس جۇزىندىكتەن الىنىپ، قايتادان وبيەكتيۆ ءىس جۇزىندىكتى دالەلدەيتىن نازاريا، باسقا ەشقانداي نارسە ءبىز ايتىپ وتىرعان بۇل نازارياعا تەڭ كەلە المايدى». ماركسيزم انە سونداي وبيەكتيۆ ءىس جۇزىندىكتەن تۋىنداپ، قايتا كەلىپ وبيەكتيۆ ءىس جۇزىندىكتە دالەلدەنگەن عىلمي نازاريا. ماركسيزمنىڭ دۇنيەنىڭ ماتەريالىلىعى مەن ونىڭ دامۋ زاڭدىلىعى، ادامزات قوعامىنىڭ دامۋ تابيعيلىعى، تاريحيلىعى جانە وعان قاتىستى زاڭدىلىقتارى، تانىمنىڭ ءمانى جانە ونىڭ دامۋ زاڭدىلىعى جونىندەگى قاعيدالارى، ادامداردىڭ دۇنيەنى بايقاۋىنا، ماسەلەلەرگە تالداۋ جاساۋىنا كۇشتى يدەيالىق قارۋ اپەردى. ماركسيزمگە بولعان ۇيرەنۋ تەرەڭدەگەن سايىن ونىڭ عىلميلىعى مەن اقيقاتتىلىعىنان سونشالىق اسەر الۋعا، ماركسيزمدىك سەنىمدى سونشالىق بەكەمدەۋگە بولادى. مەيلى توڭكەرىستىك سوعىس داۋىرىندە بولسىن، الدە بەيبىت قۇرىلىس جۇرگىزىپ، رەفورما جاساپ، ەسىك اشۋ داۋىرىندە بولسىن، جۇڭگو كوممۋنيستىك پارتياسى ماركسيزمنىڭ كلاسسيك شىعارمالارى مەن قاعيدالارىن ۇيرەنۋدى بوساڭسىتىپ كورگەن ەمەس. نازاريالىق قاينارعا سانالى تۇردە بەرىلەتىن مۇنداي ىشكى سەنىم جۇڭگو كوممۋنيستەرىنىڭ قانىنا ءسىڭىپ، ونىڭ رۋحاني ارمانىنا، اۋەلگى ماقساتتى ۇمىتپاۋىنا، باستان – اياق العا باسارلىعى مەن كىرشىكىزدىگىن ساقتاۋدىڭ ماڭىزدى جولىنا اينالدى.

    ماركسيزم كىتاپتاعى ءبىلىم عانا ەمەس، ول ادامزاتتى ازات ەتۋدى جۇزەگە اسىرۋدان تۋىنداعان ءارى ادامزاتتى ازاتتىققا باستاۋ بارىسىندا بايىعان جانە دامىعان. جۇڭگو كوممۋنيستىك پارتياسى ماركسيزمنىڭ 19 – عاسىردىڭ ورتا شەنىندە ەۆروپادا دۇنيەگە كەلگەندىگىن ابدەن بىلەدى، ونى جۇڭگونىڭ توڭكەرىسى، قۇرىلىسى، رەفورماسى سىندى ماشاقاتتى دا كۇردەلى ىستەرىنە جەتەكشىلىك ەتۋگە قولداندى، ونى وزگەرمەيتىن دوگىما دەپ قارامادى، قايتا جۇڭگو ناقتى ءىس جۇزىندىگىمەن تىعىز ۇشتاستىرىپ، بارلىعىندا سول كەزدەگى ۋاقىت، ورىن، شارت – جاعدايعا قاراي وتىرىپ كادەگە جاراتتى. ماركسيزمنىڭ ۇشان – تەڭىز يدەيالىق نازاريالىق جۇيەسى ەكەندىگىن كورە ءبىلدى. ءدال دىڭ شياۋپيڭ جولداستىڭ «ماركسيزم، لەنينيزمنىڭ ءنارىن ۇيرەنىپ، ونى كادەگە جاراتۋ» دەگەنىندەي ۇيرەنۋ مەن قولدانۋ بارىسىندا ونىڭ رۋحي ءمانى مەن يكەمدى جان – جۇيەسىن يگەرۋگە نازار اۋدارۋ كەرەك.

جاۋاپتى رەداكتور: جازيرا بولاتباي قىزى