ماركسيزمگە سەنۋ جانە ونى قولدانۋ، دامىتۋ جونىندە

  • كەلۋ قاينارى: ىلە گازەتى
  • 04:46:53 22/06/2018

    نازاريانى قولدانۋدا وسىنداي سەرگەكتىكپەن سانالىلىق بولعاندىقتان، جۇڭگو كوممۋنيستىك پارتياسى ماركسيزمنىڭ نەگىزگى قاعيدالارىن جۇڭگونىڭ كەڭ بايتاق القابىندا ساۋلەلەندىرىپ، توڭكەرسى، قۇرىلىسى، رەفورمانىڭ ءاربىر تاريحي مەزگىلدەرىندە ماركسيزمدىك مايداندى، كوزقاراستى، ادىستەردى قولدانىپ، ءتۇرلى ەلەۋلى نازاريالىق جانە امالياتتىق ماسەلەلەردى زەرتتەپ شەشىپ، جۇڭحۋا ۇلتىن باستاپ ەتىپ ۇلى كوركەيۋدى جۇزەگە اسىرۋدىڭ اقاۋسىز دا سارا جولىنا ءتۇستى.

    ماركسيزم جۇڭگوعا ەنىپ، شىعىستاعى وسى ءبىر بايىرعى ءىرى ەلدە تەرەڭ وزگەرىس تۋدىرىپ، جاندى ومىرشەڭدىك قۋات باعىشتادى. سونىمەن بىرگە ماركسيزمنىڭ ءوزى دە جۇڭگولانۋ بارىسىندا كۇشتى ومىرشەڭدىك قۋاتقا يە بولدى. جۇڭگو كوممۋنيستىك پارتياسى داۋىرمەن جارىسا العا ىلگەرىلەۋ ماركسيزمنىڭ نازاريالىق قاسيەتى، ماركسيزم داۋدىڭ، امالياتتىڭ، عىلىمنىڭ دامۋىنا ساي ۇزدىكسىز داميتىن، اشىق ۇستالاتىن نازاريالىق جۇيە، ماركسيزمنىڭ ۇزدىكسىز دامۋىن جەبەۋ ءوزىنىڭ بۇلتارتپاس جاۋاپكەرلىگى ەكەندىگىن سەرگەكتىكپەن جەتە تانىدى. ماۋ زىدۇڭ يدەياسى، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسى، عىلمي دامۋ كوزقاراسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى سىندى ەلەۋلى نازاريالىق جەتىستىكتەر جۇڭگو كوممۋنيستىك پارتياسىنىڭ ءداۋىردىڭ ۇندەۋىنە جاۋاپ سانالى تۇردە جاۋاپ بەرىپ، كەلەلى رەال ماسەلەلەردى زەرتتەپ شەشۋ تۇرعىسىنان جاراتقان نازاريالىق جاڭالىعى. جۇڭگو كوممۋنيستىك پارتياسىنىڭ ماركسيزمگە وسىنداي اشىق، دامۋ تۇرعىسىنان مامىلە جاساۋى ءارى ونىڭ ۇزدىكسىز تىڭ ومىرشەڭدىككە يە بولۋىن جەبەۋى - ماركسيزمگە ادالدىقپەن سەنگەندىگىنىڭ ەڭ تاماشا ءتاسىلى.

    ماركسيزمگە سەنۋ، ماركسيزمدى قولدانۋ، ماركسيزمدى دامىتۋ قاتار ىلگەرىلەپ، جۇڭگو كوممۋنيستىك پارتياسىنىڭ نازاريالىق سانالىلىعىن قالىپتاستىرعان ماڭىزدى مازمۇنعا اينالدى. شي جينپيڭ جولداس:«نازاريادا سانالى بولۋ، مادەنيەتتە سەنىم بولۋ - ءبىر ۇلتتى العا باستىراتىن كۇش – قۋات» دەپ دارىپتەدى. جۇڭحۋا ۇلتىنىڭ ۇلى كوركەيۋىن جۇزەگە اسىرۋدا نازاريالىق وي توتەنشە ماڭىزدى. جۇڭگو كوممۋنيستىك پارتياسى سياقتى وسكەلەڭ نازاريالىق سانالىلىققا يە قۇدىرەتتى ساياسي پارتيانىڭ باسشىلىعىندا، جۇڭحۋا ۇلتىنىڭ ۇلى كوركەيۋى سىندى تاماشا جوسپاردىڭ جۇڭگو توپىراعىندا، ءسوزسىز، جۇزەگە اساتىندىعى داۋسىز.

    حانزۋشادان اۋدارعان: كوكسۋباي وزىبەك ۇلى

جاۋاپتى رەداكتور: جازيرا بولاتباي قىزى