قىستاقتان زەردە ساباقحاناسىن اشتى

  • كەلۋ قاينارى: شينجياڭ گازەتى تورابى
  • 08:18:16 22/06/2018

    حابارىن جازىعان ەرىكتى ءتىلشى گاۋ بۋ

 

    «رەڭ بەرۋدىڭ ماڭىزدىلىعىنا وتە كوڭىل بولىڭدەر، سولعىننان بىرتىندەپ قانىق رەڭگە كوشكەندە گۇلدەر ءتىپتى دە اسەم كورىنەدى...». 6 - ايدىڭ 2 - كۇنى شيحۋ قالاسى شەگوشور قالاشىعى حالىگەنبۇلاق قىستاق تۇرعىندار كوميتەتىنىڭ زەردە ساباقحاناسىندا شيحۋ قالالىق 1 - ورتا مەكتەپتىڭ «ۇعىسۋ، تيىمدىلىك جاساۋ، توعىستىرۋ» بويىنشا وسى قىستاقتا تۇراتىن قىزمەت اترەتىنىڭ مۇشەسى شۇي ۋيۋي بالالارعا سۋ بوياۋلى سۋرەت سىزۋدى ۇيرەتۋدە.

    شۇي ۋيۋي شيحۋ قالالىق 1 - ورتا مەكتەپتىڭ اسەمونەر وقىتۋشىسى، 2017 - جىلى 3 - ايدان باستاپ وسى قىستاقتا تۇرۋ قىزمەتىن ىستەگەن كەزدە، قىستاق بالالارىنا كوركەمونەر تاربيەسىنىڭ تىم كەمشىل بولىپ وتىرعاندىعىن بايقاپ، ءوز ماماندىعىنان پايدالانىپ قىستاق تۇرعىندار كوميتەتىنەن زەردە ساباقحاناسىن اشادى. ءبىر جىلدىق قۇلشىنىس ارقىلى زەردە ساباقحاناسى شەگوشور قالاشىعىنا اتى ايگىلى بولا باستايدى، العاش ساباق باستاعان كەزدە بىرنەشە بالا عانا كەلىپ قاتىناسسا، قازىر ماڭداعى قىستاقتاردان بولىپ 40 نەشە بالا كەلىپ قاتىناساتىن بولدى.

    قىزمەت اترەتى بالالارعا سۋرەت موسىسى، قاعاز، قارىنداش، سۋ بوياۋ، ماي بوياۋ تاياقشاسى سىندى ۇيرەنۋ قۇرالدارىن تەگىن تاراتىپ بەردى. ءار اپتانىڭ سوڭىندا بالالار زەردە ساباقحاناسىندا سۋرەت سىزۋدى، رازىڭكە بالشىقتان ءمۇسىن جاساۋدى ۇيرەنەدى، بىرگە تاشان تەبۋ، ءجىپ سەكىرۋ سياقتى قىزىقتى ويىندار ويناپ ءماز - ءمايرام بولىپ جاتادى. زەردە ساباقحاناسىن نە ماقساتپەن اشقانىن سۇراعانىمىزدا، شۇي ۋيۋي: «بالالارمەن بىرگە قىل قالاممەن باقىتتى تۇرمىستىڭ كارتيناسىن سىزىپ، بالالىق شاقتىڭ قۋانىشىنان ءلاززاتتانىپ، بالالاردى سۋرەتكە باۋراپ، زەيىن - زەردەلەرىن اشسام دەپ ويلايمىن، مەنىڭشە، بۇل − وقىتۋشىنىڭ وتەۋگە ءتيىستى مىندەتى عوي، - دەيدى.

    جازعى دەمالىس تا تاياپ قالدى، قىزمەت اترەتى بالالاردىڭ جازعى دەمالىسىنا ەرتە باستان جوسپار جاساپ قويىپتى، شيحۋ قالالىق 1 - ورتا مەكتەبىنىڭ «ۇعىسۋ، تيىمدىلىك جاساۋ، توعىستىرۋ» بويىنشا حالىگەنبۇلاق قىستاعىندا تۇراتىن قىزمەت اترەتىنىڭ باستىعى جاڭ جۇن: جازدىق دەمالىس كەزىندە وقىتۋشىلاردىڭ ارتىقشىلىعىن ساۋلەلەندىرىپ، بالالارعا ويىنمەن ۇشتاستىرا تاربيە جۇرگىزىپ، ولاردىڭ بالالىق شاقتىڭ قىزىعىنا باتىپ، اقاۋسىز ەرجەتۋىنە كومەكتەسەمىز، - دەدى.

جاۋاپتى رەداكتور: جازيرا بولاتباي قىزى