شي جينپيڭ ەسىرتكىگە تيىم سالۋ قىزمەتى جونىندە ماڭىزدى نۇسقاۋ بەرگەندە مىنانى باسا دارىپتەدى: ەسىرتكى ماسەلەسىن جونگە سالۋدا جۇڭگوشا جولمەن ءجۇرىپ، جاڭا داۋىردەگى ەسىرتكىگە تيىم سالۋ جونىندەگى حالىقتىق شايقاستىڭ جەڭىسىنە باتىل قول جەتكىزۋ كەرەك

  • كەلۋ قاينارى: ىلە گازەتى
  • 04:38:49 27/06/2018

   

    شينحۋا اگەنتتىگىنىڭ 6 - ايدىڭ 25 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ەسىرتكىگە تيىم سالۋ قىزمەتى جونىندە ماڭىزدى نۇسقاۋ بەرىپ، مىنالاردى باسا دارىپتەدى: پارتيانىڭ باسشىلىعىن كۇشەيتىپ، ساياسي باسىمدىق پەن تۇزىمدىك باسىمدىقتى تولىق ساۋلەلەندىرىپ، جونگە سالۋ جۇيەسىن كەمەلدەندىرىپ، قىزمەت جاۋاپكەرلىگىن ناقتىلاپ، حالىقتى كەڭ كولەمدە اتتانىسقا كەلتىرىپ، ەسىرتكى ماسەلەسىن جونگە سالۋدا جۇڭگوشا جولمەن ءجۇرىپ، جاڭا داۋىردەگى ەسىرتكىگە تيىم سالۋ جونىندەگى حالىقتىق شايقاستىڭ جەڭىسىنە باتىل قول جەتكىزۋ كەرەك.

    شي جينپيڭ بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى، مەملەكەتتىك ەسىرتكىگە تيىم سالۋ كوميتەتى مەن ءارقايسى ءوڭىر، ءارقايسى تاراۋلار ورتالىقتىڭ شەشىمدەرىن، ورنالاستىرۋلارىن باتىل دايەكتىلەندىرىپ، ىرىقتىلىقپەن ءىس تىندىرىپ، قيىندىقتاردان قامال الىپ، ەسىرتكىگە تيىم سالۋ قىزمەتىنىڭ ماڭىزدى كەزەڭدىك تابىسقا قول جەتكىزۋىن ىلگەرىلەتتى.

    شي جينپيڭ بىلاي دەپ باسا دارىپتەدى: ەسىرتكىگە تيىم سالۋ قىزمەتى مەملەكەتتىڭ حاۋىپسىزدىگىنە، ۇلتتىڭ گۇلدەنىپ كوركەيۋى مەن قۇلدىراۋىنا، حالىقتىڭ قۇت - ىرىسىنا سايادى، ەسىرتكى جوعالمايىنشا، ەسىرتكىگە تيىم سالۋ كۇرەسىن ءبىر كۇن دە بوساڭسىتۋعا بولمايدى. ەسىرتكىگە قاتىستى زاڭعا قايشى قىلمىستى ارەكەتتەرگە زاڭ بويىنشا سوققى بەرۋدە، ءتۇيىندى وڭىرلەردەگى وڭاۋ، جونگە سالۋ تەبىنىن كۇشەيتىپ، ەسىرتكى جاساۋ، ەسىرتكى ساۋدالاۋمەن شۇعىلداناتىن توپتاردى باتىل تالقانداپ، ەسىرتكىگە قاتىستى سۇرقيا كۇشتەردىڭ تامىرىن قازىپ، سونداي - اق ولاردىڭ «قورعانىشىن» تاۋىپ شىعىپ، ەسىرتكى ماسەلەسىنىڭ ءوسىپ، ءوربيتىن قاينارىن الاستاۋ كەرەك. وتكەلدى الدىڭعى شەپكە جوتكەپ، ساقتانۋعا الدىمەن ءمان بەرۋدە تاباندى بولىپ، جاستار مەن جاس ءوسپىرىم سياقتى قاۋىمدى ءتۇيىن ەتە وتىرىپ، ەسىرتكىدەن ساقتانۋ جونىندەگى ۇگىت - تاربيەنى ىشكەرىلەي ورىستەتىپ، تۇتاس قوعام بويىنشا ەسىرتكىنى سانالىلىقپەن شەكتەيتىن كۇشتى اۋقىمىن قالىپتاستىرۋ كەرەك.

    1987 – جىلى 12 - ايدا، 42 - كەزەكتى ب م ۇ جينالىسى ءار جىلى 6 - ايدىڭ 26 - كۇنىن «حالىقارالىق ەسىرتكىگە تيىم سالۋ كۇنى» ەتىپ بەلگىلەدى. بيىلعى ەسىرتكىگە تيىم سالۋ كۇنىندە، ەلىمىزدىڭ ۇگىت نەگىزگى تاقىرىبى − «جاسىل دا زالالسىز سالاماتتى ءومىردى دارىپتەيىك».

جاۋاپتى رەداكتور: گۇلدەن ماقسات قىزى