پارتيانىڭ جاپپاي باسشىلىعىندا تاباندى بولۋدى جانە ونى كۇشەيتۋدى ىشكەرىلەي تانۋ كەرەك

  • كەلۋ قاينارى: ىلە گازەتى
  • 03:47:30 29/06/2018

 

    داي يانجۇن

    شي جينپيڭ جولداس پارتيا 19–قۇرىلتايى بايانداماسىندا مىنانى باسا دارىپتەگەن بولاتىن: «پارتيا، ۇكىمەت، ارميا، حالىق، وقۋ–اعارتۋ سياقتى بارلىق سالاعا جانە بارلىق جەرگە پارتيا باسشىلىق ەتەدى». ول تاعى جاڭا داۋىردەگى پارتيا قۇرىلىسىنىڭ جالپى تالابىن ايقىن العا قويا وتىرىپ، «پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ كەرەك» دەپ اتاپ كورسەتكەن بولاتىن. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19–قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردە پارتيا قۇرىلىسىنىڭ تىڭ دا ۇلى ينجەنەرياسىن اناعۇرلىم ىلگەرىلەتىپ، پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ سىندى وسى ءبىر ءتۇبىرلى تالاپتى، ءسوزسىز، ىشكەرىلەي تانۋ، قاتاڭ يگەرۋ كەرەك.

    جۇڭحۋا ۇلتىنىڭ ۇلى گٷلدەنۋىن جۇزەگە اسىرۋدىڭ ءتۇبىرلى كەپىلى

    جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ _ بارشا جۇڭحۋا ۇل–قىزدارىنىڭ ورتاق ارمانى جانە كوكەيتەستى ءۇمىتى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى ساياسي العى شارت _ جۇڭگو كوممۋنيستىك پارتياسىنىڭ جاپپاي باسشىلىعى. پارتيا 19–قۇرىلتايىنىڭ بايانداماسىندا اتاپ كورسەتىلگەندەي: «تاريح جۇڭگو كوممۋنيستىك پارتياسىنىڭ باسشىلىعى بولماسا، ۇلتتىڭ گۇلدەنۋىنىڭ قۇر قيالعا اينالاتىنىن دالەلدەدى ءارى دالەلدەي بەرمەك». تاياۋ زاماننان بەرى كۇن سايىن دارمەنسىزدەنگەن مەملەكەتتەر باتىستاعى قۋاتتى ەلدەردىڭ شاپقىنشىلىعىنا ءدوپ كەلىپ، اۋىر زاۋالعا جولىققان ۇلتقا اينالۋدا. جۇڭگو كوممۋنيستىك پارتياسى قۇرىلۋدان بۇرىن كوپتەگەن قامقورشىلار مەن قايراتكەرلەر جۇڭحۋا ۇلتىنىڭ ۇلى گۇلدەنۋى ءۇشىن قايسارلىقپەن كۇرەس جۇرگىزدى، الايدا جۇڭحۋا ۇلتىن كەدەيلىكتەن جانە دارمەنسىزدىكتەن قۇتىلدىراتىن، ءۇرتىس الۋەتتەندىرە تۇسەتىن جولدى ەشقايسىسى دا تابا المادى. تاريح جۇڭگو كوممۋنيستىك پارتياسىن ءداۋىردىڭ العى لەگىنە جەتەلەدى. جۇڭگو كوممۋنيستىك پارتياسى ماركسيزمدى ءوزىنىڭ ارەكەت قىبلاناماسى ەتىپ، جۇڭحۋا ۇلتىن تاۋەلسىزدەندىرەتىن، جۇڭگو حالقىن ازات ەتەتىن تۋرا جولدى تاپتى ءارى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن قاجىماي كۇرەس جۇرگىزدى. جۇڭگو كوممۋنيستىك پارتياسىنىڭ باسشىلىعىندا جۇڭحۋا ۇلتى ورنىنان تۇردى، اۋقاتتانا باستادى، سونداي–اق قۇدىرەتتەنە ءتۇستى. «جۇڭگو كوممۋنيستىك پارتياسى بولماسا جاڭا جۇڭگو دا بولماق ەمەس». «جۇڭگونىڭ ىستەرىن ويداعىداي ىستەۋدىڭ تەتىگى _ پارتيادا». «پارتيانىڭ باسشىلىعىندا تاباندى بولۋ جانە ونى كەمەلدەندىرۋ _ پارتيا مەن مەملەكەتتىڭ ءتۇبىرلى تياناعى، سونداي–اق جان تامىرى». وسىلاردىڭ ءبارى تاريحتىڭ قورىتىندىسى ءارى رەالدىق ءۇنى، پارتيانىڭ جاپپاي باسشىلىعىندا تاباندى بولۋ مەن ونى كۇشەيتۋ تاريحي سوزسىزدىك جانە رەال قاجەتتىلىك ەكەنىن تولىق ايگىلەدى.

    بۇگىن جۇڭگوشا سوتسياليزم جاڭا داۋىرگە قادام تاستادى، جۇڭحۋا ۇلتىنىڭ ۇلى گۇلدەنۋى اسا زور تاريحي شەشۋشى ساتكە جەتتى، جاپپاي دوڭگەلەك داۋلەتتى قوعام قۇرىلاتىن كۇن جاقىنداي تۇسۋدە، سوتسياليستىك وسىزاماندانعان مەملەكەتتى جاپپاي قۇرۋ تىڭ جورىعى باستالماقشى. كەزەكتە دۇنيە جاعدايىن، مەملەكەت جاعدايىن، پارتيا جاعدايىن دۇرىس يگەرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ نەگىزگى شارتىنا جاپپاي تالداۋ جۇرگىزۋ ارقىلى ءبىز پارتيانىڭ جاپپاي باسشىلىعىندا باستان–اياق تاباندى بولىپ جانە ونى كۇشەيتىپ، بۇكىل ەلىمىزدەگى ءار ۇلت حالقىن جۇڭگو كوممۋنيستىك پارتياسىنىڭ توڭىرەگىنە تىعىز ىنتىماقتاستىرۋ _ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ءتۇبىرلى كەپىلى ەكەنىن ىشكەرىلەي تانىپ جەتتىك.

جاۋاپتى رەداكتور: گۇلدەن ماقسات قىزى