پارتيانىڭ جاپپاي باسشىلىعىندا تاباندى بولۋدى جانە ونى كۇشەيتۋدى ىشكەرىلەي تانۋ كەرەك

  • كەلۋ قاينارى: ىلە گازەتى
  • 03:47:30 29/06/2018

    پارتيانىڭ جاپپاي باسشىلىعى ۇلتتى كوركەيتۋ ءىسىن ءتۇبىرلى ساياسي كەپىلمەن قامدايدى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا جۇڭحۋا ۇلتى باستان–اياق وسكەلەڭ ىنتىماقتى، بىرلىكتى ساقتاۋى، ءبىر نيەت، ءبىر تىلەكتە بولۋى، ۇلى كۇرەستى، ۇلى ءىستى ءبىر جاعادان باس، ءبىر جەڭنەن قول شىعارا وتىرىپ جۇرگىزۋى كەرەك. وسى ءبىر ءتۇيىندى ورىنداي العاندا عانا ۇلى ينجەنەريا قۇرۋعا، پارتيانىڭ جاپپاي باسشىلىعىندا تاباندى بولۋعا جانە ونى كۇشەيتۋگە بولادى. بۇل ۇلتتى كوركەيتۋدىڭ ەڭ ءتۇبىرلى ساياسي كەپىلى. دىڭ شياۋپيڭ جولداس كەزىندە بىلاي دەپ اتاپ كورسەتكەن بولاتىن: جۇڭگو كوممۋنيستىك پارتياسىنىڭ باسشىلىعى بولماعاندا مەملەكەتىمىز بولشەكتەنىپ، تورعايداي توزاتىن ەدى. بۇل تاريحي تاجىريبەلەردەن شىعارىلعان تەرەڭ قورىتىندى ءارى جۇڭگونىڭ امالياتىن جەتىك مەڭگەرگەندىك. پارتيامىزدىڭ جۇڭگونىڭ ورنىقتى دامۋىنداعى جانە جۇڭگو حالقى مەن جۇڭحۋا ۇلتىنىڭ ءتۇبىرلى مۇددەسىن جۇزەگە اسىرۋدا كەم بولسا بولمايتىن كەلەلى ورنى مەن رولىن اتاپ كورسەتتى.

    پارتيانىڭ جاپپاي باسشىلىعى ۇلتتىڭ كوركەيۋىندە عىلمي يدەيالىق جەتەكشىلىك رول اتقارادى. ءبىر ميلليارد 300 ميلليوننان استام جان سانى بار شىعىستاعى ءىرى ەلدە وسىزاماندانۋدى جۇزەگە اسىرۋ _ ادامزات تاريحىندا بۇرىن–سوڭدى بولماعان ۇلى باستاما، ادامزات تاريحىندا ەجەلدەن بولىپ كورىلمەگەن مۇنداي حاۋىپ–قاتەر مەن سايىسقا تابيعات قانا ءدوپ كەلە العان. ەكونوميكا، ساياسي، مادەنيەت، قوعام، ەكولوگيالىق وركەنيەت قۇرىلىسى بارىسىندا «قوس ءجۇز جىلدىق» كۇرەس نىساناسىن جۇزەگە اسىرۋدا عىلمي يدەيالىق جەتەكشىلىك _ حالىق تىلەگىن توعىستىرۋدىڭ العى شارتى ءارى ءتۇرلى حاۋىپ–قاتەرلەر مەن سايىستارعا دۇرىس توتەپ بەرۋدىڭ، باستان–اياق دۇرىس جولدى بويلاپ، العا ىلگەرىلەۋدىڭ العى شارتى. تەك پارتيانىڭ جاپپاي باسشىلىعىندا تاباندى بولعاندا جانە ونى كۇشەيتكەندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرىپ، حالىقتى تاربيەلەگەندە عانا جۇڭحۋا ۇلتىنىڭ ۇلى گۇلدەنۋى سىندى الىپ تەگەرشىكتى ورنىقتى قاداممەن العا ىلگەرىلەتۋگە بولادى.

    پارتيانىڭ جاپپاي باسشىلىعى _ ۇلتتىڭ كوركەيۋىن سەنىمدى ۇيىمدىق كەپىلمەن قامدايدى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ _ مەملەكەتتىڭ ارمانى، ۇلتتىڭ ارمانى ءارى ءاربىر جۇڭگولىقتىڭ ارمانى. تەك بارشا حالىقتى بەلسەنە اتسالىسۋعا ۇيىمداستىرىپ اتتانىسقا كەلتىرگەندە عانا ۇلى ارمان شىندىققا اينالادى. وسى زامانعى جۇڭگودا بۇكىل ەلدەگى ءار ۇلت حالقىن ىنتىماقتاستىرۋ، اتتانىسقا كەلتىرۋ، ۇيىمداستىرۋ _ تەك جۇڭگو كوممۋنيستىك پارتياسىنىڭ عانا قولىنان كەلەدى. جۇڭگو كوممۋنيستىك پارتياسىنىڭ پارمەندى ۇيىمداستىرۋ قابىلەتى _ ۇلتتىڭ كوركەيۋى سىندى ۇلى ءىستى جۇزەگە اسىرۋداعى ەڭ سەنىمدى ۇيىمدىق كەپىل دەپ ايتا الامىز.

    پارتيانىڭ جاپپاي باسشىلىعىندا تاباندى بولۋدىڭ جانە ونى كۇشەيتۋدىڭ ىشكى ءمانى زور

    پارتيانىڭ جاپپاي باسشىلىعىندا تاباندى بولۋدىڭ جانە ونى كۇشەيتۋدىڭ مول ىشكى مازمۇنى بار، ول ءار دارەجەلى پارتيا ۇيىمدارى مەن بارشا پارتيا مۇشەلەرىنە، كادرلارعا اناعۇرلىم جوعارى تالاپ قويدى.

جاۋاپتى رەداكتور: گۇلدەن ماقسات قىزى