پارتيانىڭ جاپپاي باسشىلىعىندا تاباندى بولۋدى جانە ونى كۇشەيتۋدى ىشكەرىلەي تانۋ كەرەك

  • كەلۋ قاينارى: ىلە گازەتى
  • 03:47:30 29/06/2018

 ءار دارەجەلى پارتيا ۇيىمدارى مەن بارشا پارتيا مۇشەلەرى، كادرلار پارتيانىڭ جاپپاي باسشىلىعىندا تاباندى بولۋدىڭ جانە ونى كۇشەيتۋدىڭ عىلمي ءمانى مەن ءىس جۇزىندىك تالابىن ىشكەرىلەي يگەرىپ، ءوز جاۋاپكەرلىگىن ويداعىداي ارقالاپ، پارتيانىڭ جاپپاي باسشىلىعىن اناعۇرلىم ويداعىداي جۇزەگە اسىرىپ، بارشا حالىق جۇرتشىلىعىن «قوس ءجۇز جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جاساۋعا باستاۋى كەرەك.

    پارتيانىڭ باسشىلىعىن بارلىق قىزمەتتە تياناقتاندىرۋ كەرەك. پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ قۇر ءسوز ەمەس، قايتا ونى ءىس جۇزىندىك قىزمەت بارىسىندا شىنايى، جەتە تياناقتاندىرۋ كەرەك. پارتيا 19–قۇرىلتايىنىڭ بايانداماسىندا بايىمدالعان «14 تە تاباندى بولۋ» نەگىزگى جوباسىنىڭ ءبىرىنشى تارماعىندا پارتيانىڭ بارلىق قىزمەتكە بولعان باسشىلىعىندا تاباندى بولۋ كەرەك دەلىنگەن، بۇل پارتيانىڭ جاپپاي باسشىلىعىندا تاباندى بولۋدىڭ جانە ونى كۇشەيتۋدىڭ تابيعي تالابى. مۇنىڭ ىشىندە ەڭ ماڭىزدىسى _ پارتيا ورتالىعىنىڭ بەدەلى مەن شوعىرلى ءبىر تۇتاس باسشىلىعىن باتىل قورعاۋ، عىلمي ارنا جانە قاعيدا ارقىلى پارتيانىڭ لۋشيانىن، باعىت–ساياساتىن جانە پارتيا ورتالىعىنىڭ شەشىم–ورنالاستىرۋلارىن ءارقايسى سالالاردا، ءارقايسى جاقتاردا شىنايى تياناقتاندىرۋ كەرەك. بۇل بىزدەن «ءتورت تانىمدى»، ءسوزسىز، كۇشەيتۋىمىزدى، يدەيا، ساياسي، ارەكەت جاقتارىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن ىرىقتىلىقپەن وسكەلەڭ ءبىر اۋىزدىلىقتى ساقتاۋىمىزدى، بارلىق قىزمەتتە پارتيا ورتالىق كوميتەتىنىڭ شەشىم–ورنالاستىرۋىن بۇلجىتپاي دايەكتىلەندىرۋىمىزدى، استە، نەمقۇرايلىققا سالىنباۋىمىزدى، ءتۇرىن وزگەرتپەۋىمىزدى، جوعارىنىڭ شىعارعان ساياساتىنا تومەنگىلەر ءتۇرلى ءادىس–شارالار ارقىلى توتەپ بەرۋ ويىندا بولماۋدى ءتىپتى دە تالاپ ەتەدى.

    ءار دارەجەلى پارتيا ۇيىمى مەن باسشى كادرلار، ءسوزسىز، باسشىلىق جاۋاپكەرلىكتى شىنايى ارقالاۋى كەرەك. پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ _ حالىقتىڭ پارتيامىزعا جۇكتەگەن جاۋاپكەرلىگى. حالىق ۇقىقتى بىزگە تاپسىرعان ەكەن، ءبىز دە حالىققا جاۋاپتى بولۋىمىز كەرەك. باتىلدىقپەن جاۋاپكەرلىك ارقالاماۋ، جاۋاپكەرلىك ارقالاعىسى كەلمەۋ، جاۋاپكەرلىك ارقالاي الماۋ، تايساقتاۋ، رۋحاني كەرەناۋلىق، ءارقانداي ءبىر ءىرى ماسەلەدە پرينسيپ كەمشىل بولۋ، مايدانسىزدىق سياقتى ارەكەتتەردىڭ بارلىعى حالىققا دەگەن جاۋاپكەرسىزدىكتىڭ بەلگىسى. ءار دارەجەلى پارتيا ۇيىمىنىڭ جانە باسشى كادرلاردىڭ پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ بارىسىندا باسشىلىق جاۋاپكەرلىكتى شىنايى ارقالاي الۋ–الماۋى _ حالىقتىڭ ءتۇبىرلى مۇددەسىنە ساياتىن ءىرى ساياسي ماسەلە. ماۋ زىدۇڭ جولداس جاپون شاپقىنشىلارىنا قارسى تۇرۋ سوعىسى كەزىندە كوممۋنيستىك پارتياسىنىڭ باسشىلىق ۇقىقتان باس تارتۋىن تالاپ ەتكەن ءىشىنارا پىكىرلەرگە قاتاڭ تويتارىس بەرىپ، بىلاي دەگەن ەدى: كوممۋنيستىك پارتيا مۇشەسى ءوزىنىڭ اسكەري ۇقىعىنا كۇش سالماسا دا... الايدا، پارتيانىڭ اسكەري ۇقىعى مەن حالىق جاساعى ۇقىعىنا كۇش سالۋى كەرەك. بۇگىنگى كۇنى پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ بارىسىندا ءار دارەجەلى پارتيا ۇيىمى مەن باسشى كادرلاردا دا، ءسوزسىز، وسىنداي ساياسي تۇرعى بولۋ كەرەك.

جاۋاپتى رەداكتور: گۇلدەن ماقسات قىزى