پارتيانىڭ جاپپاي باسشىلىعىندا تاباندى بولۋدى جانە ونى كۇشەيتۋدى ىشكەرىلەي تانۋ كەرەك

  • كەلۋ قاينارى: ىلە گازەتى
  • 03:47:30 29/06/2018

    بارشا پارتيالى كادرلار اۆانگاردتىق، ۇلگىلىك رولدارىن تولىق ساۋلەلەندىرۋى كەرەك. پارتيانىڭ جاپپاي باسشىلىعىن بارلىق قىزمەتتە دايەكتى تياناقتاندىرۋدا بارشا پارتيا مۇشەلەرى ءوز قىزمەت ورىندارىندا اۆانگاردىق، ۇلگىلىك رولىن تولىق ساۋلەلەندىرۋى كەرەك. حالىق جۇرتشىلىعىنىڭ پارتيا جونىندەگى تۇسىنىگى مەن ورتاق تانىمى، پارتيانىڭ جاپپاي باسشىلىعىن قورعاۋى مەن قولداۋى ماڭايىنداعى پارتيا مۇشەلەرى ارقىلى جۇزەگە اسادى. ۇزاق ۋاقىتتان بەرى پارتيا باسشىلىعىنىڭ حالىق بۇقاراسىنىڭ شىن ىقىلاستى قۋاتتاۋىنا جانە قولداۋىنا يە بولۋىنىڭ ماڭىزدى سەبەبى _ بارشا پارتيالى كادرلار ءسات سايىن وزدەرىنىڭ اۆانگاردىق، ۇلگىلىك رولدارىن ساۋلەلەندىرىپ، جۇڭگو كوممۋنيستىك پارتياسىن باستان–اياق جۇڭگو جۇمىسشى تابىنىڭ اۆانگارد قوسىنىنا، جۇڭگو حالقى مەن جۇڭحۋا ۇلتىنىڭ اۆانگارد قوسىنىنا اينالدىرا العاندىعىنىڭ ارقاسى. جاڭا داۋىردە پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ، اسىرەسە، بارشا پارتيالى كادرلاردان بار ىنتا–پەيىلىمەن حالىق ءۇشىن قىزمەت ەتۋ سىندى ءتۇبىرلى ماقساتتى بەرىك ورناتۋدى تالاپ ەتىپ، بۇقاراعا قىزمەت وتەۋ بارىسىندا حالىقتىڭ كوڭىلىنەن شىعۋ ارقىلى پارتيانىڭ جاپپاي باسشىلىعىن حالىق جۇرتشىلىعىنىڭ شىن ىقىلاسپەن قۋاتتاۋىنا جانە قولداۋىنا يە ەتۋ كەرەك.

    پارتيانى جاپپاي قاتاڭ وڭاۋدى تاباندىلىقپەن ىلگەرىلەتۋ كەرەك

    پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ _ پارتيانىڭ وزىندىك قۇرىلىسى جونىنەن تىڭ دا اناعۇرلىم جوعارى تالاپ قويدى. «تەمىر سوقساڭ تەمىردەن دە بەرىك بول» دەگەن. پارتيانىڭ جاپپاي باسشىلىعىن شىنايى تياناقتاندىرا الۋ–الماۋدا پارتيا قۇرىلىسىن ويداعىداي جۇرگىزە العان–الماعانىمىزعا، پارتيانى قۇدىرەتتەندىرە العان–الماعانىمىزدى نەگىز ەتۋ كەرەك. جاڭا داۋىردە پارتيانى جاپپاي قاتاڭ باسقارۋدى ۇزدىكسىز ىلگەرىلەتۋدە تاباندى بولىپ، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتىپ، پارتيانىڭ جاپپاي باسشىلىعىندا تاباندى بولۋدى جانە ونى كۇشەيتۋدى پارمەندى كەپىلمەن قامداۋىمىز كەرەك.

    پارتيانىڭ ساياسي قۇرىلىسىن كۇشەيتۋ كەرەك. بۇكىل پارتيانىڭ پارتيا ورتالىق كوميتەتىنە بويسۇنۋىنا كەپىلدىك ەتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىندا تاباندى بولۋ _ پارتيانىڭ ساياسي قۇرىلىسىنداعى ماڭداي الدى مىندەت. شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋدا تاباندى بولىپ، بۇكىل پارتيادا «ءتورت تانىمدى» بەرىك ورناتىپ، بارشا پارتيا مۇشەلەرىنىڭ، اسىرەسە، پارتيانىڭ ءار دارەجەلى باسشى كادرلارىنىڭ ساياسي تۇرعى، ساياسي باعىت، ساياسي پرينسيپ، ساياسي جول جاعىنداعى ماسەلەلەرىن ويداعىداي ءبىر جاقتى ەتىپ، پارتيانىڭ ساياسي ءتارتىبى مەن ساياسي ەرەجەسىنە سانالىلىقپەن بويسۇنۋعا كەپىلدىك ەتىپ، پارتيا ىشىندەگى ساياسي تۇرمىستىڭ ساياسي سيپاتىن، داۋىرلىك سيپاتىن، پرينسيپتىك سيپاتىن، كۇرەسشەڭدىك سيپاتىن ۇزدىكسىز ارتتىرۋ كەرەك. جەكەشىلدىك، بولشەكتەنۋشىلىك، ەركىنسۋ، ورىنشىلدىق، ماقۇلبايلىق جانە جىكشىلدىك، توپشىلدىق، جەڭ ۇشىنان جالعاسۋ سياقتى پارتيانىڭ بىرلىك–ىنتىماعىمەن جانە پارتيانىڭ قىزمەت تالابىمەن ۇيلەسپەيتىن ماسەلەلەردەن باتىل ساقتانىپ جانە وعان قارسى تۇرىپ، بۇكىل پارتياداعىلاردىڭ يدەيا، ساياسي، ارەكەت جاعىندا سانالىلىقپەن شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا، پارتيا ورتالىق كوميتەتىنىڭ بەدەلىنىڭ، بۇكىل پارتيانىڭ يدەيالىق بىرلىگىنىڭ، اياق الىسىنىڭ بىركەلكىلىگىنە كەپىلدىك ەتۋ كەرەك.

جاۋاپتى رەداكتور: گۇلدەن ماقسات قىزى