حاۋىپسىزدىكتى ۇگىتتەۋ بىرلەسكەن تاربيە قيمىلى ورىستەتىلدى

  • كەلۋ قاينارى: ىلە گازەتى
  • 03:52:08 29/06/2018

    

    ساۋان اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى، مايتاۋ جيۋگۇڭلي قاتىناس ساقشى ۇلكەن اترەتى، بورتىنكو مال فەرماسى ساقشى بولىمشەسىندەگىلەر جۋىردا اۋداننان تارتىپ قىستاقتارعا دەيىن بارىپ، بۇقاراعا قاتىناس حاۋىپسىزدىگى جونىندە كەڭ كولەمدى ۇگىت جۇرگىزدى.

    مۇندا ولار بۇقارانىڭ جايشىلىقتاعى ءجۇرىپ-تۇرۋ بارىسىنداعى قاتىناس قاعيداسىنا قايشى ناشار ادەتتەرى مەن موتوتسيكل، ەلەكترمەن قوزعالاتىن موتوتسيكل مىنگەندە حاۋىپسىزدىكتى ساقتاۋ باس كيىمىن كيمەۋ، قارسى باعىتتا قاتىناۋ، ءوز قالاعانىنشا جول باعىتىن وزگەرتۋ سياقتى ءىس-ارەكەتتەردىڭ قاتەرى مەن زيانى جونىندە ناقتى مىسالدار كەلتىرە وتىرىپ، قايتا-قايتا ۇگىت جۇرگىزدى.

    بورتىنكو مال فەرماسى قاراعاندى الەۋمەتتىك اۋماعىنىڭ تۇرعىنى عاريپولا قازەز ۇلى: قاتىناس ساقشىلارى بىزگە موتوتسيكل مىنگەندە حاۋىپسىزدىكتى ساقتاۋ باس كيىمىن، ءسوزسىز، كيۋ، جول جۇرگەندە حاۋىپسىزدىككە كوڭىل ءبولۋ، اراق ءىشىپ الىپ اۆتوكولىك جۇرگىزبەۋ سياقتى جاقتارداعى بىلىمدەردەن جۇيەلى تۇسىنىك جاسادى، ءبىز بۇدان كەيىن جول جۇرگەندە قاتىناس قاعيداسىنا، ءسوزسىز، بۇيسۇنىپ، قارقىندى باياۋلاتىپ، اقىرىن قاتىناپ، حاۋىپسىزدىككە كوڭىل بولەمىز،-دەدى.

    بورتىنكو مال فەرماسى قاراعاندى الەۋمەتتىك اۋماعىنىڭ مەڭگەرۋشىسى سەرىكبول قامىزا ۇلى: بۇگىن ساقشىلار الەۋمەتتىك اۋماعىمىزعا كەلىپ، قاتىناس حاۋىپسىزدىگى بىلىمدەرىنەن ۇگىت جۇرگىزىپ، مالشىلاردىڭ حاۋىپسىزدىك تانىمىن جوعارىلاتۋعا بارىنشا كۇش سالدى. بۇدان كەيىن ءبىز ءار رەتكى تۋ شىعارۋ، جيىن اشۋ ۋاقىتتارىنان ۇتىمدى پايدالانىپ، مالشىلارعا قايتا-قايتا حاۋىپسىزدىك بىلىمدەرىن ۇگىتتەپ، كوپشىلىكتى مادەنيەتتى ءجۇرىپ-تۇرۋعا جەتەلەيمىز،-دەدى.

    مايتاۋ جيۋگۇڭلي قاتىناس ساقشى ۇلكەن اترەتىندەگى حالىق ساقشىلارى قاتىناس شىرعالاڭى دەلولارىنان كورمە تاقتاسىن شىعارىپ، ناقتى دەلولار ارقىلى زاڭ-تۇزىمنەن ەگجەي-تەگجەيلى تۇسىنىك جاساپ، حالىق جۇرتشىلىعىنىڭ قاتىناس قاعيداسىنا بۇيسۇنۋ تانىمىن جوعارىلاتتى.

    قارامايلى قالاسى مايتاۋ جيۋگۇڭلي قاتىناس ساقشى ۇلكەن اترەتى ەكىنشى ۇلكەن اترەتى ورتا اترەت باستىعى پولات: 2016-جىلدان قازىرگە دەيىن ءبىز تالاي رەت وسىنداي بىرلەسكەن قيمىل ارقىلى الەۋمەتتىك اۋماق، مال شارۋاشىلىق وڭىرلەرىنە دەيىن بارىپ، ۇگىت قيمىلىن ورىستەتتىك، ءبىزدىڭ ماقساتىمىز مالشىلاردىڭ اۆتوكولىك جۇرگىزۋدەگى حاۋىپسىزدىك تانىمىن شىنايى جوعارىلاتىپ، ساقتىق تاربيەسىن جۇرگىزۋ،-دەدى.

    جاز ماۋسىمى حالىق بۇقاراسىنىڭ موتوتسيكل، ەلەكترمەن قوزعالاتىن موتوتسيكلدى ەڭ كوپ جۇرگىزەتىن مەزگىلى. اۋداندىق قوعام حاۋىپسىزدىك مەكەمەسى قاتىناس ساقشى ۇلكەن اترەتى اۋىق-اۋىق اۋىل، قالاشىق، قىستاقتارعا دەيىن بارىپ، قاتىناس حاۋىپسىزدىگى جونىندە ۇگىت جۇرگىزىپ، تۇرعىنداردىڭ جول-قاتىناس حاۋىپسىزدىگى جونىندەگى تانىمدارىن ايتارلىقتاي ارتتىردى.

جاۋاپتى رەداكتور: گۇلدەن ماقسات قىزى