الىس وتارداعى اق حالەتتى شيپاگەر-جەڭىس

  • كەلۋ قاينارى: ىلە گازەتى
  • 03:53:12 29/06/2018

   

    بيىل 50 جاسقا كەلگەن جەڭىس الىبەك ۇلى موڭعۇلكۇرە اۋدانى اعاياز مال شارۋاشىلىق رايونى شيپاحاناسىنىڭ باستىعى ٴارى پارتياعا كىرگەنىنە 31 جىل بولعان قارت پارتيا مۇشەسى. 1990-جىلى اسكەري قوسىنداعى مىندەتىن داڭقپەن ورىنداپ، ٴوزىنىڭ تۋعان مەكەنى موڭعۇلكۇرەگە قايتىپ كەلىپ قىزمەتكە قاتىناسادى. 2006-جىلى ول ٴوز ەركىمەن اعاياز اڭعارىنداعى مال شارۋاشىلىق شيپاحاناسىنا بارىپ، قىزمەت ىستەۋدى ٴوتىنىش ەتەدى. ۇيىم ونىڭ بەلسەندى پوزيتسياسىن جوعارى باعالاپ، ونى اعاياز مال شارۋاشىلىق شيپاحاناسىنىڭ باستىعى ەتىپ تاعايىندايدى. سودان باستاپ جەڭىس الىبەك ۇلى ون نەشە جىلدى ٴبىر كۇندەي وتكىزىپ، اعاياز اڭعارىنداعى مالشىلاردىڭ دەنساۋلىعىن قورعاۋداي داڭقتى دا جاپالى مىندەتىن اتقارىپ كەلەدى.

    ىلە وزەنىنىڭ جوعارى اعارىنا ورنالاسقان اعاياز اڭعارى - ىلە كولەمىندەگى ەڭ ۇلكەن مال وتارلارىنىڭ ٴبىرى. اعاياز اڭعارىنىڭ تابيعي جاراتىلىس ورتاسى ءبىرشاما كۇردەلى. ٴتورت توڭىرەگىن بيىك تاۋلار قورشاعان، تەرەڭ اڭعارلى ءوڭىر بولىپ كەلەدى. اڭعار ىشىنە مال باققالى بارعان مالشىلار بىتىراندى ورنالاسىپ، سىرت ورىندارمەن قىس بويى بايلانىس جاساي المايدى. جەڭىس الىبەك ۇلى ٴار كۇنى شيپاحاناداعى ەمدەۋ قىزمەتكەرلەرىن باستاپ، تاۋ اسىپ، سۋ كەشىپ، مالشىلار وتباسىن ارالاپ، سىرقاتتانعان مالشىلاردى ەمدەۋدى ٴبىر كۇندە توقتاتىپ كورمەدى.

    جەڭىس الىبەك ۇلى جالپى حالىقتىڭ دەنساۋلىعىن تەكسەرۋ ينجەنەرياسى باستالعاننان بەرى، ٴار كۇنى شيپاحاناداعى ەمدەۋ قىزمەتكەرلەرىمەن بىرگە اتقا ءمىنىپ، الىس تاۋ قويناۋىنداعى مالشىلار وتباسىنا بارىپ، ول اراداعى شيپاحاناعا كەلە المايتىن قارت مالشىلاردىڭ دەنساۋلىعىن تەكسەرەدى ٴارى مالشىلارعا پارتيا مەن ۇكىمەتتىڭ ەمدەۋ جاعىنداعى ءتيىمدى ساياساتتارىن ٴبىر-بىرلەپ ۇگىتتەپ، مالشىلاردىڭ دەنساۋلىق ساقتاۋ تانىمىن جوعارىلاتتى. بۇگىن ول مالشىلاردىڭ وتباسىن ارالاپ دەنساۋلىق تەكسەرۋگە ەرتە اتتاندى. جول -جونەكەي مالشى نۇرگۇل شامۇدىر قىزىنىڭ وتباسىنا ءتۇسىپ، ونىڭ قان قىسىمىن ولشەپ، دەنساۋلىعىن تەكسەردى. تەكسەرۋ بارىسىندا ونىڭ قان قىسىمى جوعارى ەكەنىن بىلگەن سوڭ، وعان ۋكول اسىپ، ٴدارى بەردى. ونىڭ وتباسىنان اتتانعان شيپاگەرلەر دەرەۋ اتقا ءمىنىپ، تاعى ٴبىر مال شارۋاشىلىق تۇيىنىنە اتتاندى. اعاياز اڭعارىنا قىس ماۋسىمىندا 4 مىڭ وتباسى، 12 مىڭ ادام مال باعۋعا كوشىپ كەلەدى.

    مال شارۋاشىلىق شيپاحاناسىندا قىزمەت ەتكەن 12 جىلدا جەڭىس الىبەك ۇلى شيپاحاناداعى ەمدەۋ قىزمەتكەرلەرىن باستاپ، جاپادان، قيىنشىلىقتان تايسالماي، ەمدەۋ قىزمەتكەرلەرىنىڭ ءوزىن ارناۋ رۋحىن بارىنشا ساۋلەلەندىرىپ، تاۋ اسىپ، سۋ كەشىپ، قاتەرلى تاۋ جولدارىن اتتىلى جاياۋ ارالاپ، 30 كيلومەتر جول باسىپ، 30 مىڭ ادامدى تەكسەرىپ، مىڭ ادامدى اجال اۋزىنان قۇتقارادى ٴارى مالشىلارعا قۇنى 50 مىڭ يۋاندىق ٴدارى-دارمەك تاراتىپ بەرەدى.

    اعاياز مال شارۋاشىلىق شيپاحاناسىنىڭ شيپاگەرى جەڭىسبەك لاقان ۇلى بىلاي دەدى: مال شارۋاشىلىق رايونداعى مالشىلار دەنساۋلىق تەكسەرتۋ بارىسىندا، كەيدە اقشاسى بولادى، كەيدە اقشاسى بولماي قالادى. مۇنداي كەزدە شيپاحانا باستىعىمىز بىزگە ۇنەمى، مىندەتىمىز ادام قۇتقارۋ،ٴبىز اق حالەتتى پەرىشتەمىز، الدىمەن ادامدى قۇتقارۋ كەرەك دەيتىن.

جاۋاپتى رەداكتور: گۇلدەن ماقسات قىزى