كۇركەشەدەن كۇللى الەمگە

  • كەلۋ قاينارى: ىلە گازەتى
  • 10:43:50 06/07/2018

    –بالام، سەندەردىڭ كەلىپ وتىرعان جاعدايلارىڭدى، راديو–تەلەۆيزوردان ەستىپ وتىرمىز. سەندەر حالىق جاعدايىن يەلەپ، حالىق قانداي كۇيدە؟ نە ايتادى؟ دەگەندى بىلگىلەرىڭ كەلىپ وتىرسىڭدار،–دەپ باستادى 80 جاستاعى اقساقال اڭگىمەسىن.

    _ ءدال ايتتىڭىز، اقساقال، كورگەن–بىلگەندەرىڭىزدى، قازىرگى جاعدايىڭىزدى جاسىرماي ايتىڭىز،–دەپ شابىت بەردىم اقساقالعا.

    –ە، بالام، شىنىمدى ايتايىن. مەن ازاتتىق الدىندا تۋىلعام، ول كەزدەگى كۇنىمىزدى قوياق–قوي، ايتپاساق تا بەلگىلى. ازاتتىقتان بەرگى كۇندەرىمدى ايتايىن،–دەپ باستادى تەبىرەنگەن قارت ءسوزىن، _ ازاتتىقتان كەيىن جٷپىنى تۇرمىس كەشسەك تە، ەركىندىك الىپ ءماز بولدىق. رەفورمادان بەرگى 40 جىلدا، بۇگىنگى ومىرگە قالاي جەتكەنىمىزدى سەزبەي قالىپپىز. قاراپ وتىرسام، ءوز باسىم تاڭعالامىن. بالام، قازىر وتىرعان ءۇيىمىز مىناۋ، قىزىل قىشپەن، بەتونمەن سالىنعان ساراي دەۋگە بولادى. توپىراقتان ءۇي ەمەس مال قورا دا سالىنبايتىن بولدى. قىستاق كوشەسى مىناۋ اسفالت توسەلگەن. كوشە شىراعى اناۋ، جايناپ تۇرعان ەسىك الدىنداعى ەكى ماشينانى كوردىڭ عوي، بىرەۋىن كوشى–قونعا، بىرەۋىن مىنىسكە ىستەتەدى بالالارىم. موتوتسيكل دەگەن كىسى باسىنا بار. مالدى دا موتوتسيكلمەن جاياتىن بولدى بالالار،–دەپ كەلىپ سەكەڭ قارت ءسوزىن ونان ارى جالعادى.–پارتيا، ۇكىمەتتەن اينالايىن! 2000–جىلعا دەيىن ازىناۋلاق باسقارۋ اقى، مال باجى الۋشى ەدى، ودان بەرى العاندى قويىپ بەرەتىن بولدى. ءۇي سالعانعا جاردەم اقشا بەردى. ءبيداي، جوڭىشقا، ورمان ەككەنگە جاردەم بەردى. ءتىپتى، مالىمىز جەپ جاتقان جايىلىمعا تىنىقتىرۋ قاراجاتىن بەرەدى، سوماسى دا قوماقتى. وتباسى 10 مىڭ يۋاننان 30–40 مىڭ يۋانعا دەيىن الاتىن بولدى. وسىلاردى ويلاعاندا ءوز باسىم جەر شارىندا وسىنداي پارتيا، ۇكىمەت جٶق شىعار دەپ ويلايمىن.

    سەكەڭ قارت كوزىنە ىستىق جاس الىپ، ءبىر تىنىستادى. _ اۋەلى بالام، مىنا قىستاقتاعى 60 جاستان اسقان قارتتار مەن پارتيا مۇشەلەرىنە، قارت كادرلارعا، قارت اسكەريلەرگە تۇرمىستىق جاردەم بەرەدى. جاقىنعى جىلداردان بەرى قوعام اماندىعىن كۇشەيتۋ دەپ سەلبەسپە ساقشى، شەكارا قورعاۋشى دەپ بوس جۇرگەن ازاماتتاردى كاسىپتەندىردى. وسىلاردىڭ بارلىعىن ويلاعاندا پارتيامىز بەن ۇكىمەتىمىز نەتكەن دارقان، ەلىمىز نەدەگەن دامىعان دەپ تاڭعالامىن! بىلگەنگە مىناۋ زامانىمىز بۇرىنعىلار ايتاتىن قوي ۇستىنە بوزتورعاي جۇمىرتقالاعان زاماننىڭ ءدال ءوزى.

    بالالارىما وسىنىڭ بارلىعىن ايتىپ، مىنا زاماننىڭ قادىرىنە جەتىڭدەر، تەلەۆيزوردان كورىپ وتىرمىز. ورتا شىعىستاعى ەلدەردىڭ كۇندە سوعىسپەن قىرىلىپ جاتقان جاعدايىن كورسەتپەسىن! وتاننىڭ حالقىن قاناتتىعا قاقتىرماي، تۇمسىقتىعا شوقتىرماي ەلىمىزدى 2050–جىلعا بارعاندا دۇنيەدەگى قۇدىرەتتى ەل ەتىپ قۇرىپ شىعامىز دەپ جاتقان ۇلى ۇندەۋىنە ۇلەس قوسىڭدار!–دەپ وتىرامىن. قارتتىڭ اڭگىمەسى حالىقتىڭ پارتيا مەن ۇكىمەتكە ءدان ريزا ەكەنىن ايگىلەپ تۇرعانداي! ءوزىمنىڭ باستان كەشكەندەرىم مەن مىنا اۋىل اقساقالىنىڭ ايتقاندارىن قوسا ويلاسام، ەلىمىزدىڭ رەفورمادان بەرگى 40 جىلدا شىنىندا كۇركەشەدەن كۇللى الەمگە تانىلعانى ايدان انىق! پارتيانىڭ الدا تىكتەگەن مۇراتى ءتىپتى دە ايقىن. وسىنداي ۇلى، داڭقتى، دۇرىس پارتيانىڭ ۇندەۋىنە ءۇن قوسىپ، ىنتىماقتاسىپ شايقاس جاساساق جۇڭگو ارمانى ءالى–اق جٷزەگە اساتىن بولادى دەگەن وي مەنىڭ سەنىمىمدى بەكەمدەي بەردى...

جاۋاپتى رەداكتور: گۇلدەن ماقسات قىزى