ايىپكەردىڭ ساۋلەتتى كولىگى جولدا ءمۇسادىرالاندى

  • كەلۋ قاينارى: شينجياڭ زاڭ جانە تۇرمىس گازەتى
  • 03:20:32 09/07/2018

    

    شانشي ولكەسى شي – ان قالاسىندا تۇراتىن لي فاميليالى 2015 – جىلى 5 – ايدا تۇڭچۋان قالاسىنداعى ان فاميليالىمەن قارىز كەلىسىمىنە قول قويىپ، قارىز قايتارۋ ۋاقىتى سول جىلى 5 – ايدىڭ 13 – كۇنىنەن 30 – كۇنىنە دەيىن بولاتىندىعىن كەسەتىپ، قارىز ۋاعىندا قايتارىلماسا، كۇنىنە جالپى قارىز سوماسىنىڭ % 1 ى بويىنشا ءوسىم قوسۋعا كەلىسەدى. لي فاميليالى ۋاڭ فاميليالى جانە ياۋ فاميليالىنىڭ كەپىل بولۋىمەن 2 ميلليون يۋان قارىز اقشاعا يە بولادى. ءبىراق، لي فاميليالى اقشانى ۋاعىندا قايتارا المايدى. ان فاميليالى سوڭىندا لي فاميليالى مەن ەكى كەپىل بولۋشىنىڭ ۇستىنەن سوت مەكەمەسىنە ارىز بەرەدى.

    ليانحۋ رايوندىق حالىق سوتى مەكەمەسى بىلتىر 10 – ايدا بۇل دەلوعا سوت اشىپ، لي فاميليالى جانە جۇبايى شياڭ فاميليالىنى ان فاميليالىعا 2 ميلليون يۋان قارىزدى وسىمىمەن قايتارۋعا، ەكى كەپىل بولۋشىنى قوسىمشا ايىپكەرلىكتى ۇستىنە الۋىنا بۇيىرىپ ۇكىم شىعارادى. ۇكىم جاريالانعاننان كەيىن ءتورت ايىپكەر قارىزدى باياعىسىنشا قايتارماعاندىقتان، ان فاميليالى بيىل 2 – ايدا سوت مەكەمەسىنە اتقارىپ بەرۋ ارىزىن بەرەدى. سوت مەكەمەسى لي فاميليالى مەن ونىڭ جۇبايىنىڭ كولىگىن پەشەتتەپ، ساتىپ قارىزدى قايتارعىزباقشى بولادى. سوت مەكەمەسى تاعى ولاردىڭ اتىنداعى بانكە كارتۋچكاسىنداعى 27 مىڭ 347 يۋاندى مۇزداتادى.

    قاتىناس ساقشى تاراۋلارى ايىپكەرلەردىڭ تىزىمدىگىندەگى شياڭ فاميليالىنىڭ «BMW» ماركالى دالا كولىگىن جۇرگىزىپ بارا جاتقانى جونىندەگى كەلتە حاتتى تاپسرىپ العاننان كەيىن، سوت مەكەمەسىمەن بايلانىس جاسايدى. سوت قىزمەتكەرلەرى ونى جولدا توسىپ كولىكتى ءمۇسادىرالاپ، ونى زاڭ بويىنشا 15 كۇن توقتاتادى. سونىمەن ايىپكەرلەردىڭ ءبارى ورتاعا شىعىپ، قارىزدى جەدەل قايتاراتىندىعىن بىلدىرەدى. سوت مەكەمەسىنىڭ جاراستىرۋىمەن ايىپكەرلەر قارىزدى مەرزىمگە ءبولىپ، وسىمىمەن قوسىپ قايتارۋعا كەلىسەدى. سوت مەكەمەسى لي فاميليالىعا 50 مىڭ يۋان، باسقا ءۇش ايىپكەرگە 10 يۋاننان ايىپ سالدى.

جاۋاپتى رەداكتور: جازيرا بولاتباي قىزى