وزگەنى زيانداپ، ءوزىمدى سورلاتقانىما وكىنەمىن

  • كەلۋ قاينارى: شينجياڭ زاڭ جانە تۇرمىس گازەتى
  • 03:26:02 09/07/2018

    اڭگىمەلەگەن: شاڭحاي قالالىق ايەلدەر تۇرمەسىندە جازا وتەۋشى ۋاڭ شيا (وزگەرتىلگەن ەسىمى)

    

    الگىندە عانا تۇرمە ساقشىسى ماعان ەرتەڭگى «تاۋبەگە كەلۋ كۇنى» سوزگە شىعاتىنىمدى ۇقتىردى.

    الجۋاز انام، ۋلى شەگىمدىك شەككەن اكەم، نەكەلەنىپ كوپ وتپەي جەر ءتۇبى – ا ق ش – ىنا قاشىپ كەتكەن كۇيەۋىم، تاعى ءولىم جازاسى اتقارىلعان جىگىتىم مەن ساعىندىرىپ سارعايتقان ەگىز ۇلىم... بارلىعى دا بەينە ءبىر كينو لەنتاسىنداي كوز الدىمنان بىردەن ەلەستەپ ءوتتى.

    «جالىنايىن سىزگە، ەندىگارى بۇل نارسەگە جولاماڭىزشى، مەن ءۇشىن، وسى وتباسى ءۇشىن بولسا دا...».

    شاپالاق شارت ەتتى، جۇدىرىق سارت ەتتى!

    كىشكەنتاي كەزىمدە، مەن ۋلى شەگىمدىكتىڭ نە نارسە ەكەنىن بىلمەسەم دە، انامنىڭ اۋزىنان اكەمنىڭ ۋلى شەگىمدىك شەگەتىنىن ۇقتىم. ۋلى شەگىمدىكتەن كەيىنگى وتباسى زورلىق – زومبىلىعى بولاتىن وسىنداي كورىنىس ءبىزدىڭ وتباسىمىزدا داعدىعا اينالعان. انامنىڭ دەنەسى تولعان جاراقات، سىرتقا شىقسا شولاق جەڭ جەيدە دە، كويلەك تە كيە المايدى.

    «شەشە، جىلاماڭىزشى، مەن اقىلدى بولامىن، ءسوز تىڭدايمىن». مەن كىشكەنتايىمنان – اق بويجەتكەن سوڭ انامدى الىپ وسى وتباسىنان كەتەمىن دەپ ويلايتىنمىن. ءبىراق انامنىڭ ءۇش ۇيىقتاسا دا ويىنا كىرمەگەنى كەيىن مەنىڭ دە اكەم باسقان وسى ءبىر قايتپاس جولمەن جۇرگەنىم، ءتىپتى، ۋلى شەگىمدىك ساۋدالاپ قولعا تۇسكەنىم بولدى.

    ول مەنىڭ ۇيلەنگەنىمە ءبىر جىل بولعاننان كەيىنگى ىستەر ەدى. وزىمشە ا ق ش ازاماتتىعىنداعى جۇڭگولىق جىگىتتىڭ ەتەگىنەن ۇستادىم، ءبىز ەندى حانزادا مەن حانشاداي باقىتتى تۇرمىس كەشىرەمىز دەپ ويلاپپىن. نەكەلەنىپ كوپ وتپەي كۇيەۋىمنىڭ ا ق ش – ىنا كەتىپ، قايتا كەلمەي قويارىن كىم ويلاعان. نەكەدەگى ساتسىزدىكتەن مەن بارماعىمدى شايناپ قالا بەردىم.

    ءدال وسىنداي دارمەنسىز كەزىمدە مەن ءوزىمنىڭ ءبىر ءومىرىمدى وزگەرتكەن ءبىر ەرگە _ ماعان ماحاببات تا، كەك تە سيلاعان ەرگە جولىقتىم. ول ماعان كۇيەۋىم سيلاي الماعان بارلىق دۇنيەنى سيلادى، ءبىراق مەنى قىلمىستىڭ قۇيىنا دا باتىردى.

    اكەمنەن حرويننىڭ ۋلى شەگىمدىك ەكەنىن بىلسەم دە، مەن العاشىندا مۇز كريستالدىڭ دا ۋلى شەگىمدىكتىڭ ءبىر ءتۇرى ەكەنىن بىلمەپپىن. كەيىن مەن قويايىن دەسەم دە قويا المايتىن دارەجەگە جەتكەنىمدە، بارلىعىنان دا كەش قالعان ەدىم.

    سول كۇنى ۇيگە قايتقانىمدا اكەم سۇرلانا تۇنەرىپ وتىر ەكەن، الگىندە عانا شەشەممەن ءبىر مايدان كەركىلدەسكەن سياقتى. ءبىراق ول كىسى مەنىڭ ەسىكتەن كىرگەنىمدى كورە سالىسىمەن – اق مەنى شاپالاقپەن قاتتى ءبىر تارتىپ كەتتى.

جاۋاپتى رەداكتور: جازيرا بولاتباي قىزى