پوچتا ماركاسىن تاباندىلىقپەن جيناعان اجەي

  • كەلۋ قاينارى: ىلە گازەتى
  • 04:21:09 10/07/2018

 

    1982 - جىلدان باستاپ موڭعۇلكۇرە اۋداندىق پوچتا - تەلەگراف مەكەمەسىنىڭ تيجارات بولىمىندە، كەيىن ۇزاق جىل باس اپپارات بولىمىندە تەلەفونس بولىپ قىزمەت اتقارعان التىنقان اجەي 1984 - جىلى جۇڭگو پوچتا ماركاسى ۇيىمىنا مۇشە بولىپ قابىلداندى. سودان قازىرگە دەيىن ول پوچتا ماركاسىن تاباندىلىقپەن جيناپ كەلەدى، وعان ءار جىلى جۇڭگو پوچتا ماركاسى ۇيىمىنان «پوچتا ماركاسى توپتاماسى» كەلىپ تۇرادى، ول تۇپ - تۋرا 34 جىل بويى پوچتا ماركاسىن جيناۋمەن اينالىستى. ادەتتە ءار جىلعى جاقسى، باعالى نارسەلەر مەن ەستە ساقتاۋعا ءتيىستى دامۋشىلىقتار دا ماركا بولىپ شىعادى، ءار جىلعى پوچتا ماركاسىنىڭ تۇرلەرى دە ءبىر - بىرىنە ۇقسامايدى. التىنقان اجەي پوچتا ماركاسىن جيناۋدا مىنە وسى جاعىنداعى وزگەرىستەردى قىراعىلىقپەن باعامداي ءبىلدى. ول ماركا جيناعاندا تاريحتاعى ايگىلى ادامداردىڭ، تاريحتاعى ايگىلى قۇرىلىستاردىڭ، ايگىلى كورىنىس رايوندارىنىڭ اتىمەن شىعارىلعان ماركالاردى نەگىز ەتتى.

    التىنقان اجەي پوچتا ماركاسىن جيناۋ ونەرى تۋرالى توقتالعاندا: «پوچتا ماركاسى - مەملەكەت مۇراسى، باسقا ۇلتتار بالالارىنا پوچتا ماركاسىن جيىپ، ونى مۇرا ەتىپ قالدىرادى، مەن دە سولاردىڭ قاتارىندا پوچتا ماركاسىن جيناۋعا كىرىستىم، كوپ جىلداردان بەرى جيناپ كەلگەن پوچتا ماركالارىن بالالارىم مەن نەمەرەلەرىمە مۇرا ەتىپ قالدىرامىن. پوچتا ماركاسىن جيناۋداعى ماقسات: مەملەكەت تاريحىن، مەملەكەتتىڭ ءار جىلعى دامۋشىلىقتارىن، سونداي - اق ەلىمىزدەگى ايگىلى ادامدار مەن مەملەكەتتىڭ باعالى بۇيىمدارىن ءبىلىپ وتىرۋ جانە ەستە بەرىك ساقتاۋ» دەدى.

       اقىلباي مۇقامەتالي ۇلى

جاۋاپتى رەداكتور: گۇلدەن ماقسات قىزى