سۇپتاي اۋىلى ۇتىمدى شارالار قولدانىپ، كەدەيلىكتەن قۇتىلدىرۋدان قامال الۋ قىزمەتىن جاقسى ىستەدى

  • كەلۋ قاينارى: ىلە گازەتى
  • 04:00:57 11/07/2018

 

    باس شۋجي شي جينپيڭ:«كەدەيلىكتەن قۇتىلدىرۋدان قامال الۋ شايقاسىندا، ءسوزسىز، جەڭىسكە جەتىپ، كەدەيلەردى دالمە–ءدال سۇيەمەلدەۋگە، كەدەيلىكتەن دالمە–ءدال قۇتىلدىرۋعا تاباندى بولىپ، ناعىز كەدەيلەردى كەدەيلىكتەن قۇتىلدىرۋ، كەدەيلىكتەن شىنايى قۇتىلدىرۋ كەرەك» دەپ اتاپ كورسەتتى. نىلقى اۋدانىنىڭ سۇپتاي اۋىلى جوعارى دارەجەلى پارتيا، ۇكىمەت ورىندارىنىڭ قولداپ–قۋاتتاۋىندا ۇتىمدى شارا قولدانىپ، كەدەيلىكتەن قۇتىلدىرۋدان قامال الۋدا ناقتى ونىمدىلىككە قول جەتكىزۋگە كۇش سالدى.

    ءار كۇنى تاڭەرتەڭ ەرتە، نىلقى اۋدانى سۇپتاي اۋىلى تاۋسۇپتاي قىستاعىنىڭ تۇرعىنى ءجاناتقان ورال قىزى شاعىن ەرەن بازاردىڭ قاقپاسىن اشىپ، ەرەن بازاردى ايناداي ەتىپ تازالاپ، رەتتەپ، قاريدارلاردىڭ كەلۋىن كۇتەدى. كۇيەۋى ناۋقاس سەبەبىنەن ەڭبەك قۋاتىنان ايرىلعاندىقتان، وتباسىنداعى كارى–جاس تۇگەلدەي تۇرمىستا وعان سۇيەنەدى، ىلە قازاق اۆتونوميالى وبلىستىق پارتكوم كەڭسەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاققا تۇسكەن قىزمەت اترەتى ونىڭ ءىس جۇزىندىك جاعدايىنا نەگىزدەلىپ، وعان شاعىن ەرەن بازار اشىپ بەردى. ءجاناتقان: «كۇيەۋىم ناۋقاستانىپ، ەڭبەك قۋاتىنان ايرىلدى، ال ءوزىم سىرتقا شىعىپ جۇمىس ىستەي المايمىن، وتباسىمنىڭ كىرىسى تۇگەلدەي وسى دۇكەننەن كەلەدى، قازىرگە دەيىن، 20 مىڭ يۋاننىڭ ۇستىندە اقشا تاپتىم، قۇلشىنۋ ارقىلى كەيىن وسى دۇكەننىڭ كولەمىن كەڭەيتسەم دەيمىن»،–دەدى.

    ءجاناتقان ورال قىزى سياقتى سۇپتاي اۋىلىنداعى 852 كەدەي وتباسىنىڭ بارىنە كەدەيلىكتەن قۇتىلدىرۋدىڭ ەگجەي–تەگجەيلى جوسپارى جاسالدى، كومەكتەسىپ سۇيەمەلدەۋدىڭ، كەدەيلىكتەن قۇتىلدىرۋدىڭ تاياۋ مەزگىلدەگى، ونان كەيىنگى، بولاشاقتىق جوسپارى تولىق جاسالدى، كاسىپ جاعىندا سۇيەمەلدەۋ، ەڭبەككۇشتى باسقا سالادا كاسىپتەندىرۋدەن اۋلا شارۋاشىلىعىن، ەگىنشىلىك، باعىمشىلىق قۇرىلىمىن ابزالداندىرۋعا، كومەك بەرۋدەن ءوز كۇشىنە سۇيەنۋگە دەيىنگى بارىس مۇقيات ورنالاستىرىلدى، ونىڭ ۇستىنە ارناۋلى ادام جاۋاپتى بولعاندىقتان، مەڭگەرىمدىلىگى كۇشتى بولدى. سۇپتاي اۋىلدىق پارتكومنىڭ ورىنباسار شۋجيى، اۋىل باستىعى كامالقان مىرزابەك ۇلى:«ءبىز كەدەيلەردى دالمە–ءدال پارىقتاۋدى، كەدەيلەردى دالمە ءدال قايتا تەكسەرۋدى كورنەكتىلەندىرىپ، 852 وتباسىنداعى 3 مىڭ 359 كەدەي وبيەكتىگە ارحيۆ تۇرعىزىپ، كارتوچكا تاراتۋدى قايتا تەكسەرىپ، كەدەي قىستاقتاعى 21 كورسەتكىش پەن كەدەي حالىق سانىنىڭ 20 كورسەتكىشىن سالىستىرىپ، 10 دى تۇگەلدەي جالپىلاستىرىپ، اۋىلىمىزداعى كەدەي حالىق سانىن «ەكىدەن تارىقتىرماۋعا»، ياعني ازىق–تۇلىكتەن، كيىم–كەشەكتەن تارىقتىرماۋعا، «ءۇش جاقتان قامتاماسىز ەتۋدى» ياعني ولاردىڭ مىندەتتى وقۋ–اعارتۋىن، نەگىزدىك ەمدەلۋىن جانە تۇرارجايىن قامتاماسىز ەتۋدى كەپىلدەندىرىپ، كەدەي حالىق سانىنىڭ ورتاشا كىرىسىن 3 مىڭ 500 يۋاننان اسىردىق»،–دەدى.

    بايسۇلتان نۇپتەبەك ۇلى

جاۋاپتى رەداكتور: گۇلدەن ماقسات قىزى