قاراپايىم دا ەلگەزەك بولىپ، قىستاق تۇرعىندارىنىڭ جاناشىرىنا اينالدى

  • كەلۋ قاينارى: ىلە گازەتى
  • 04:01:47 11/07/2018

 

    «ۇعىسۋ، تيىمدىلىك جاساۋ، توعستىرۋ» بويىنشا قىستاققا تۇسكەن حالىقشىل ازاماتتار بارعان جەرلەرىندە ءىس جۇزىندىكتى شىعار ءتۇيىن ەتىپ، حالىققا ويداعىداي باستاماشى بولىپ، «اۋەلگى ماقساتتى ۇمىتپاي، بورىشتى ەستە بەرىك ساقتاپ»، پارتيا مەن ۇكىمەت وزدەرىنە جۇكتەگەن مىندەتتى ارقالاپ، حالىقتىڭ تالابىن جەردە قالدىرماۋعا كۇش سالدى. التاي ايماقتىق وقۋ–اعارتۋ مەكەمەسىنىڭ كادرى باقىت بۇلانباي ۇلى 2018–جىلى «ۇعىسۋ، تيىمدىلىك جاساۋ، توعىستىرۋ» قىزمەتى بويىنشا، بۋرىلتوعاي اۋدانى جەتارال قالاشىعى العا قىستاعىنىڭ ءبىرىنشى شۋجيى بولىپ مىندەت وتەپ كەلەدى.

    پارتيا مەن مەملەكەتتىڭ جۇكتەگەن مىندەتىن كوكەيىنە بەرىك ساقتاعان باقىت الدىمەن بۇقارامەن ەمەن–جارقىن اڭگىمە تيەگىن اعىتتى، حالىقتىڭ حال–جايىن ءبىلۋ ءۇشىن بىتىراڭقى وتىرعان مالشى قاۋىمى وتباسىلارىنا بارىپ جاعداي ۇعىسىپ، شىنايى سىرلاسىپ، قويۋ دوستىق قاتىناس ورناتتى. العا قىستاعى مال شارۋاشىلىعىن نەگىز ەتكەن قىستاق، قىستاق كولەمىندە 159 وتباسى، 549 جان سانى بار، وسى قىستاقتاعى تۇرعىندارمەن تولىق جۇزدەسىپ، ولاردىڭ ەكونوميكالىق شارت–جاعدايىن يەلەۋ، ولاردى ەرتەرەك كەدەيلىكتەن قۇتىلدىرىپ، دوڭگەلەك داۋلەتتى ورەگە جەتەكتەۋ باقىت شۋجيدىڭ بار ارمانى ەدى.

    جۇرت دەسە جۇمىلىپ ىستەيتىن ازامات حالىقتىڭ قاجەتى تۇسكەن جۇمىستارعا بىلەك سىبانا كىرىستى. اسىرەسە، قىستاق كولەمىندە اپاتقا ۇشىراعان وتباسىلاردىڭ حال–جايىن ۇعىسىپ، وي مەن قىرداعى تىرشىلىك تىنىسىنا باسا نازار اۋداردى، اسىرەسە، تابيعى اپاتقا ۇشىراعان كوللەكتيۆتىك جۇمىسقا باس تارتپاي ارالاستى، ايتالىق، قىستاقتىڭ مىڭ مۋ جەرىن سۋلاندىراتىن ورتا توعانىن بوران سوققاندا قۇم باسىپ قالعان بولاتىن، ءدال وسى كەزدە ءوزى باستاماشى بولىپ، توعان ارشىدى، مۇنان تىس قىستاقتاعى ساۋىر ەتەگىنە بارىپ، مال باعىپ جاتقان مالشى قاۋىمنىڭ ءوندىرىس، تۇرمىس جاعدايىن تاپتەشتەي يەلەدى.

    باقىت باستاعان قىزمەت اترەتىندەگىلەر بۇقارانىڭ كوز الداعى قيىنشىلىقتارىن شاماسىنىڭ جەتىسىنشە ءبىر جاقتى ەتۋگە كۇش سالدى،قىستاق تۇرعىندارى دا ءدان ريزالىعىن ءبىلدىرىپ، كوكەيىندەگى ويلارىن بۇكپەسىز ايتاتىن بولدى. حالىقتىڭ حال–جايىن ۇعىسىپ، ءال–اۋقاتىن جاقسارتۋعا ءوزى باس بولىپ، باس اۋىرتىپ جۇرگەن وسىنداي حالىقشىل ازاماتتاردىڭ قاتارى كوپ بولسا ەكەن دەپ ءبىر اۋىزدان القاپ جاتتى.

    سەرىك يمانقان ۇلى

جاۋاپتى رەداكتور: گۇلدەن ماقسات قىزى