شەتەل ساۋداگەرلەرى قارجى قوستى: ءوزارا تيىمدىلىك جاساپ، تەڭ يگىلىككە كەنەلۋدىڭ ءورىسى كەڭ

  • كەلۋ قاينارى: شينجياڭ گازەتى تورابى
  • 04:35:59 11/07/2018

    ءتىلشىمىز ۋاڭ يۇڭفي

 

    7 - ايدىڭ 6 - كۇنى سانجى يدا توقىماشىلىق شەكتى سەرىكتەستىگىنىڭ ءوندىرىس سەحىندا ماشينالار گۇرىلدەپ ىسكە قوسىلىپ، ميلليونداعان ماقتا ءجىپ ۇرشىقتارعا توقتاۋسىز ورالىپ جاتتى.

    شينجياڭ يدا توقىماشىلىق شەكتى سەرىكتەستىگىنىڭ ورىنباسار باس ديرەكتورى لي گۋاڭحاي: شينجياڭعا كەلگەننەن بەرى، كاسىپورنىمىز كوپتەگەن جەڭىلدىك ساياساتتارىنان يگىلىكتەنۋمەن قاتار، 680 ميلليون يۋاندىق ءتۇرلى باجى تاپسىرىپ، 1500 ادامنىڭ جۇمىسقا ورنالاسۋىن جەبەدى. ءبىز جەرگىلىكتى ورىنمەن ءوزارا تيىمدىلىك جاساپ، تەڭ يگىلىككە كەنەلۋ بارىسىندا بىرگە دامۋدى جۇزەگە اسىردىق، - دەدى.

    يدا توقىماشىلىعى − شينجياڭنىڭ شەتەل قارجىسىنان پايدالانعان كاسىپورىندارىنىڭ ىقشام كورىنىسى. رەفورما جاساۋ، ەسىك اشۋدىڭ ىشكەرىلەي ىلگەرىلەۋىنە بايلانىستى، اسىرەسە، پارتيانىڭ 18 - قۇرىلتايىنان بەرى، شينجياڭنىڭ شەتەل قارجىسىنان پايدالانۋ كولەمى ۇزدىكسىز كەڭەيىپ، قۇرىلىمى بىرتىندەپ جاقسارىپ، شەتەل قارجىسىنان پايدالانۋدىڭ كوپ جىكتى، كوپ سالالى، كوپ ارنالى جاڭا ءۇردىسى قالىپتاستى.

    ەسىكتى ايقارا اشۋ باۋراۋ اسەرىنىڭ جارىققا شىعۋىنا دەم بەردى

    1980 - جىلى جۇڭگو مەن شەتەل سەلبەسىپ قارجى قوسقان تۇڭعىش كاسىپورىن − شينجياڭ تيانشان ءجۇن توقىماشىلىق شەكتى سەرىكتەستىگىنىڭ قۇرىلۋىمەن، شينجياڭنىڭ شەتەل قارجىسىن تارتۋىنىڭ قاقپاسى اشىلدى. ءبىر مەزەت شەتەل قارجىسى ىركەس - تىركەس اعىلىپ كىرىپ، كوكتەم لەبى كوتەرىلدى.

    شەتەل ساۋداگەرلەرىنىڭ جالپى مولشەرى جىلدام كوبەيدى. شەتەل ساۋداگەرلەرى قارجى قوسقان كاسىپورىندار سانى جىلدام ارتىپ، 20 - عاسىردىڭ 80 - جىلدارىنىڭ باسىنداعى بىرەۋدەن كوبەيىپ، 2017 - جىلدىڭ اياعىندا 791گە جەتتى.

    شەتەل ساۋداگەرلەرىنىڭ قاينارى كۇن سايىن كوپ نەگىزدەنە ءتۇستى. 2017 - جىلدىڭ اياعىندا، شەتەل ساۋداگەرلەرىنىڭ شينجياڭداعى قارجى قوسۋ سۋبيەكتتەرى 54 مەملەكەت پەن رايونعا كەڭەيدى.

    قارجى قوسۋ سالاسى ۇزدىكسىز كەڭەيدى. شەتەل ساۋداگەرلەرىنىڭ قارجى قوسۋى 1 -، 2 -، 3 - كاسىپ سالالارىن جاپپاي قامتىپ، جەكە - جەكە 70، 230، 491 كاسىپورىندى قامتىدى.

    قارجى قوسۋ ءوڭىرى ۇزدىكسىز كەڭەيدى. شەتەل ساۋداگەرلەرىنىڭ قوسقان قارجىسى 14 ايماق، وبلىس، قالانى قامتىدى.

    پارتيا 18 - قۇرىلتايىنان بەرى، شينجياڭنىڭ شەتەل ساۋداگەرلەرىنىڭ قارجى تارتۋى جاڭا كەزەڭگە ءوتتى، شەتەل قارجىسىنان پايدالانۋ كولەمى مەن جىلدامدىعى تەز ارتتى، شەتەل قارجىسىنان پايدالانۋدىڭ جالپىلىق ساپاسى ءونىمدى تۇردە جوعارىلادى. 2012 - جىلدان 2017 - جىلعا دەيىن، شينجياڭدا شەتەل قارجى قوسقان كاسىپورىنداردان 435ى قۇرىلدى، توقتامداعى شەتەل قارجىسى 4 ميلليارد 288 ميلليون دوللارعا جەتىپ، ناقتى پايدالانىلعان شەتەل قارجىسى 2 ميلليارد 363 ميلليون دوللار بولدى.

جاۋاپتى رەداكتور: جازيرا بولاتباي قىزى