اۆتونوميالى وبلىس ءبيداي جيناۋ – ساقتاۋ ءتۇزىمى رەفورماسىن جانە جازعى استىق جيناۋ – ساقتاۋعا باقىلاۋ – جەتەكشىلىك ەتۋ، تەكسەرۋ – زەرتتەۋ قىزمەتىن ورىستەتتى

  • كەلۋ قاينارى: ىلە گازەتى
  • 07:55:37 12/07/2018

 

     وبلىسقا توتە قاراستى ورىنداردا جالپى 67 مىڭ 800 توننا ءبيداي ساتىپ الىندى

 

    ءتىلشىمىز دۋ لەي حابارلايدى. وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو 7 – ايدىڭ 9 – كۇنى وبلىستىق استىق مەكەمەسى، جۇڭگو اۋىل شارۋاشىلىعىن دامىتۋ بانكەسى ىلە وبلىستىق بولىمشە بانكەسى سياقتى ورىنداردىڭ جاۋاپتىلارىن باستاپ قۇلجا قالاسىنا، قۇلجا اۋدانىنا بارىپ، اۆتونوميالى وبلىستىڭ ءبيداي جيناۋ – ساقتاۋ ءتۇزىمى رەفورماسىنىڭ ورىستەتىلۋ جانە جازعى استىق جيناۋ – ساتىپ الۋ قىزمەتى جاعدايىنا باقىلاۋ – جەتەكشىلىك ەتۋ، تەكسەرۋ – زەرتتەۋ قىزمەتىن جۇرگىزدى.

    وسى رەتكى باقىلاۋ – جەتەكشىلىك ەتۋ مەن تەكسەرۋ – زەرتتەۋدىڭ باستى ماقساتى _ اۆتونوميالى رايوندىق حالىق ۇكىمەتىنىڭ «<اۆتونوميالى رايوننىڭ ءبيداي جيناۋ – ساقتاۋ ءتۇزىمى رەفورماسى جوباسىن> باسىپ تاراتۋ جونىندەگى حابارلاندىرۋىن» (ۇكىمەتتىڭ جاڭادان تاراتقان [2018] 23 – ءنومىرلى)، «2018 – جىلعى جازعى استىق جيناۋ – ساتىپ الۋ قىزمەتىن ويداعىداي ىستەۋ جونىندەگى حابارلاندىرۋدى» (ۇكىمەت كەڭسەسىنىڭ جاڭادان تاراتقان [2018] 54 – ءنومىرلى) جانە اۆتونوميالى رايوننىڭ 2018 – جىلعى جازعى استىق جيناۋ – ساتىپ الۋ جونىندەگى تەلەۆيزور – تەلەفون ءماجىلىسىنىڭ رۋحىن مۇقيات دايەكتى تياناقتاندىرىپ، اۆتونوميالى وبلىستىڭ ءبيداي جيناۋ – ساقتاۋ ءتۇزىمى رەفورماسى مەن جازعى استىق جيناۋ – ساتىپ الۋ ساياساتتارىن دايەكتى تياناقتاندىرۋدى شىنايى مىقتى يگەرىپ، رەفورمادا ناقتى ونىمدىلىككە قول جەتكىزۋگە كەپىلدىك ەتۋ.

    باقىلاۋ – جەتەكشىلىك ەتۋ، تەكسەرۋ – زەرتتەۋ گرۋپپاسىنداعىلار شينجياڭ شىڭكاڭ استىق – ماي شەكتى سەرىكتىگى، شينجياڭ ىلە مەملەكەتتىك استىق ساقتاۋ قامباسى، ىلە بوتاي ازىق – تۇلىك شەكتى جاۋاپكەرلىك سەرىكتىگى، قۇلجا اۋداندىق جينگۋ استىق – ماي ساتۋ شەكتى جاۋاپكەرلىك سەرىكتىگىنىڭ اروستەڭ بولىمشە سەرىكتىگى سياقتى ورىندارعا باقىلاۋ – جەتەكشىلىك ەتۋ قىزمەتىن ورىستەتتى جانە تەكسەرۋ – زەرتتەۋ جۇرگىزدى.

    باقىلاۋ – جەتەكشىلىك ەتۋ، تەكسەرۋ – زەرتتەۋ گرۋپپاسىنداعىلار ءاربىر ورىنعا بارعاندا اۋدان (قالانىڭ) ءبيداي جيناۋ – ساقتاۋ ءتۇزىمى رەفورماسى مەن جازعى استىق جيناۋ – ساتىپ الۋ ساياساتىن ۇگىتتەۋ قىزمەتتەرىن ورىستەتۋ جاعدايىن ەگجەي – تەگجەيلى ۇعىستى. استىق جيناۋشى – ساتىپ الۋشى ورىندارىنىڭ جازعى استىق جيناۋ – ساتىپ الۋ ساياساتىن، ولشەمىن، باعاسىن تياناقتاندىرعان – تياناقتاندىرماعانىن؛ رايون، وبلىس، اۋدان سىندى ءۇش دارەجەلى ورىننىڭ مالىمدەۋ، باقىلاۋ تەلەفونىن جاريالى ورناتقان - ورناتپاعانىن؛ ساياساتتى، باعانى، ولشەمدى قابىرعاعا شىعارۋ، ۇلگى نۇسقانى مىنبەگە قويۋ ىستەرىن ورىنداعان - ورىنداماعانىن؛ حالىققا قولايلى قىزمەت وتەۋ شارالارىن اتقارعان – اتقارماعانىن ۇعىستى. «استىق باسقاراتىن ادام، استىق ساتىپ الاتىن قاراجات، استىق جينايتىن قامبا بولۋ» ماسەلەلەرىن توڭىرەكتەي وتىرىپ، جيناۋ – ساتىپ الۋ سيىمدىلىعى، قارجى ازىرلەۋ جانە قىزمەتكەرلەردى تاربيەلەۋ، استىق ساقتاۋ حاۋىپسىزدىگى قىزمەتتەرىن تياناقتاندىردى ءارى ەگىنشى وتباسىلارىنان جاعداي ۇعىسىپ، پىكىر – ۇسىنىستار تىڭدادى.

جاۋاپتى رەداكتور: گۇلدەن ماقسات قىزى