باس شۋجي شي جينپيڭنىڭ مەملەكەتتىك ۇيىمداستىرۋ قىزمەتى ماجىلىسىندە سويلەگەن ماڭىزدى ءسوزى تاماشا اڭىس قوزعادى، وبلىسقا توتە قاراستى ورىندارداعى قالىڭ پارتيالى كادرلار ءبىر اۋىزدان مىنانى ءبىلدىردى: ءتىپتى دە شىنايى ستيلمەن ءار ۇلت حالقىن ىنتىماقتاستىرا باستاپ، تىڭ داستان جازۋعا قۇلشىنامىز

  • كەلۋ قاينارى: ىلە گازەتى
  • 07:56:49 12/07/2018

  

    ءتىلشىمىز شى شۋەحۇڭ حابارلايدى. باس شۋجي شي جينپيڭنىڭ مەملەكەتتىك ۇيىمداستىرۋ قىزمەتى ماجىلىسىندە سويلەگەن ماڭىزدى ءسوزى ىلەدەگى بارشا پارتيالى كادرلار اراسىندا كۇشتى اڭىس قوزعادى. كوپشىلىك ءبىر اۋىزدان مىنانى ءبىلدىردى: جاڭا داۋىردەگى پارتيانىڭ ۇيىمدىق لۋشيانىنىڭ عىلمي ءمانى مەن امالياتتىق تالابىن تەرەڭ ءتۇسىنىپ، پارتيانىڭ ۇيىمدىق ابزالدىعىن جالعاستى ساۋلەلەندىرىپ، بۇكىل پارتيانىڭ كۇرەس جۇرگىزۋ رۋحىن قاۋلاتىپ، ءتىپتى دە تاماشا بەينەمەن، ءتىپتى دە شىنايى ستيلمەن ءار ۇلت حالقىن ىنتىماقتاستىرا باستاپ، جاڭا داۋىردەگى جۇڭگوشا سوتسياليزمنىڭ تىڭ داستانىن جازۋعا قۇلشىنامىز.

    كەزەكتە وبلىستىق پارتكوم «جەر ۇيىعى» جاڭا ىلە قۇرۋ مەن «تىنىش ىلە، ىركىلىسسىز ىلە، كوركەم ىلە، پاراساتتى ىلە، اقاۋسىز ىلە، باقىتتى ىلە» قۇرۋ جارقىن بولاشاعىن جۇزەگە اسىرۋدى ورتاعا قويدى، مۇنىمەن ىلە وبلىسىنىڭ دارىندىلارعا بولعان سۇرانىسى بۇدان بۇرىنعى ءارقانداي كەزدەگىدەن دە شۇعىل دا كۇشتى بولۋدا. وبلىستىق پارتكوم ۇيىمداستىرۋ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى جياۋ شياۋفان بۇل رەتكى مەملەكەتتىك ۇيىمداستىرۋ قىزمەتى ماجىلىسىندە تۇڭعىش رەت جاڭا داۋىردەگى پارتيانىڭ ۇيىمدىق لۋشيانى العا قويىلعاندىعىن، بۇل دارىندىلاردى دامىتۋ ءتۇزىلىسى رەفورماسىن تەرەڭدەتۋدى ءتۇبىرلى نەگىزبەن قامداعاندىعىن ايتتى.

    ىلە وبلىسى مەملەكەتتىك ۇيىمداستىرۋ قىزمەتى ءماجىلىسىنىڭ رۋحىن مۇقيات دايەكتىلەندىرىپ، دارىندىلاردى باۋلۋ ءتۇزىلىس مەحانيزمى رەفورماسىن جەدەل ىلگەرىلەتىپ، نىسانانى، ماسەلەنى نىشان ەتۋگە تاباندى بولىپ، «ۇقىقتى تومەنگە بەرۋ مەن باسقارۋدى بىرلەستىرۋدى» وزەك ەتىپ، تۇيىندە ناقتى ناتيجە جاراتۋ، سالا بويىنشا باستاماشىلىق ىستەۋ، جالپى جاقتان ناقتى سايكەسۋ سىندى دارىندى ءتۇزىمى رەفورماسىنىڭ «كەشەندى شارالارىن» ويداعىداي بەكەمدەپ، بارلىق دارىندىنىڭ جاڭالىق اشۋ، جاسامپازدىق جاراتۋ، كاسىپتەنۋ سىندى ومىرشەڭدىك قۋاتىن بارىنشا ساۋلەلەندىرىپ، جاڭا داۋىردەگى جوعارى ساپالى، كاسىپتىك، جاس كادرلار قوسىنىن بار كۇشپەن باۋليدى. «ىلەگە دارىندى ەنگىزۋ» جوسپارىن ۇزدىكسىز اتقارىپ، قوعام اماندىعىن جاپپاي وڭاۋ، ورنىقتىلىقتى قورعاۋ، ەكونوميكا - فينانس، ساۋدا - زات اينالىسى، ءونىم تاپقىرلاۋ سياقتى جوعارى ساتىلاردا كەمشىل بولىپ وتىرعان كاسىپتىك دارىندىلاردى جەدەل ەنگىزىپ، ىلەدە جوعارى ورەلى دارىندىلار، كاسىپتىك دارىندىلار كەمشىل بولۋ مەن قامداۋ ورتاسىنداعى قايشىلىقتى باسەڭدەتەدى. سونىمەن بىرگە قولداعى دارىندىلار قوسىنىن جانداندىرۋعا كۇش جۇمساپ، «ەنگىزۋ»، «شىعارۋ» سياقتى كوپ ءتۇرلى ءتاسىل قولدانىپ، قازىرگى بار دارىندىلاردىڭ تانىمىن جاڭالاۋدى، قابىلەتىن جوعارىلاتۋدى مىقتى يگەرىپ، ءبىر توپ سالالاردى تولىق قامتىعان، ساتىلار بويىنشا ورنالاسۋى ۇيلەسىمدى، ساپالى دارىندىلاردى كۇش سالا باۋلىپ، «جەر ۇيىعى» - جاڭا ىلە قۇرۋعا قاجەتتى دارىندىلار قوسىنىن جەتىلدىرىپ، ىلەنىڭ قوعام ورنىقتىلىعى مەن ەكونوميكاسىنىڭ، قوعامىنىڭ دامۋىن اناعۇرلىم تولىق دارىندىلارمەن جانە اقىل - پاراساتپەن قامتاماسىزداندىرادى.

جاۋاپتى رەداكتور: گۇلدەن ماقسات قىزى