«اۋا رايى وزگەرىسىنە توتەپ بەرۋ . جۇڭگو ەستەلىگى» جانە «تومەن كومىرتەكتى جۇڭگو ساپارى» قيمىلى ىلەدە

  • كەلۋ قاينارى: ىلە گازەتى
  • 07:59:11 12/07/2018

 

    ءتىلشىمىز دىڭ باۋ حابارلايدى. 7 – ايدىڭ 2 – كۇنى جۇڭگو اۋا رايى مەكەمەسى ۇيىمداستىرعان «اۋا رايى وزگەرىسىنە توتەپ بەرۋ . جۇڭگو ەستەلىگى» جانە «2018 – جىلعى تومەن كومىرتەكتى جۇڭگو ساپارى» قيمىلىنىڭ ىلەدە باستالۋ سالتى قۇلجا قالاسىندا وتكىزىلدى. وبلىستىڭ ورىنباسار باستىعى مەي يۇي باستالۋ سالتىنا قاتىناستى ءارى ارناۋ ءسوز سويلەدى.

    جۇڭگو اۋا رايى مەكەمەسى شۇعىل جاعدايعا توتەپ بەرۋ، اپات زيانىن ازايتۋ جانە الەۋمەتتىك قىزمەت وتەۋ مەڭگەرمەسىنىڭ باستىعى جاڭ زۋچياڭ مەن مەملەكەتتىك ينفورماتسيا ورتالىعىنىڭ ورىنباسار مەڭگەرۋشىسى جاڭ شۋەيىڭ «جۇڭگو اۋا رايى . تومەن كومىرتەكتى ەكونوميكا __ كورىكتى جۇڭگونى بىرلىكتە قۇرايىق» اتىنداعى بىرلەسكەن ارەكەت دارىپتەمەسىن بىرلىكتە جاريالاپ، كوپشىلىكتى «كورىكتى جۇڭگونىڭ» قۇرىلىسشىلارى، ەستەلىككە الۋشىلارى، ۇلەس قوسۋشىلارى بولۋعا ۇندەدى.

    مەي يۇي وبلىستىق پارتكوم مەن ۇكىمەت اتىنان وسى رەتكى قيمىل ارقىلى اۆتونوميالى وبلىسىمىزداعى، قوعامنىڭ ءار سالاسىن اۋا رايى وزگەرىسى ماسەلەلەرى جونىندەگى تۇسىنىكتى جاپپاي تەرەڭدەتىپ، جاسىل، تومەن كومىرتەكتى دارىپتەۋگە جاۋاپتى ازامات بولۋدى، اۆتونوميالى وبلىسىمىزدىڭ بۇكىلدەي جاڭاشا جاسىل دامۋ جولىمەن جۇرۋىنە مۇمكىندىك جاراتىپ، «جەر ۇيىعى» - جاڭا ىلە قۇرۋدى ىلگەرىلەتۋ ءۇشىن اناعۇرلىم زور ۇلەس قوسۋدى ءۇمىت ەتتى.

    مەملەكەتتىك دامۋ – رەفورما كوميتەتى جۇڭگونىڭ ماكرولىق ەكونوميكاسىن زەرتتەۋ اكادەمياسى ەنەرگيا قاينارى بولىمشەسىنىڭ بۇرىنعى باستىعى جوۋ دادي «ەكولوگيالىق وركەنيەت جانە تومەن كومىرتەكتى اينالىم» اتتى دوكلادىندا مىنانى اتاپ كورسەتتى: ەلىمىزدىڭ اۋا رايى وزگەرىسى سالاسىندا ءبىر قىدىرۋ سايىسقا ءدوپ كەلىپ، تومەن كومىرتەكتى جاسىل دامۋ ستراتەگياسىن اتقارۋى _ حالىقارالىق قوعامعا ىعىستىرۋدى ازايتۋ جونىندە بەرگەن ۋادەسىنىڭ ماڭىزدى مازمۇنى ءارى ەلىمىزدىڭ ەكونوميكانىڭ دامۋ تاسىلىنە بۇرىلىس جاساۋىنىڭ ىشكى تالابى.

    ۇعىسۋىمىزشا، 7 – ايدىڭ 2 – كۇنىنەن 5 – كۇنىنە دەيىن «اۋا رايى وزگەرىسىنە توتەپ بەرۋ . جۇڭگو ەستەلىگى» جانە «2018 – جىلعى تومەن كومىرتەكتى جۇڭگو ساپارى» اتىنداعى تەكسەرۋ – زەرتتەۋ ۇيىرمەسى «اۋا رايى وزگەرىسى جاعدايىنداعى ىلەنىڭ جاسىل ەكولوگياسى مەن تومەن كومىرتەكتى دامۋى جونىندەگى ىزدەنىس» نەگىزگى تاقىرىبىندا، موڭعۇلكۇرە، تەكەس سياقتى جەرلەرگە بارىپ، ىلە وبلىسىنىڭ ەكولوگيالىق وركەنيەت قۇرىلىسىن ىلگەرىلەتۋ بارىسىندا اۋا رايى وزگەرىسىنە توتەپ بەرۋ ىزدەنىسى مەن جاسىل، تومەن كومىرتەكتى دامۋ ۇلگىسىندە جاڭالىق اشۋ جاعدايىنا بىرلىكتە تەكسەرۋ – زەرتتەۋ جۇرگىزەدى.

جاۋاپتى رەداكتور: گۇلدەن ماقسات قىزى