مۇز تاۋ ەرەكشە ساياحاتى دامىپ كەلەدى

  • كەلۋ قاينارى: شينجياڭ گازەتى تورابى
  • 10:21:33 16/07/2018

  

ءتىلشىمىز دۇڭ لياڭ  

 

    7  - ايدان 9 - ايعا دەيىنگى ۋاقىت مۇز تاۋداعى «شىڭعا شىعۋ مەزگىلى». ءار جىلى وسى كەزدە ەلىمىزدىڭ ءىشى - سىرتىنان اۋەسقوي شىڭشىلدار اعىلىپ كەلەدى.

    7 - ايدىڭ 8 - كۇنى 2018 - جىلعى مۇز تاۋ شىڭىنا شىعۋ مەرەكەسى اقتاۋ اۋدانىنداعى تەڭىز دەڭگەيىنەن 4500 مەتر بيىكتىكتەگى مۇز تاۋ قولباسشىلىق شتابىندا باستالدى. وسى رەتكى شىڭعا شىعۋ مەرەكەسى شينجياڭنىڭ دەنە تاربيە، ساياحات ىستەرىن بەلسەنە ىلگەرىلەتىپ، اۆتونوميالى رايونىمىزدىڭ ەرەكشە ساياحاتىنىڭ دامۋىن دەمەيدى. اۆتونوميالى رايوندىق دەنە تاربيە مەكەمەسى شىڭعا شىعۋ سپورتىن باسقارۋ ورتالىعىنىڭ ورىنباسار مەڭگەرۋشىسى دىڭ لەي بىلاي دەدى: شينجياڭنىڭ ەرەكشە وڭىرلىك باسىمدىعىن جانە باتىسقا ەسىك اشۋداعى تەرەزەلىك رولىن تولىق ساۋلەلەندىرىپ، توڭىرەكتەگى ەلدەرمەن اراداعى گۋمانيتارلىق اۋىس - كۇيىستى ايرىقشا تەرەڭدەتىپ، مۇز تاۋ شىڭىنا شىعۋ مەرەكەسىن باي مازمۇندى، ەرەكشەلىگى كورنەكتى، ەل ءىشى - سىرتىنداعى شىڭعا شىعۋ جانە ساياحات سالاسىندا بەلگىلى تانىمالدىعى بار ماڭىزدى ماركالى قيمىلعا اينالدىرۋعا قۇلشىنامىز.

    دالالىق سپورت + ساياحاتتىڭ دامۋ مۇمكىندىگى زور

    7 - ايدىڭ 13 - كۇنى، سىچۋاننىڭ چىڭدۋىنان كەلگەن سىچۋان - شيزاڭ شىڭشىلدار اترەتى «مۇز تاۋ اتاسى» اتانعان مۇزتاۋ شىڭىنا ءساتتى شىقتى. مۇزتاۋدىڭ ەتەگىندە تۇراتىن، اقتاۋ اۋدانى بۇلۇڭكول اۋىلى سۋباس قىستاعىنداعى قىرعىز جىگىت ابدۇساتتار سادىق تا باعى جانىپ، سىچۋان - شيزاڭ شىڭشىلدار اترەتىمەن بىرگە ومىرىندە تۇڭعىش رەت شىڭعا شىقتى ءارى بيىل جازعى دەمالىستاعى جۇمىس تابىسىمەن وقۋداعى تۇڭعىش ەڭبەكاقىسىن تاپتى.

    شينجياڭ حالىقارالىق دەنە تاربيە ساياحات كووپەراتيۆبىنىڭ باس مەڭگەرۋشىسى پان جىنيۇي بىلاي دەدى: بەرتىنگى جىلداردا ەلىمىزدىڭ ءىشى - سىرتىنداعى اۋەسقوي شىڭشىلدار بارعان سايىن كوبەيىپ، جەرگىلىكتى مالشىلارعا پايدا جەتكىزدى. ايتسە دە ءىس جۇزىندە مۇزتاۋ شىڭىن وزەك ەتكەن اۋماقتىڭ كوپتەگەن ەرەكشە جاقسى ابزال بايلىعى بار، جەرگىلىكتى ساياحاتتىڭ دامۋ مۇمكىندىگى دە زور.

    قىزىلسۋ قىرعىز اۆتونوميالى وبلىستىق ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ۋاڭ حۇڭ تىلشىگە بىلاي دەپ تانىستىردى: ەرەكشە جاعراپيالىق ورىن مەن قاتىناستىڭ ىقپالىنان، مۇزتاۋ شىڭىنا باراتىن مەملەكەتتىك تاس جولدىڭ بويىندا چۇلۇك كولى (قۇمكول دەپ تە اتايدى)، قاراكول سىندى كوپتەگەن كورىنىس اۋماقتارى بار، الايدا ۇزاق ۋاقىتتان بەرى ول جەردى سىرتقا تانىستىراتىن تاماشا ءبىر تۇعىر بولماعاندىقتان، كوپتەگەن ادام ول جەردى بىلمەگەن ەدى.

جاۋاپتى رەداكتور: گۇلدەن ماقسات قىزى