نەگىزگى ساتى پارتيا ۇيىمى قۇرىلىسىن كۇشەيتۋدىڭ ماڭىزدى ءمانى جونىندە

  • كەلۋ قاينارى: ىلە گازەتى
  • 08:11:30 23/07/2018

 

    نىلقى اۋداندىق پارتكوم پارتيا مەكتەبى لي نا

 

    بيلىك باسىنداعى پارتيانىڭ دامۋى مەن زورايۋى نەگىزگى ساتى ۇيىمىنىڭ قىزمەتىمەن تىعىز قاتىستى، نەگىزگى ساتى ۇيىمى – پارتيانىڭ ۇيىمدىق قوسىندى تولىقتىراتىن نەگىزى. نەگىزگى ساتى ۇيىمى ءبىر جاعىنان بۇقارامەن تىعىز بايلانىس جاسايتىن قۇرىلىم فورماسى بولسا، ەندى ءبىر جاعىنان بۇقارانىڭ ينفورماتسياسىن جوعارى جىكتەگى باسشىلىق قۇرىلىمعا جەتكىزۋشى، پارتيا مەن بۇقارا اراسىنداعى ينفورماتسيا جەتكىزۋشى دانەكەر، بۇل جونىندەگى تۇسىنىك ايقىن. نەگىزگى ساتى پارتيا ۇيىمى قۇرىلىسىن كۇشەيتۋ بۇقارالىق نەگىزدى كەڭەيتۋ، حالىق جاعدايىن ۇعىسۋ، بۇقاراعا يگىلىك جاراتۋ سياقتى جاقتارعا تەرەڭ ىقپال جاسايدى، بۇل پارتيانىڭ بيلىك جۇرگىزۋ ورنىن، نەگىزىن بەكەمدەگەندىگىنىڭ، پارتيانىڭ بيلىك جۇرگىزۋ مىندەتىن ىسكە اسىرعاندىعىنىڭ شوعىرلى بەينەلەنۋى.

    ءبىرىنشى، نەگىزگى ساتى پارتيا ۇيىمى قۇرىلىسىن كۇشەيتۋ _ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەتىگى

    جاڭا جاعدايدا نەگىزگى ساتى پارتيا ۇيىمى قۇرىلىسىنا كوڭىل ءبولۋ جانە ونى كۇشەيتۋ جۇڭگونىڭ قوعام دامۋىنىڭ وبيەكتيۆ تالابى ءارى تاريحي تاجىريبەنىڭ ماڭىزدى بەينەسى، جۇڭگو كوممۋنيستىك پارتياسى 1921 – جىلى قۇرىلعاننان باستاپ 90 نەشە جىل ىستىق – سۋىق سىنداردان ءوتىپ، ەڭ سوڭىندا جۇڭگونىڭ دامۋىنا ۇيلەسەتىن جولدى تاپتى. تاريح تەك پارتيانىڭ وزىندىك قۇرىلىسى كەمەلدەنگەندە عانا پارتيا ءار ۇلت حالقىن سوتسياليزم ىستەرى قۇرىلىسىن ءساتتى جۇرگىزۋگە باستاي الاتىندىعىن جانە ىنتىماقتاستىرا الاتىندىعىن دالەلدەدى. تاياۋ زاماننان بەرى جۇڭحۋا ۇلتىنىڭ ۇلى ارمانى – ۇلتتىڭ گۇلدەنۋىن جۇزەگە اسىرۋ، بۇل دا پارتيامىزدىڭ حالىقتى ۇلى ارماندى جۇزەگە اسىرۋعا باستايتىن ۇلى نىساناسى. بۇل نىسانانى جۇزەگە اسىرۋ ءۇشىن جۇڭگٶ كوممۋنيستىك پارتياسى مەملەكەتتەگى ءار ۇلت حالقىن قاجىرلىقپەن كۇرەس جۇرگىزىپ، شىنايى ىستەۋگە باستاپ، شۇعىلالى ناتيجەلەرگە قول جەتكىزدى. پارتيامىزدىڭ مۇشە سانى 80 ميلليوننان اسىپ، پارتيا ۇيىمىنىڭ سانى 5 ميلليونعا تايادى، ەگەر ءار دارەجەلى پارتيا ۇيىمدارى مەن پارتيا مۇشەلەرى ءوزارا ىنتىماقتا بولىپ، قۇلشىنا كۇرەسىپ، بىرىنە – ءبىرى دەم بەرىپ وتىرسا، پارتيامىزدىڭ ومىرشەڭدىك قۋاتى ماڭگى تاسقىنداپ، ۇزدىكتىگىن ساقتاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى كۇرەس نىساناسىن ورىنداي الادى.

    ەكىنشى، نەگىزگى ساتى پارتيا ۇيىمى قۇرىلىسىن كۇشەيتۋ - جاڭا داۋىردە عىلمي دامۋدى جەدەلدەتۋدىڭ ساياسي كەپىلى

    پارتيانىڭ 19 – قۇرىلتايى نەگىزگى ساتىنىڭ ۇيىمدىق قۇرىلىسىن كۇشەيتۋ جونىندە تىڭ ورنالاستىرۋلار جاساپ، تىڭ تالاپتار قويىپ، مىنالاردى اتاپ كورسەتتى: نەگىزگى ساتى پارتيا ۇيىمى _ پارتيانىڭ بارلىق قىزمەتىنىڭ جانە جاۋىنگەرلىك قۋاتىنىڭ نەگىزى، پارتيانىڭ نەگىزگى ساتى ۇيىمدارىنىڭ كۇيى پارتيانىڭ دامۋ – كوركەيۋىمەن تىعىز بايلانىستى، پارتيانىڭ نەگىزگى ساتى ۇيىمدىق قۇرىلىسىن شىنايى كۇشەيتۋ _ پارتيانىڭ لۋشيان، باعىت –ساياساتتارى مەن شەشىم – ورنالاستىرۋلارىنىڭ دايەكتى تياناقتانۋىنا كەپىلدىك ەتۋدىڭ نەگىزى. بۇل پارتيانىڭ بيلىك جۇرگىزۋ ورنىن بەكەمدەۋدىڭ قاجەتى بولىپ قالماستان، جاڭا داۋىردە عىلمي دامۋدى ىلگەرىلەتۋدىڭ ءتۇبىرلى كەپىلى ەكەنىن دە اڭعارامىز.

جاۋاپتى رەداكتور: گۇلدەن ماقسات قىزى