نەگىزگى ساتى پارتيا ۇيىمى قۇرىلىسىن كۇشەيتۋدىڭ ماڭىزدى ءمانى جونىندە

  • كەلۋ قاينارى: ىلە گازەتى
  • 08:11:30 23/07/2018

    1. پارتيا قۇرىلىسى جۇڭگو قوعامىنىڭ دامۋىنا يدەيالىق باعدار نۇسقادى.

    بۇكىل پارتيانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن قارۋلاندىرۋ _ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداعى نازاريالىق تالاپ، ول جۇڭگو قوعامىنىڭ بولاشاق دامۋىنا جەتەكشىلىك رول اتقارادى. رەفورما جاسالىپ، ەسىك اشىلعاننان بەرگى جۇڭگوشا سوتسياليزم ىستەرىنىڭ ءورىس اشا العا ىلگەرىلەۋى پارتيا قۇرىلىسىنىڭ العا باسۋىنان كەلدى. جاڭا داۋىرگە قادام تاستاپ، جاڭا دامۋ كەزەڭىنە وتكەندە مەملەكەتتىڭ ىشكى جانە سىرتقى ورتاسىندا وزگەرىستەر تۋىلدى. پارتيانىڭ نەگىزگى ساتى ۇيىمىنىڭ قۇرىلۋى دا تىڭ بەلگىسىز فاكتورلارعا ءدوپ كەلدى، بۇل جۇڭگٶ كوممۋنيستىك پارتياسىنىڭ وسىزامانداندىرۋ نىساناسىن جۇزەگە اسىرۋىنا تىڭ سايىس اكەلدى. ارينە سايىس بارىسىندا دا دامۋدىڭ تىڭ ورايى بولادى، جۇڭگٶ كوممۋنيستىك پارتياسى وسىزامانداندىرۋ نىساناسىن جۇزەگە اسىرۋ ءۇشىن جاڭا ورتا مەن وزگەرىستەرگە ساي دامىتۋ ستراتەگياسىن رەتتەۋى، نەگىزگى ساتى پارتيا ۇيىمى قۇرىلىسىن جاپپاي كۇشەيتۋى جانە جاقسارتۋى كەرەك. سوندىقتان، بيلىك باسىنداعى پارتيانىڭ قۇرىلىسى جونىندەگى ماسەلەلەرگە جان – جاقتى، جۇيەلى تۇردە وي جۇگىرتۋ جانە زەرتتەۋ جۇرگىزۋ كەرەك.

    حالىقارالىق جاعدايدىڭ قازىرگى اۋقىمى مەن دامۋى جۇڭگو كوممۋنيستىك پارتياسىنا تىڭ تالاپتار قويىپ وتىر، پارتيامىز يدەيا جاعىندا قاي – قاشاندا قىراعى بولىپ، ءىرىپ – شىرۋدەن ساقتانۋ تاربيەسى قىزمەتىن باتىل ورىستەتىپ، پارتيانىڭ ۇزدىكتىگى مەن كىرشىكسىزدىگىن باستان – اياق ساقتاپ، پارتيانىڭ دامۋ اۋقىمىنا ۇيلەسىپ، جاڭا ءداۋىردىڭ ورايىن مىقتى يگەرىپ، اۋقىمعا قاراي ىستەپ، شار تاراپتى، كوپ قاتپارلى، كەڭ اۋقىمدى سىرتقا ەسىك اشۋ جاعدايىن جاراتىپ، ەلىمىزدىڭ حالىقارالىق مارتەبەسىنىڭ جوعارىلاۋىنا مۇمكىندىك جاساپ، دۇنيەنىڭ بەيبىتشىلىگى مەن شارۋاشىلىعىنىڭ ۇزدىكسىز دامۋىن جەبەۋ كەرەك.

    كەزەكتە پارتيا، مەملەكەت، دۇنيە جاعدايىندا تەرەڭ وزگەرىستەر تولاسسىز تۋىلىپ، بەيبىتشىلىك، دامۋ، ىنتىماقتاستىق ءالى دە دۇنيە ءجۇزىنىڭ نەگىزگى اعىمى بولىپ وتىر. پارتيا 19 – قۇرىلتايىنىڭ بايانداماسىندا جاپپاي سوتسياليستىك وسىزاماندانعان مەملەكەت قۇرىپ شىعۋدىڭ ەكىنشى 100 جىلدىق نىساناسى العا قويىلدى، «قوس 100 جىلدىق» كۇرەس نىساناسىنىڭ تاريحي توعىسۋ تۇيىنىندە سوتسياليستىك جاڭا ءداۋىر پارتيانىڭ قىزمەت ورنالاستىرۋى جونىندە مىناداي تىڭ تالاپتار قويىپ وتىر: ەكى قادامعا ءبولىپ جۇرگىزۋ، وسى عاسىردىڭ ورتاسىندا سوتسياليستىك وسىزاماندانعان قۇدىرەتتى مەملەكەت قۇرىپ شىعۋ نىساناسىن جۇزەگە اسىرۋ. تىڭ تاريحي شارت-جاعداي مەن جاڭا جاعدايدا نەگىزگى ساتى پارتيا ۇيىمى قۇرىلىسى دا تىڭ سايىسقا ءدوپ كەلىپ وتىر، الايدا، سايىس پەن وراي قاتار ءومىر سۇرۋدە، تەك قيىنشىلىقتاردى جەڭگەندە عانا قول جەتكىزەتىندەرىمىز دە قوماقتى بولادى.

جاۋاپتى رەداكتور: گۇلدەن ماقسات قىزى