نەگىزگى ساتى پارتيا ۇيىمى قۇرىلىسىن كۇشەيتۋدىڭ ماڭىزدى ءمانى جونىندە

  • كەلۋ قاينارى: ىلە گازەتى
  • 08:11:30 23/07/2018

جۇڭگو سوتسياليستىك وسىزامانداندىرۋدى جۇزەگە اسىرۋى بارىسىندا پارتيا قۇرىلىسىن كۇشەيتۋ ارقىلى دامۋعا ءتيىمسىز فاكتورلاردى ازايتۋعا بولاتىندىعى دالەلدەندى. عىلمي دامۋ كوزقاراسىن دايەكتى تياناقتاندىرۋدا ءار دارەجەلى پارتيا ۇيىمى پارمەندى قورعان، بارشا پارتيا مۇشەلەرى، اسىرەسە، ءار دارەجەلى پارتيالى باسشى كادرلار جاڭا داۋىردەگى عىلمي دامۋدى دايەكتى تياناقتاندىراتىن تىرەكتى كۇش سانالادى.

    4. پارتيا قۇرىلىسى _ قوعامنىڭ جاراسىمدىلىعى مەن ورنىقتىلىعىن جەبەۋ ءۇشىن پارمەندى باۋراۋ جانە ۇيىستىرۋ قۋاتىن ازىرلەيدى.

    جاراسىمدىلىق پەن ورنىقتىلىق – قوعام دامۋىنىڭ ماڭىزدى شارتى. رەفورما جاساپ، ەسىك اشقاننان بەرگى امالياتتان الىپ قاراساق، جۇڭگو قوعامىنىڭ ورنىقتىلىعى مەن دامۋى پارتيا قۇرىلىسىنىڭ دەمەۋىنەن كەلگەن. جاقىنعى جىلداردان بەرى ەلىمىزدىڭ ەكونوميكاسى مەن قوعامىنىڭ جەدەل دامۋىنان تۋىنداعان قايشىلىقتار مەن ماسەلەلەر ۇزدىكسىز كوبەيىپ، ءار دارەجەلى ۇكىمەتتەردىڭ قوعامنىڭ جاراسىمدىلىعى مەن ورنىقتىلىعىن قورعاۋداعى مىندەتى دە اۋىرلاي ءتۇستى. نەگىزگى ساتى پارتيا ۇيىمىن قۇرۋدى جانە كەمەلدەندىرۋدى جەبەپ، پارتيا ۇيىمىنىڭ حالىققا باقىت جاراتۋ رولىن تولىق ساۋلەلەندىرۋ ءۇشىن، نەگىزگى ساتى ۇيىمىنىڭ قايشىلىعىن شەشۋ كەرەك. شەشۋشى كەزەڭدە پارتيا ۇيىمىنىڭ قۋاتىن ساۋلەلەندىرىپ، سونىمەن بىرگە، رەفورما مەن دامۋدىڭ ورنىقتى جاعدايىن قورعاۋ كەرەك.

    جۇڭگو _ سوتسياليستىك ءىرى ەل. پارتيامىز 90 نەشە جىلدىق جاپالى كۇرەس ارقىلى بۇكىل ەل حالقىن ۇزدىكسىز كۇرەس جاساپ العا باسا بەرۋگە ىنتىماقتاستىرا باستاپ، ەلىمىزدى باي دا قۇدىرەتتى، دەموكراتيالى، العا باسقان، جاراسىمدى، كورىكتى سوتياليستىك وسىزاماندانعان ەل ەتىپ قۇرىپ شىعۋ ءۇشىن ۇزدىكسىز قۇلشىنىستار جاساپ، جۇڭگو ارمانىن جۇزەگە اسىرۋ جولىندا ارشىندى قاداممەن العا ىلگەرىلەپ، جۇڭحۋا ۇلتتارىنىڭ ۇلى گۇلدەنۋى ىستەرى ءۇشىن اناعۇرلىم جارقىن بولاشاق كورسەتىپ بەردى. وسىنداي شۇعىلالى تابىسقا قول جەتكىزۋىمىز _ پارتيا ۇيىمىنىڭ وزىندىك قۇرىلىس ينجەنەرياسىمەن تىعىز قاتىستى بولىپ، نەگىزگى ساتىداعى پارتيا ۇيىمىنىڭ دامۋىنا بەلسەنە ىقپال ەتتى. سوندىقتان باسشىلىق ەتۋ قابىلەتى مەن بيلىك جۇرگىزۋ قابىلەتىن ۇزدىكسىز جوعارىلاتىپ، پارتيانىڭ العا باسارلىعىن، كىرشىكسىزدىگىن ساقتاۋىمىز كەرەك.

جاۋاپتى رەداكتور: گۇلدەن ماقسات قىزى