قىزمەت اترەتى جۇرت تىلەگىن توعىستىردى

  • كەلۋ قاينارى: ىلە گازەتى
  • 08:23:04 23/07/2018

 

    ىلە وبلىستىق تۇرعىن ءۇي الەۋمەتتىك قورىن باسقارۋ مەكەمەسىنەن« حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، جۇرت تىلەگىن توعىستىرۋ» بويىنشا چاپچال اۋدانى قاينۇق اۋىلى توپاعاش قىستاعىنا تۇسكەن قىزمەت اترەتى بۇقارانىڭ مۇددەسىن بارىنەن جوعارى قويىپ، قىزمەتتى تىندىرىمدى ورىستەتتى.

    قىزمەت اترەتىنىڭ باستىعى، توپاعاش قىستاعى پارتيا ياچەيكاسىنىڭ ءبىرىنشى شۋجيى ءنابيجان قانابەك ۇلى قىستاقتا تۇرعان جارتى جىلدا 124 رەت كەدەي وتباسىلاردى ارالاپ، جاعداي ۇعىسىپ، 14 رەت قىستاق تۇرعىندارىنىڭ قيىنشىلىعىن شەشتى. ءوزى ءبىر مىڭ 290 يۋان اقشا شىعارىپ، قيىنشىلىعى اۋىر وتباسىلارعا، وتباسى قيىنشىلىعى بار وقۋشىلارعا كومەكتەستى. ول جۋىردا قىستاقتاعى توقتىقىز اتتى ەگىنشى وتباسىنىڭ ەڭبەككۇشى از بولعاندىقتان ماقسارى جيناۋدا قيىنشىلىققا ۇشىراعانىن بىلگەن سوڭ، قىزمەت اترەتىندەگىلەردى ۇيىمداستىرىپ، ونىڭ 12 مۋ ماقسارىسىن جيناسىپ بەرىپ، العىسىن الدى.

    ول قىزمەت اترەتىندەگىلەرگە: حالىق بۇقاراسىنىڭ قاجەتىنەن شىعىپ، بۇقارانىڭ قامىن ويلاۋ ءاربىر كادردىڭ باس تارتۋعا بولمايتىن مىندەتى. ءبىز ۇلتتاردىڭ ىنتىماعىن، قوعام ورنىقتىلىعىن، باياندى تىنىشتىقتى قورعاپ، بۇقارانىڭ ناقتى قيىنشىلىعىن شەشۋىمىز كەرەك. سوندا عانا پارتيانىڭ تالابىن ورىنداپ، بۇقارانىڭ ءۇمىتىن اقتاپ، جۇرت تىلەگىن توعىستىرا الامىز، - دەگەندى ۇنەمى دارىپتەپ وتىرادى.

    نۇرباقىت قايىمبەك قىزى

جاۋاپتى رەداكتور: گۇلدەن ماقسات قىزى