بىرنەشە ءتۇرلى ەرەكشە جاعدايداعى موتورلى قاتىناس كولىكتەرىنىڭ قاتىناس شىرعالاڭى جاۋاپكەرلىگى جونىندە

  • كەلۋ قاينارى: شينجياڭ زاڭ جانە تۇرمىس گازەتى
  • 09:17:23 24/07/2018

 

    ءجاينا قونان قىزى

 

    قازىرگى تاڭدا ادامداردىڭ تۇرمىس ورەسىنىڭ جوعارىلاۋىنا ىلەسە كۇن سايىن ارتىپ كەلە جاتقان ءوندىرىستىڭ قاجەتىنە ساي ادامداردىڭ موتورلى قاتىناس قۇرالدارىنا بولعان تالابى دا بارعان سايىن ارتىپ، موتورلى كولىكتىڭ سانى دا بارعان سايىن مولايىپ كەلەدى. حالىقتىڭ تۇرمىس ورەسىنىڭ جوعارىلاۋى، تۇرمىستىق قاجەتىن قامتاماسىز ەتە الۋى قۋانارلىق ءجايت بولعانىمەن، ءبىراق قاجەتكە قاراي العان قاتىناس كولىگىن قاعيداعا بۇيسۇنىپ جۇرگىزبەيتىندەر دە جوق ەمەس. بۇل جونىندە ايتىلعان اڭگىمە از ەمەس، راديو - تەلەۆيزور، گازەت - جۋرنالداردا تاقىرىپتىق ماقالالار جاريالانىپ، ارناۋلى ۇگىت تە جۇرگىزىلدى، ەسىتىر قۇلاق بولسا ايتۋدان جالىقپادىق. مەن بۇل ارادا قاتىناس قاعيداسىنا بۇيسۇنۋدى ەمەس قايتا، قاتىناس شىرعالاڭىنان كەيىنگى جاۋاپكەرلىكتى قالاي تۇراقتاندىرۋ ماسەلەسىن ورتاعا قويماقشىمىن.

    موتورلى قاتىناس قۇرالدارىنىڭ قاتىناس شىرعالاڭى جاۋاپكەرلىگى جونىندە توقتالار بولساق، «جۇڭحۋا حالىق رەسپۋبليكاسىنىڭ ۇقىققا سۇعاناقتىق جاساۋ جاۋاپكەرلىگى زاڭىنىڭ» 48- تارماعىندا «موتورلى قاتىناس كولىگى شىرعالاڭ تۋدىرىپ، زيان كەلتىرىپ شىعارسا، جول قاتىناس حاۋپسىزدىك زاڭىنداعى قاتىسىتى بەلگىلەمەلەر بويىنشا تولەم جاۋاپكەرلىگىن ارقالايدى» دەپ انىق بەلگىلەنگەن.

    تومەندە بىرنەشە ءتۇرلى ەرەكشە جاعدايداعى موتورلى قاتىناس كولىكتەرىنىڭ قاتىناس شىرعالاڭى جاۋاپكەرلىگىن قالاي تۇراقتاندىرۋ جونىندە توقتالىپ وتەيىك:

    1. موتورلى قاتىناس قۇرالدارىن مايعا العان نەمەسە سۇراپ الا تۇرعان بولسا، مايعا الۋ، سۇراپ الا تۇرۋ جاعدايلارىندا موتورلى قاتىناس كولىگىنىڭ يەسى مەن كولىكتى جۇرگىزۋشى ۇقساس ءبىر ادام بولماعاندىقتان، قاتىناس شىرعالاڭى تۋىلعاننان كەيىن جاۋاپكەرلىك موتورلى قاتىناس كولىگىندە بولسا، بۇل بارىستا تولەم جاۋاپكەرلىگىن كىم ارقالايدى؟ موتورلى كولىكتىڭ يەسى مە، الدە مايعا الۋشى نەمەسە ىستەتۋشى مە؟

    (1) الدىمەن قامسىزداندىرۋ سەرىكتىگى موتورلى قاتىناس كولىكتەرىنىڭ زورلىقتى قامسىزدانداندىرۋ جاۋاپكەرلىك سوماسى كولەمىندە تولەم بەرەدى.

    (2) جەتپەگەن بولەگىنە موتورلى قاتىناس قۇرالىن پايدالانۋشى تولەم جاۋاپكەرلىگىن ۇستىنە الادى، سەبەبى موتورلى قاتىناس كولىگىنىڭ يەسى سول موتورلى قاتىناس قۇرالى جول جۇرگەن كەزدە باسقالارعا زيان سالعان - سالماعانىنا قاراتا موتورلى قاتىناس كولىكتىڭ يەسى يەمدەنۋ ۇقىعىن جوعالىتادى، مايعا الۋشى، الا تۇرۋشى (ىستەتۋشى) بولۋ سالاۋاتىمەن موتورلى قاتىناس كولىكتەرىن تىكەلەي يەمدەنەدى ءارى ودان يگىلىكتەنەدى.

جاۋاپتى رەداكتور: گۇلدەن ماقسات قىزى