الداپ ەلدى قوندىرعانمەن قولىنا، سوڭىندا ءوزى ءتۇستى زاڭنىڭ تورىنا

  • كەلۋ قاينارى: شينجياڭ زاڭ جانە تۇرمىس گازەتى
  • 09:18:32 24/07/2018

 

    ايبات قاجەتبەك ۇلى

 

    ۇستەگى جىلدىڭ قاڭتار ايىنان باستاپ ىركەس - تىركەس تۋىلعان كوپ رەتكى الدامشىلىق دەلوسى كوپتەگەن بۇقارانى ادال ەڭبەكپەن تىرناشتاپ جيعان اقشاسىنان ايىرىپ، تاقىر جەرگە وتىرعىزدى.

    جەمەنەي اۋداندىق قوعام حاۋىپسىزدىك مەكەمەسى قىلمىستىق ىستەردى بارلاۋ ۇلكەن اترەتى 2018-جىلى قاڭتار ايىندا ارت - ارتىنان ۇيچاتتا الدانعان زياندالۋشىلاردىڭ دەلو مالىمدەۋىن قابىلدادى. زياندالۋشىلاردىڭ بىرەۋى ءوزىن كىنالاپ وپىق جەسە،كەيبىرى الدامشىلاردىڭ قالتاسىنا ءتۇسىپ كەتكەن اقشالارىنىڭ ناۋقاس كورسەتۋگە ىستەتپەكشى بولىپ وتىرعان قارىز سوما ەكەنىن ايتا كەلىپ جانارىن جاسقا شىلاپ جاتتى.

    جەمەنەي اۋداندىق قوعام حاۋىپسىزدىگى مەكەمەسى قىلمىستىق ىستەردى بارلاۋ ۇلكەن اترەتىنىڭ ساقشىلارى قابىلدانعان دەلو مالىمەتتەرىنە زاڭ بويىنشا دەلو تۇرعىزىپ، تەكسەرۋ ورىستەتتى. تەكسەرۋ بارىسىندا قىراعى بارلاۋشىلار ارت - ارتىنان تۇرعىزىلعان بەس رەتكى الدامشىلىق دەلوسىنا ءار قىرىنان كوز جۇگىرتە وتىرىپ، دەلوداعى ورتاقتىقتى بايقاپ، بۇل دەلولارداعى الدامشىلىق ارەكەتىن ۇقساس ءبىر ادام نەمەسە ءبىر الدامشىلىق توبى ىستەپ وتىرعاندىعىن العاشقى ادىمدا تۇراقتاندىرعاننان كەيىن جەمەنەي اۋداندىق قوعام حاۋىپسىزدىگى مەكەمەسى بۇل دەلوعا ەرەكشە ءمان بەرىپ، ارناۋلى دەلو گرۋپپاسىن قۇرىپ، بۇل رەتكى ۇلاسپالى الدامشىلىق دەلوسىنا قاراتا بارلاۋ، تەكسەرۋ قيمىلىن ورىستەتتى.ل ارناۋلى دەلو گرۋپپاسىنىڭ بارلاۋشىلارى تىنباي قۇلشىنىس جاساپ، ءجان - جاقتى بارلاۋ امالدارىن قولدانا وتىرىپ،ەرەن تەحنيكالىق جولدارمەن الدامشىلىققا ىستەتىلگەن ۇيچاتتى پايدالانۋشىنىڭ سالاۋاتىن تەز ارادا انىقتاپ شىقتى. الايدا سالاۋاتى ايقىندالعان بۇل ادام سىرتقى ايماقتىڭ تۇرعىنى بولعاندىقتان،الدامشىىنىڭ وسى ادام ەكەندىگىن ءداپ باسۋ بارلاۋشىلارعا ازىراق قىسىم تۇسىرگەندەي بولسا دا، ەڭ وزىق تەحنيكالارىمەن تولىق قارۋلانعان ساقشىلار توراپتا جان-جاقتى تالداۋ جۇرگىزۋ ارقىلى كۇماندى ۇيچاتتى پايدالانۋشى با xx تىڭ قىلمىس كۇماندىسى ەكەندىگىن تەز ارادا تۇراقتاندىرىپ، بۇكىل مەملەكەت كولەمىندە توراپتا قۋعىنداۋ بۇيرىعىن شىعاردى.

    مەملەكەت جاپپاي زاڭمەن باسقارىلاتىن بۇگىنگى تاڭدا، قانداي ءبىر اككى قىلمىستى بولسا دا، زاڭنىڭ قۇرىعىنان وڭاي قاشىپ قۇتىلسىن با! ارناۋلى دەلو گرۋپپاسىنىڭ ساقشىلارى قىلمىس كۇماندىسىنىڭ قيمىل كولەمىن نەگىزگى ءتۇيىن ەتە قۋعىنداپ، قاتىستى قوعام حاۋىپسزدىگى مەكەمەلەرىنىڭ بارلاۋعا سايكەسۋىندە قىلمىس كۇماندىسى با xx تى قۇلجا قالاسىندا قولعا ءتۇسىردى.

    قىلمىس كۇماندىسى با x تى تەرگەۋ بارىسىندا ول ءوزىنىڭ 2017 -جىلدان باستاپ ۇيچاتتا الدامشىلىق ىستەۋ ويىنا كەلىپ، «تومەن ءوسىمدى بانكە قارىزىن ءبىتىرىپ بەرەمىن، سەنمدىلىك كارتوچكاسىن ءبىتىرىپ بەرەمىن» دەگەن سىلتاۋلارمەن ۇيچاتتا جارناما جاساپ، زيانكەستىككە ۇشىراۋشىلاردىڭ سەنىمىنە يە بولىپ، الدىمەن ولارعا رەسىميات اقىسىن جىبەرىپ بەرۋدى شارت ەتۋ ارقىلى زيانكەستىككە ۇشىراۋشىلاردىڭ اقشاسىن الداپ الىپ، ارام ويىن ىسكە اسىرىپ وتىرعاندىعىن مويىندادى.

جاۋاپتى رەداكتور: گۇلدەن ماقسات قىزى