ماركسيزم سىندى وسى ءبىر وزگەشە قابىلەتتى جەتە ۇيرەنىپ، قانىق يگەرىپ، جاقسى پايدالانايىق

  • كەلۋ قاينارى: ىلە گازەتى
  • 05:10:52 25/07/2018

 

    جۇڭ شۇنحۋ

 

    «ماركسيزم سىندى وسى ءبىر وزگەشە قابىلەتتى جەتە ۇيرەنىپ، قانىق يگەرىپ، جاقسى پايدالانايىق». بۇل شي جينپيڭ جولداستىڭ ماركستىڭ دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسىندا بۇكىل پارتياداعىلارعا قويعان تالابى. جۇڭگوشا سوتسياليزم جاڭا داۋىرگە ءوتتى، پارتيا مۇشەلەرى، كادرلار ماركسيزم سىندى وسى ءبىر وزگەشە قابىلەتتى جەتە ۇيرەنىپ، قانىق يگەرىپ، جاقسى پايدالانعاندا عانا «ءتورت تانىمدى» ۇزدىكسىز كۇشەيتىپ، «ءتورت سەنىمدى» باستان – اياق بەكەمدەپ، قىزمەت ىستەۋ، ءىس ءبىتىرۋ قابىلەتىن اناعۇرلىم جوعارىلاتىپ، جۇڭحۋا ۇلتىنىڭ ۇلى گۇلدەنۋى سىندى بورىشتى ءتىپتى دە جاقسى ارقالاي الادى.

    جەتە ۇيرەنۋدىڭ تەتىگى - دۇرىس ۇيرەنۋ ءادىسىن يگەرۋدە

    جۇڭگو كوممۋنيستىك پارتياسىنىڭ بۇكىل ەل حالقىن ىنتىماقتاستىرا باستاپ، توڭكەرىستىڭ، قۇرىلىستىڭ، رەفورمانىڭ ۇلى جەڭىستەرىنە ۇزدىكسىز قول جەتكىزە الۋىنىڭ ەڭ ماڭىزدى ءتۇيىنى ماركسيزمدى ءوزىنىڭ ارەكەت قىبلاناماسى ەتە العاندىعىندا. ماركسيزم ءبىز كوممۋنيستەردىڭ «تاعىلىماتى». ماركسيزمدى جەتە ۇيرەنۋدىڭ ءتۇيىنى دۇرىس ۇيرەنۋ ءادىسىن يگەرۋدە.

    ءتۇپ نۇسقانى وقۋعا كوڭىل ءبولۋ پارتيانى نازاريالىق جاقتان قارۋلاندىرۋ قىزمەتىندەگى تاماشا ءداستۇر ءارى ماڭىزدى ۇيرەنۋ ءادىسى. ەنگلس بىلاي دەگەن بولاتىن: ءبىر ادام عىلمي ماسەلەلەرگە تالداۋ جاسايمىن دەيدى ەكەن، ەڭ الدىمەن ءوزى پايدالانباق بولعان شىعارمالاردىڭ اۆتورى جازعان ءتۇپ نۇسقاسىن وقۋدى ۇيرەنۋى كەرەك ءارى ءتۇپ نۇسقادا جوق نارسەلەردى وقىماۋى ءتيىس. 2011 – جىلى 5 – ايدا شي جينپيڭ جولداس ج ك پ ورتالىق كوميتەتى پارتيا مەكتەبىندە «باسشى كادرلار ماركسيزمدىك كلاسسيكالىق شىعارمالاردى وقۋعا باسا نازار اۋدارۋى كەرەك» دەگەن تاقىرىپتا كۋرسانتتارعا بايانداما جاساعان كەزدە كوپشىلىكتەن «بار زەيىنىن سالىپ وقۋدى، ءتۇپ نۇسقا بويىنشا وقۋدى، قايتا – قايتا وقۋدى» تالاپ ەتكەن بولاتىن. ج ك پ ورتالىق كوميتەتى پارتيا مەكتەبىنىڭ وقىتۋ باعىتىنىڭ ءبىر تارماعى «ەكىنى نەگىز ەتۋ، ءبىردى كۇشەيتۋ». ياعني وزدىگىنەن ۇيرەنۋدى نەگىز ەتۋ، ءتۇپ نۇسقادان ۇيرەنۋدى نەگىز ەتۋ، ءىس جۇزىندىك ماسەلەلەرگە زەرتتەۋ جۇرگىزۋدى كۇشەيتۋ.

    «ويسىز وقۋ − بەكەر، وقۋسىز وي − قاتەر». ۇيرەنۋ مەن وي جۇگىرتۋ ورگانيكالى تۇتاستىققا يە. جوعارى ساپالى ۇيرەنۋ، ءسوزسىز، وي جۇگىرتۋ قابىلەتىن كورنەكتىلەندىرەتىن ۇيرەنۋ. ماركسيزم ويى شۇلەن نازاريا، پەيىلسىزدىك كورسەتىپ، باسىن باستاپ، اياعىن تاستاپ، شولىپ وتە شىعامىن دەسەڭ، جاتتامپازدىققا سالىنساڭ ونىڭ ىشكى ءمانىن تۇسىنە المايسىڭ، تۇسىنىگىڭ تاياز بولىپ، ىشكەرىلەي تۇسىنۋگە ۇمتىلماساڭ ونىڭ بەتىن دە اشا المايسىڭ. تەك ۇيرەنۋ بارىسىندا ىشكەرىلەي وي جۇگىرتىپ، وي جۇگىرتۋ بارىسىندا تەرەڭدەي ۇيرەنىپ، شىن ءمانىن ۇعىنىپ، اقيقاتىنا بويلاعاندا عانا ماڭىزىن ءتۇسىنىپ، مانىنە كوز جەتكىزە الاسىڭ.

جاۋاپتى رەداكتور: گۇلدەن ماقسات قىزى