چاپچال اۋدانىنىڭ كۇرىش اتىزىندا سىزىلعان «سايىسكەر مىسىق ايۋ» سۋرەتى ساياحاتشىلاردى باۋرادى

  • كەلۋ قاينارى: ىلە گازەتى
  • 04:21:10 26/07/2018

 

    تاياۋدان بەرى چاپچال سىبە اۆتونوميالى اۋدانىنىڭ جەتىسۇمۇن اۋىلىنا بارىپ كۇرىش اتىزىنداعى سۋرەتتى تاماشالاعىسى كەلەتىن ساياحاتشىلاردىڭ قاتارى بارعان سايىن مولايا ءتۇستى.

    بيىكتىگى 30 مەتىر كەلەتىن قاراۋىل ورنىنان تومەنگە كوز سالعان ساياحاتشىلاردىڭ كوزىنە كەڭ كوسىلگەن كۇرىش اتىزىنداعى قارا، كۇلگىن، اق، سارى سياقتى تۇسكە ەنگەن كۇرىش پەن داعدىلى جاسىل كۇرىش اتىزىنان قۇراستىرىلعان «كوكجال» مەن «سايىسكەر مىسىق ايۋ» سۋرەتىنىڭ كەسكىنى ايقىن كورىنىس، قاراماققا اسا حيكىمەتتى، قىزعىلىقتى سەزىلەدى.

    جەتىسۇمۇن اۋىلىنىڭ باستىعى گۋ جياڭۋي تانىستىرىپ: «جاسىل ارمان» كۇرىش اتىزىنداعى سۋرەت شارۋاشىلىعىنان ۇلگى كورسەتۋ بازاسى جەرگىلىكتى ورىننىڭ ەرەكشە كورىنىس ءتۇيىنى. ول 2015–جىلى قۇرىلعان. جالپى يەلەگەن جەر كولەمى 687 مۋ كەلەدى. كۇرىش اتىزىنداعى سۋرەتكە پايدالاناتىن ءتۇستى كۇرىشتى شىن ياڭنان ەنگىزگەن. ءار جىلى جەتىسۇمۇن اۋىلى جەرگىلىكتى مادەنيەت ەرەكشەلىكتەرىمەن ۇشتاستىرىپ ۇقساماعان سۋرەتتەردى جوبالايدى. كورىنىس ءتۇيىنىڭ ەسىك بەلەتىنە ءار ادامعا 20 يۋاننان اقى الادى،–دەدى.

    گۋ جياڭۋيدىڭ ايتۋىنا قاراعاندا، بۇرىن ولار كۇرىش اتىزىنا «چاڭ –ى نىڭ ايعا شىعۋى»، «دۇنيەدەگى 30 شاقىرىمدىق شاپتول گۇلى» سياقتى سۋرەتتەر سالعان. قازىر جاڭا فورماداعى سۋرەتتەر سىزعاننان سىرت وعان قوسا تاعى دا «جەتىسۇمۇن اۋىلىنداعى حالىق ءسىزدى قىزۋ قارسى الادى» دەگەن جازۋدى دا قوسا جازعان. ساياحاتشىلاردىڭ كۇرىش اتىزىن جاپپاي تاماشالاۋىنا كەپىلدىك ەتۋ ءۇشىن كۇرىش اتىزىنىڭ ماڭىنا تاعى بيىكتىكتەگى 30 مەتىرلىك قاراۋىل قۇرىلىسىن سالىپ، ساياحاتشىلار ۇقساماعان بيىكتىكتەن، ۇقساماعان تۇرعىدان كۇرىش اتىزىنداعى سۋرەت كەسكىنىنىڭ جالپى كورىنىسىن تاماشالايتىن بولعان.

    گۋ جياڭۋي: ادەتتەگى جاي كۇرىش ماشينا ارقىلى ەگىلەدى. ال ءتۇستى كۇرىشتى كومپيوتەر ارقىلى جوبالاپ جاساندى سەرىكپەن كۇرىش اتىزىندا ورىن تۇراقتاندىرىپ، سول ولشەم بويىنشا ۇلكەيتكەننەن كەيىن كۇرىش ەگەتىندەر وسى سۋرەتكە نەگىزدەلىپ، سىزىلعان سىزىقتاردى بويلاي مايسا وتىرعىزىپ، ءتۇستى كۇرىش اتىزىن نۇسقالاپ شىعادى،-دەدى.

    كۇرىش اتىزى سۋرەت شارۋاشىلىعىنان ۇلگى كورسەتۋ بازاسى تيجارات قىزمەتىنە جاۋاپتى «لانچيىر» ساياحات اشۋ جاۋاپكەرلىك سەرىكتەستىگىنىڭ باس جوراسى جاۋ جىگاڭ بىلاي دەدى: ءارجىلى 5–ايدا كۇرىش مايساسى جەتىلدىرىلە باستايدى. 6–ايدان باستاپ ەگىلەدى. 7–اي كۇرىش اتىزىن تاماشالايتىن ەڭ جاقسى مەزگىل. تاماشالاۋ مەزگىلى 9–ايعا دەيىن بارادى. جاۋ جىگاڭ: بىلتىر كۇرىش اتىزىنداعى سۋرەت كورىنىس ءتۇيىنى 30 مىڭنان استام ساياحاتشىنى قابىلدادى. ال بيىل اناعۇرلىم مول ساياحاتشىلاردى قابىلدايمىز دەگەن سەنىمىز كۇشتى،–دەدى.

جاۋاپتى رەداكتور: گۇلدەن ماقسات قىزى