پارتيامىزدىڭ جاڭا داۋىردەگى ۇلى ۇندەۋى

  • كەلۋ قاينارى: ىلە گازەتى
  • 07:47:43 28/07/2018

 

    شي جينپيڭ جولداستىڭ «اۋەلگى ماقساتتى ۇمىتپاي، بورىشتى ەستە بەرىك ساقتاۋ» جونىندەگى ماڭىزدى بايىمداۋىن ۇيرەنەيىك

    لي حۇڭفىڭ

 

    شي جينپيڭ جولداس جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن اتاپ ءوتۋ جينالىسىندا بۇكىل پارتياعا «اۋەلگى ماقساتتى ۇمىتپاي، ۇزدىكسىز العا باسايىق» دەگەن ۇلى ۇندەۋدى سالتاناتپەن جاريالادى، سونىمەن بىرگە پارتيا مەن مەملەكەت جۇرگىزىپ وتىرعان ىستەرگە ۇشتاستىرا وتىرىپ، بۇل جونىندە جان – جاقتى بايىمداۋ جاسادى. پارتيانىڭ 19 – قۇرىلتايىندا «اۋەلگى ماقساتتى ۇمىتپاي، بۇرىشتى ەستە بەرىك ساقتاۋ» جينالىستىڭ باستى تاقىرىبى دەڭگەيىنە كوتەرىلدى.

    شي جينپيڭ جولداس بىلاي دەپ اتاپ كورسەتتى: «اۋەلگى ماقساتتى ۇمىتپاعاندا عانا جۇمىستى تىندىرىمدى ىستەۋگە بولادى. جۇڭگو كوممۋنيستەرىنىڭ اۋەلگى ماقساتى جانە بورىشى - جۇڭگو حالقىنا باقىت جاراتۋ، جۇڭحۋا ۇلتىن كوركەيتۋ. وسى اۋەلگى ماقسات جانە بورىش - جۇڭگو كوممۋنيستەرىن ۇزدىكسىز العا باسۋعا جىگەرلەندىرەتىن ءتۇبىرلى قوزعاۋشى كۇش»، «اۋەلگى ماقساتتى ۇمىتپاي، بورىشتى ەستە بەرىك ساقتاۋ» سىندى ماڭىزدى بايىمداۋ قاتپارى قالىڭ تاريحي سەزىمدى، سونى داۋىرلىك سەزىمدى جانە ايبىندى بورىشتىلىق سەزىمدى قامتىعان، پارتيامىز العا قويعان «تاريحتىڭ اينالىم شاماسىنان سەكىرىپ شىعۋ»، «ەكى ءسوزسىز»، «بەيجيڭگە كىرىپ ەمتيحان بەرۋ» سياقتى ماڭىزدى بايىمداۋلارمەن جەلىلەس، تىنىستاس، ول - پارتيامىزدىڭ جاڭا داۋىرگە ارناپ شىعارعان ۇلى ۇندەۋى. ول پارتيامىزدىڭ سيپاتى، ماقساتى، تاريحي تاجىريبەسى جانە تاماشا ءداستۇرى جونىندەگى ۇلى تولعانىستان باستاۋ العان، پارتيامىزدىڭ جاڭا داۋىرگە قادام تاستاپ، جاڭا جورىققا اتتانىپ، جاڭا سايىستى قارسى الۋىنا جاسالعان ستراتەگيالىق اتتانىسقا كەلتىرۋ، ونىڭ ەلەۋلى رەال ماڭىزى جانە تەرەڭ تاريحي ماڭىزى بار.

    اۋەلگى ماقساتتى ۇمىتپاۋ ءۇشىن، پارتيانىڭ تۋىنان جازباۋ كەرەك

    قازان توڭكەرىسىنىڭ زەڭبىرەك ءۇنى جۇڭگوعا ماركسيزم – لەنينيزمدى اكەلدى. ماركسيزمنىڭ جۇڭگوعا تارالۋى جۇڭگو كوممۋنيستىك پارتياسىنىڭ قۇرىلۋىنا ەڭ ماڭىزدى نازاريالىق ازىرلىك جاسادى. ماركسيزمنىڭ جۇڭگودا وسىنداي ۇلى رول اتقارا الۋىنىڭ سەبەبى - جۇڭگونىڭ قوعامىندا مۇنداي سۇرانىس بار. ول جۇڭگو توڭكەرىسىنىڭ امالياتىمەن بايلانىس ورناتتى، ونى جۇڭگو حالقى يگەردى. ءارقانداي يدەيا، ەگەر وبيەكتيۆ امالياتپەن بايلانىس جاساماسا، وعان وبيەكتيۆ ساقتالعان سۇرانىس بولماسا، ونى حالىق بۇقاراسى يگەرمەسە ول قانشا جاقسى بولعانىمەن رول اتقارۋى مۇمكىن ەمەس. اماليات مىنانى ىسپاتتادى: ماركسيزم جۇڭگونىڭ توڭكەرىسىن، قۇرىلىسىن، رەفورماسىن قۇدىرەتتى يدەيالىق قارۋمەن قامدادى، تاريح پەن حالىقتىڭ ماركسيزمدى تاڭداۋى، جۇڭگو كوممۋنيستىك پارتياسىنىڭ ماركسيزمدى ءوز تۋىنا جازۋى - بۇكىلدەي دۇرىس. تۋ - باعىت، تۋ - وبراز. تۋ يرادانى توپتايدى، تۋ كۇشتى ايگىلەيدى. جۇڭگونىڭ توڭكەرىسى، قۇرىلىسى، رەفورماسى ماركسيزمنىڭ جەتەكشىلىگىندە ءبىر ءسات تە قول ۇزە المايدى. جاڭا داۋىردە جاپپاي سوتسياليستىك وسىزاماندانعان قۇدىرەتتى ەل قۇرىپ، جۇڭحۋا ۇلتىنىڭ ۇلى كوركەيۋىن جۇزەگە اسىرۋ ماركسيزمنىڭ جەتەكشىلىگىنەن ءبىر ءسات تە قول ۇزە المايدى. اۋەلگى ماقساتتى ۇمىتپاۋ دەگەنىمىز پارتيامىزدىڭ تۋىن ۇمىتپاۋ دەگەندىك.

جاۋاپتى رەداكتور: گۇلدەن ماقسات قىزى