ارمانداعى تاڭبالى

  • كەلۋ قاينارى: ىلە گازەتى
  • 05:37:39 30/07/2018

 
جايلاۋ تاڭى

    7–ايدىڭ 8–كۇنى كۇننىڭ العاشقى شۇعىلاسى جاسىل پۇلىسپەن كومكەرىلگەن تاڭبالى جايلاۋىنا تۇسكەن كەزدە بۋداقتاعان تۇتىندەر قازاق حالقىنىڭ اپپاق كيىز ۇيلەرىنەن كوتەرىلسە، شۋدالانعان بۇلتتار كوتەرىلگەن كۇنمەن بىرگە تاۋ قويناۋىندا قالىقتاپ، شىرشالى ورمانداردى ارالايدى. شاتتانعان قاس وزەنى پۇلىستەنگەن جايلاۋ توسىنە تارتىلعان جاقۇت بەلدەۋىندەي تولقىندانىپ، ورمان، جايلاۋ، قارلى تاۋ، كول، جارتاستار جىمداسا كوركى كوز سۇرىندىرەتىن اسەم كورىنىس قالىپتاستىرىپ، شالعايدان كوز جىبەرگەندە قيال الەمىندەگى جاننات دۇنيەنى كوز الدىڭىزعا اكەلەدى.

    شىلدە كەزىندەگى تاڭبالى جايلاۋىن ءبىر جىلدىڭ ەڭ كوركەم ماۋسىمى دەپ ايتۋعا بولادى. جايقالعان سارعالداقتار، قۇلپىرعان گۇلدەر، انگە سالعان قۇستار، قار جامىلعان اسقارلار، اقباس شوقىلاردىڭ اق بۇلتتارمەن تىلدەسۋى، اسەم كورىنىسكە تولعان قويناۋلار جان بىتكەندى تاڭداندىرىپ، ءتانتى ەتەدى.

جاۋاپتى رەداكتور: گۇلدەن ماقسات قىزى