نەگىزگى ساتى پارتيا ۇيىمىن كۇشتى جاۋىنگەر قامال ەتىپ قۇرايىق

  • كەلۋ قاينارى: ىلە گازەتى
  • 04:15:35 02/08/2018

 

    لۋ شينفۋ

    مەملەكەتتى جونگە سالىپ، تىنىشتاندىرۋدىڭ ماڭىزدىلىعى نەگىز قالاۋدا. پارتيانى باسقارىپ، پارتيانى جونگە سالۋدا نەگىزگى ساتىنى جاقسى يگەرۋ كەرەك. 97 جىلدان بەرى پارتيامىز نەگىزگى ساتى پارتيا ۇيىمى قۇرىلىسىنا باستان – اياق باسا ءمان بەرىپ كەلدى. پارتيا 19 – قۇرىلتايىنىڭ بايانداماسىندا «پارتيانىڭ نەگىزگى ساتى ۇيىمى پارتيانىڭ لۋشيان، باعىت، ساياساتتارى مەن شەشىم – ورنالاستىرۋلارىنىڭ دايەكتى تياناقتانۋىنا كەپىلدىك ەتەتىن نەگىز» دەپ اتاپ كورسەتىلگەن ءارى نەگىزگى ساتى پارتيا ۇيىمىن پارتيانىڭ قۋاتتامالارىن ۇگىتتەيتىن، پارتيانىڭ ۇيعارىمدارىن دايەكتىلەندىرەتىن، نەگىزگى ساتىنى وڭاۋعا باسشىلىق ەتەتىن، بۇقارانى ىنتىماقتاستىرىپ، اتتانىسقا كەلتىرەتىن، رەفورمانىڭ دامۋىن جەبەيتىن جاۋىنگەر قامال ەتىپ قۇرۋ دارىپتەلدى. جۇڭگوشا سوتسياليزم جاڭا داۋىرگە قادام تاستادى، پارتيامىزدا جاڭا بەينەمەن جاڭا رول اتقارۋى، پارتيانىڭ نەگىزگى ساتى ۇيىمدىق قۇرىلىسى دا تىڭ بەينەمەن تىڭ رول اتقارۋى كەرەك. جاڭا داۋىردە پارتيا قۇرىلىسىنىڭ تىڭ دا ۇلى ينجەنەرياسىن ىلگەرىلەتۋ ءۇشىن پارتيانى جاپپاي قاتاڭ جونگە سالۋدى نەگىزگى ساتىلارعا دەيىن كەڭەيتۋ، نەگىزگى ساتى پارتيا ۇيىمى قۇرىلىسىن كۇشتى جاۋىنگەر قامال ەتىپ قۇرۋ كەرەك.

    نەگىزگى ساتى پارتيا ۇيىمدارىنىڭ ءارى پارتيانىڭ ۇيىمدىق نەگىزى، ءارى پارتيانىڭ قوعامدىق نەگىزگى ساتىداعى جاۋىنگەر قورعانى ەكەندىگىن تەرەڭ جەتە تانۋ كەرەك. «پارتيا پارتيانى باسقارۋ، پارتيانى قاتاڭ جونگە سالۋ» تالابىن دايەكتىلەندىرۋ ءۇشىن «نەگىزگى ساتىنى يگەرۋ، نەگىز قالاۋ» سىندى قىزمەتتى تىڭعىلىقتى ويداعىداي ىستەۋ قاجەت. نەگىزگى ساتى پارتيا ۇيىمى قۇرىلىسىن كۇشەيتۋ، پارتيانى جاپپاي قاتاڭ جونگە سالۋدا ماڭىزدى رول اتقارادى. ويتكەنى پارتيا ىشىندە نەگىزگى ساتى پارتيا ۇيىمى پارتيانىڭ ۇيىمدىق نەگىزى، پارتيانىڭ بۇقارامەن بايلانىس ورناتاتىن كوپىرى جانە دانەكەرى، ول پارتيانىڭ بۇقارامەن بايلانىس ورناتاتىن، بۇقاراعا ۇگىت جۇرگىزەتىن، بۇقارانى ۇيىمداستىراتىن، بۇقارانى ىنتىماقتاستىراتىن جاۋاپكەرلىك ارقالاعان. حالىق بۇقاراسىنىڭ پارتيانى تانيتىن، تۇسىنەتىن تەرەزەسى، پارتيانىڭ بۇقارا اراسىنداعى وبرازىنىڭ ناقتى ايگىلەنۋى؛ پارتيا سىرتىندا نەگىزگى ساتى پارتيا ۇيىمى پارتيانىڭ قوعامدىق نەگىزگى ساتى ۇيىمىنداعى جاۋىنگەر قامالى، پارتيانىڭ باسشىلىعىن جۇزەگە اسىرىپ، پارتيانىڭ مىندەتتەرىن ورىنداۋدىڭ نەگىزى. اماليات نەگىزگى ساتى پارتيا ۇيىمى كۇشتى بولسا پارتيانىڭ نەگىزى مىقتى بولاتىندىعىن دالەلدەدى. پارتيانى جاپپاي قاتاڭ جونگە سالۋدى نەگىزگى ساتى پارتيا ۇيىمى قۇرىلىسىنىڭ تۇتاس بارىسىنا دەيىن تياناقتاندىرعاندا عانا پارتيامىز «قۇرىش سوعۋ ءۇشىن قۇرىشتان دا بەرىك بولۋىڭ كەرەك» دەگەندى جۇزەگە اسىرا الادى. نەگىزگى ساتى پارتيا ۇيىمى قۇرىلىسىنىڭ پارتيانى جاپپاي قاتاڭ جونگە سالۋداعى ماڭىزدى ورنى نەگىزگى ساتى پارتيا ۇيىمدارىنىڭ تۇگەلدەي كۇشتى جاۋىنگەر قامال بولۋىن بەلگىلەيدى. ۇقساماعان سالاداعى نەگىزگى ساتى پارتيا ۇيىمدارىنىڭ مىندەتتەرى دە ۇقسامايدى. دەسە دە جاۋىنگەر قامالدىق رولىن ساۋلەلەندىرۋ وعان قويىلىپ وتىرعان جالپى تالاپ. شي جينپيڭ جولداس بىلاي دەپ باسا دارىپتەگەن: «ءاربىر نەگىزگى ساتى پارتيا ۇيىمى مەن ءاربىر پارتيا مۇشەسىندە كۇشتى ماقسات تانىمى مەن جاۋاپكەرلىك تانىم بولعاندا عانا جاۋىنگەر قامالدىق رولىن، اۆانگارد، ۇلگىلىك رولىن ساۋلەلەندىرە العاندا عانا پارتيامىز كۇشەيە ءتۇسىپ، پارتيانىڭ بيلىك جۇرگىزۋ نەگىزى بولاتتاي بەكەم بولادى».

جاۋاپتى رەداكتور: گۇلدەن ماقسات قىزى