نەگىزگى ساتى پارتيا ۇيىمىن كۇشتى جاۋىنگەر قامال ەتىپ قۇرايىق

  • كەلۋ قاينارى: ىلە گازەتى
  • 04:15:35 02/08/2018

نەگىزگى ساتى پارتيا ۇيىمدارىن جاۋىنگەر قامال ەتىپ قۇرۋ ءۇشىن، اۋەلى ونىڭ ساياسي رولىن كورنەكتىلەندىرىپ، دۇرىس ساياسي بەتالىسقا تاباندى بولىپ، پارتيانىڭ لۋشيان، باعىت–ساياساتتارى مەن شەشىم – ورنالاستىرۋلارىنىڭ نەگىزگى ساتىلاردا تامىر تارتىپ، جەمىس بەرۋىنە كەپىلدىك ەتۋ كەرەك. سونىمەن بىرگە ۇيىمدىق قۋاتىن جوعارىلاتۋدى ماڭىزدى ءتۇيىن ەتە وتىرىپ، نەگىزگى ساتى پارتيا ۇيىمدارىنىڭ پارتيانى باسقارۋ، پارتيانى جونگە سالۋ جاعىنداعى «كەڭشىلدىك، بوشالاڭدىق، جۇمساقتىق» ماسەلەسىن كۇش سالا وڭاۋ كەرەك.

    ماسەلەنى جەتەكشى ەتۋدى كورنەكتىلەندىرىپ، نەگىزگى ساتى پارتيا ۇيىمى قۇرىلىسىنىڭ ءتۇيىنىن ءدال تابۋ كەرەك. شي جينپيڭ جولداس پارتيا ىشىندە ورىن تەۋىپ وتىرعان كورنەكتى قايشىلىقتار مەن ماسەلەلەردى ويداعىداي وڭاۋ كەرەك دەگەندى دارىپتەدى. ماسەلەگە تىكەلەي ءدوپ كەلۋگە باتىلدىق ەتۋ پارتيانىڭ 18 – قۇرىلتايىنان بەرگى پارتيانى قاتاڭ جونگە سالۋداعى كورنەكتى ەرەكشەلىككە اينالدى دەۋگە بولادى. پارتيانىڭ 18 – قۇرىلتايىنان بەرى بۇكىل پارتيا ورتالىق كوميتەتتىڭ تالاپتارىن مۇقيات دايەكتىلەندىرىپ، نەگىزگى ساتىنى يگەرۋ، نەگىز قالاۋ قىزمەتىن جاقسى ىستەپ، نەگىزگى ساتى پارتيا ۇيىمى قۇرىلىسىندا ءۇرتىس تىڭ تابىستاردى قولعا كەلتىردى. ءبىراق نەگىزگى ساتى پارتيا ۇيىمى قۇرىلىسىنا پارتيانى جاپپاي قاتاڭ جونگە سالۋ جونىندەگى تالاپتار بويىنشا قاراعاندا، كەيبىر نەگىزگى ساتى پارتيا ۇيىمدارىندا پارتيانى باسقارۋ، پارتيانى جونگە سالۋدا «كەڭشىلدىك، بوشالاڭدىق، جۇمساقتىق» ماسەلەلەر ءالى دە ورىن تەۋىپ وتىر. سوندىقتان پارتيا 19 – قۇرىلتايىنىڭ بايانداماسىندا «كەيبىر نەگىزگى ساتى پارتيا ۇيىمدارىنداعى السىزدىك، جالعانشىلدىق، ءوزىن شەتكە الۋ ماسەلەسىن كۇش سالا وڭاۋ» باسا دارىپتەلدى. بۇل ماسەلەلەردى وڭاۋدا مىناداي ءۇش ءتۇرلى ورتاق تالاپ بار: ءبىرىنشى، يدەيالىق تاربيە سىندى نەگىزدى يگەرۋ؛ ەكىنشى، ۇيىمدىق تۇرمىس سىندى نەگىزگى فورمانى جاقسى يگەرۋ؛ ءۇشىنشى، باستاماشىلار قوسىن قۇرىلىسى سىندى ءتۇيىندى يگەرۋ كەرەك.

    رەفورما جاساپ، جاڭالىق اشۋدا تاباندى بولىپ، پارتيانى جاپپاي قاتاڭ جونگە سالۋدىڭ نەگىزگى ساتىلارعا دەيىن تياناقتانۋىن ىلگەرىلەتۋ كەرەك. شي جينپيڭ جولداس پارتيانى جاپپاي قاتاڭ جونگە سالۋدا «مۇراگەرلىك ەتۋ مەن جاڭاشىل بولۋداي ەكى نەگىزگى ءتۇيىندى يگەرۋ كەرەك» دەپ باسا دارىپتەگەن بولاتىن. ەلىمىزدىڭ ەكونوميكاسى مەن قوعامىندا جارىققا شىققان تەرەڭ وزگەرىستەرگە ساي نەگىزگى ساتى پارتيا ۇيىمدارى مەن پارتيا مۇشەلەرى قوسىنىندا دا زور وزگەرىستەر بولدى. نەگىزگى ساتىنىڭ پارتيا قۇرىلىسى قىزمەتى، ءسوزسىز، تاماشا داستۇرگە مۇراگەرلىك ەتۋ نەگىزىندە تىڭ ءىس جۇزىندىكتى تابان تىرەر تياناق ەتىپ، مازمۇنى، فورماسى، تۇلعاسى، ءادىسى، ءتاسىلى سياقتى جاقتاردا جاڭاشىل بولۋدى ىلگەرىلەتۋى كەرەك. ايتالىق اۋىل – قىستاقتاردى كوركەيتۋ ستراتەگياسىنىڭ اتقارىلۋىنا ساي اۋىل–قىستاق نەگىزگى ساتى پارتيا ۇيىمدارى كەيبىر تىڭ جاعدايلارعا ءدوپ كەلدى. سوندىقتان اۋىل–قىستاق نەگىزگى ساتى پارتيا ۇيىمدارىن وڭىرلەر مەن اكىمشىلىك ورىندارعا قاراي قۇرۋ نەگىزىندە پارتيا ۇيىمدارىن يكەمدى دە الۋان ءتۇرلى، باسقارۋعا قولايلى ءارى ءونىمدى ەتىپ قۇرۋ فورماسىن بەلسەنە قاراستىرۋ كەرەك.

جاۋاپتى رەداكتور: گۇلدەن ماقسات قىزى