حالىققا شىنايى سۇيىسپەنشىلىك ورناتىپ، القاۋعا بولەندى

  • كەلۋ قاينارى: شينجياڭ گازەتى تورابى
  • 03:06:28 05/08/2018

  

 − اۆتونوميالى رايوندىق ارىز - ارمان مەكەمەسىنىڭ ونسۋ اۋدانى جام قالاشىعى توڭتۇر قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى تۋرالى

 ءتىلشىمىز ميھىرگۇل عوپۇر

 

    وتباسىلارىن ارالاپ، بۇقارانىڭ تالاپ - تىلەگىن شەشتى، قىزمەتتەردى تىڭعىلىقتى ورىستەتتى... قىستاقتا تۇرعاننان بەرى، اۆتونوميالى رايوندىق ارىز - ارمان مەكەمەسىنىڭ ونسۋ اۋدانى جام قالاشىعى توڭتۇر قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى قىستاق تۇرعىندارىن ءوز وتباسىنىڭ ادامدارىنداي كورىپ، شىن نيەتپەن ناقتى ىستەر، يگى ىستەر ىستەپ، قىستاق تۇرعىندارىنىڭ القاۋىن الدى.

    حالىق جاعدايى جونىندەگى كۇندەلىك «دانەكەرىنەن» ويداعىداي پايدالاندى

    قىستاقتا تۇرعاننان باستاپ، قىزمەت اترەتى وتباسىلارىن ارالاۋدى حالىق رايىن يەلەۋ، حالىق جاعدايىن، ەل تىنىسىن ۇعىسۋدىڭ ءبىرىنشى ارناسى ەتۋگە تاباندى بولىپ، حالىق جاعدايى جونىندەگى كۇندەلىك سىندى «دانەكەردەن» ويداعىداي پايدالانىپ، وتباسىلارىن ارالاپ تەكسەرۋ - زەرتتەۋ جۇرگىزۋ، ماسەلەلەردى تالداۋ، ماسەلەلەردى رەتتەۋ - تۇزەتۋ، قايتا ارالاپ ونىمدىلىگىن سۇراۋ سياقتى كەزەڭدىك قىزمەتتەردى جاقسى ىستەدى، حالىق جاعدايى جونىندەگى كۇندەلىككە قىستاق تۇرعىندارىنىڭ ءوندىرىس پەن تۇرمىستا قانداي قيىنشىلىقتار مەن ماسەلەلەرگە جولىققانىن تاپتەشتەي جازىپ، بۇقارانىڭ نەگە ەڭ مۇقتاج ەكەنىن، ەڭ كوكسەيتىنى نە ەكەنىن، ەڭ قينايتىنى نە ەكەنىن ءدال تۇراقتاندىرىپ، بۇقارانىڭ قيىنشىلىعى مەن تالاپ - تىلەگىنىڭ جانە ماسەلەسىنىڭ اشىق ەسەبىن قالىپتاستىرىپ، بۇقارا كوڭىل بولگەن قولامتالى، قيىن ءتۇيىندى ماسەلەلەردى شىن مانىندە شەشتى.

    بۇقارا اڭىس ەتكەن ماسەلەلەر جونىندە، وتباسىلارىن ارالاپ ەستەلىك الۋشى اترەت مۇشەلەرى دەر كەزىندە تالداۋ جاساپ، شەشىلۋ قارقىنىن تولىق قاداعالادى. «شەكتى ۋاقىت ىشىندە ءبىر جاقتى ەتۋ ءادىسىن» تياناقتاندىرىپ، ساياسات كولەمى ىشىندە شەشىلەتىن قيىنشىلىقتاردى، تالاپ - تىلەكتەردى 3 − 5 كۇن ىشىندە شەشتى؛ كوپ تاراۋعا ساياتىن، ءبىر مەزگىلدە شەشۋ قيىنعا سوققان ماسەلەلەر جونىندە، ساياساتتى بايىپپەن ىجداعاتتى تۇردە ءتۇسىندىرىپ، ءبىر جايلى ەتۋ تۋراسىندا تارتىپكە ساي دارەجە بويىنشا ءوتىنىش بەرىپ، ءاربىر ءىستى تياناق تاپتىرىپ، ءاربىر ىسكە جاۋاپ بەردى.

    «قىستاق تۇرعىنى تۇقىز تۇنيازدىڭ ءىنىسى اۋىرىپ، شيپاحانادا جاتىپ ەمدەۋگە قاجەتتى قاراجاتتى شىعارا الماعاندا، قىزمەت اترەتى بارلىق مۇشەنى جانە قىستاق كادرلارىن ۇيىمداستىرىپ، ونىڭ ىنىسىنە 4200 يۋان جىلۋ اتادى ءارى شيپاحاناعا كىرۋ راسمياتىن وتەۋىنە كومەكتەستى»، «قىستاق تۇرعىنى ازەز مامەتتىڭ بەيقۇت ۇيىنە قۇبىر سۋى ءالى جەتكىزىلمەپتى، ءبىز قالاشىقتىڭ سۋ باسقارۋ پۋنكتىمەن سويلەسىپ تياناقتاندىردىق...» 7 - ايدىڭ 29 - كۇنى تۇستە قىزمەت اترەتىنىڭ ورىنباسار باستىعى جى شياۋلين توڭتۇر قىستاعىنداعى بۇقارانىڭ قيىنشىلىق، تالاپ - تىلەك اشىق ەسەبىن الىپ شىقتى. وعان تالاپ - تىلەگى بار ادامداردىڭ ماسەلە ءتىزىمى، جاۋاپكەرشىلىكتى ۇستىنە الۋشى ورىن، جاۋاپتى ادام، شەشۋ ءادىسى، ءبىتىرۋ ۋاقىت شەگى، ءبىتىرۋ جاعدايى، بۇقارانىڭ ريزالىعى جانە ماسەلەنىڭ ءوشىرىلۋ جاعدايى سياقتىلار تاپتەشتەي جازىلىپتى، ءاربىر ماسەلەگە شەشىلۋ قارقىنى بەلگىلەنىپ، ءىس بىتىرىلمەسە، ماسەلەنى وشىرمەي، بۇقارانىڭ تالاپ - تىلەگى مەن قايشىلىق، داۋ - شارلاردىڭ دەر كەزىندە شەشىلۋىنە مۇمكىندىك جاساپتى.

جاۋاپتى رەداكتور: گۇلدەن ماقسات قىزى