جۇمىسكەر قۇلتەمىر تابالدىرىعىمىزدان قاشان اتتايدى

  • كەلۋ قاينارى: ىلە گازەتى
  • 03:37:29 06/08/2018

    حى يۇڭ

    

    تاياۋدا مەملەكەتتىك قۇلتەمىر جاساۋ ورتالىعى شىنياڭ قالاسىندا رەسمي قۇرىلىپ، ىسكە كىرىستى.

    جۋىق جىلداردان بەرى جاساندى زەردە جاڭالىعىنىڭ ۇزدىكسىز ەكونوميكالىق قولداۋعا يە بولۋى ەل ىشىندەگى ءاليبابا، تىڭشۇن، بايدۋ سىندى كوپتەگەن كاسپورىنداردى جاساندى زەردە توڭىرەگىندە ويلاندىرا باستادى. اق ش زەرتتەۋ مالىمەتىنىڭ كورسەتۋىنشە، بولاشاقتاعى 20 جىلدا اق ش –ىنداعى %47 قىزمەت جاساندى زەردە ارقىلى ىستەلەتىن كورىنەدى.

    جاساندى زەردە تەحنيكاسىنىڭ جاڭارۋىنا ىلەسە جۇمىسكەر قۇلتەمىرلەر ادامزات تۇرمىسىنا بارعان سايىن جاقىندادى. زاۆود، زات اينالىمى، شيپاحانالاردان تارتىپ ءۇي شارۋاسىنىڭ دا ۇلكەن قولعاناتىنا اينالىپ ۇلگىردى. قارتتاردى كۇتىمدەۋ قۇلتەمىرى، كۇتۋشى قۇلتەمىر سەكىلدى ۇقساماعان تۇردەگى روبوتتاردىڭ «مەحانيكالى قولعانات» كاتەگورياسىن توقتاۋسىز جاڭارتۋى، «قول مەن ميدىڭ قاتار ىستەتىلۋى» ادامزات تۇرمىسىنا ۇلكەن قولايلىلىق اكەلدى.

    تىڭ جاڭالىق

    ەلىمىزدىڭ جاساندى زەردە قولدانىلمالى سالاسىنىڭ جاسامپازدىقپەن قارقىندى دامۋ شارت – جاعدايى پىسىپ – جەتىلدى. ساندى مالىمەتتىڭ تاڭدانارلىق دارەجەدە ارتۋى جاساندى زەردەنى جەتەرلىك قۋاتپەن قامداپ، مولشەرمەن 2020 – جىلعا بارعاندا ساندى مالىمەت مولشەرى 8.6 زەتابايتكە جەتىپ، تۇتاس جەر شارىنداعى ساندى مالىمەتتىڭ %21 مولشەرىن يەلەيدى دەسەدى. تەرەڭدەي ۇيرەنۋدىڭ العا قويىلۋى مەحانيكالى ۇيرەنۋدىڭ تاياز ەسەپتەۋ شەكتەمەسىن بۇزىپ، دىبىستى پارىقتاۋ، ماعىناسىن ءتۇسىندىرۋ سياقتى نوبايلى ويلاۋ ءتاسىلىن كۇشىنەن قالدىردى. سۋرەت جايمالاۋ اسپابى، توراپتى ءبىر جاقتى ەتۋ اسپابى، ناق مايداندا باعدارلاما جەلىسىن جاساۋ سەكىلدى ارناۋلى شيپتار جارىققا شىعىپ، ينفورماتسيانى ءبىر جاقتى ەتۋ جىلدامدىعى مۇنان بىلايعى جەردە جاساندى زەردە دامۋىنداعى كەدەرگى بولۋدان قالدى.

    ەلىمىزدە جاساندى زەردە تەك تەحنيكالىق جەتىستىك بولىپ قانا قويماي تياناقتىلىعى مەن قولدانىلمالىعى دا ساياسي ورەگە كوتەرىلدى. ج ك پ 19 – قۇرىلتايىندا ينتەرنەت، ءىرى ساندى مالىمەت، جاساندى زەردە جانە ەكونوميكالىق تۇلعالاردىڭ تەرەڭدەي توعىسۋىن ىلگەرىلەتۋ باسا دارىپتەلدى.

    سونداي – اق ەڭبەكپەن شۇعىلداناتىن جان سانىنىڭ ۇزدىكسىز ازايۋى، جان سانىنىڭ قارتتانۋى ەلىمىز ءدوپ كەلىپ وتىرعان قيىن ماسەلەگە اينالدى. ەلىمىز جان سانى وسۋدەن توقىراۋعا بەت الۋدا، جان سانىنىڭ قارتتانۋعا بەت الۋى ەكونوميكاعا اسەر ەتۋدە. ونىڭ ايقىن بەينەسى ەڭبەككۇش قۇنىنىڭ جوعارىلاۋى. مامانداردىڭ پايىمداۋىنشا، مۇنداي جاعدايدا قاراپايىم كۇيدەگى ونەركاسىپتىك تۇلعالار تولاسسىز شابۋىلعا ۇشىرايدى. سوندىقتان دا جۇمىسكەر قۇلتەمىردى تومەن تەحنيكالى، جالاڭ، قايتالامالى قىزمەت ورنىنا پايدالانۋ توتەنشە قاجەتتى. جۇمىسكەر قۇلتەمىر قىزمەت وتەۋ بارىسىن ولشەمدەندىرەدى ءارى جۇمىستىڭ وزىندىك قۇنىن ۇنەمدەيدى. سوندىقتان جۇمىسكەر قۇلتەمىر ٴدال ۋاعىندا پايدا بولدى دەپ ايتۋعا بولادى.

جاۋاپتى رەداكتور: جازيرا بولاتباي قىزى