جەلمەن كوتەرىلگەن اقجال تولقىن

  • كەلۋ قاينارى: ىلە گازەتى
  • 04:22:43 08/08/2018

 

    − پارتيا 19 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى جاپپاي تەرەڭدەتۋدى بۇلجىماستان ىلگەرىلەتكەندىگى جونىندە

    شينحۋا اگەنتتىگىنىڭ تىلشىلەرى حو شياۋگۋاڭ، جاڭ شياۋسۇڭ، لو جىڭگۋاڭ، حۋ حاۋ، لين حۇي

 

    «وتكەن بىرنەشە جىلدا رەفورمادا ۇلكەن تابىستارعا قول جەتتى، جاڭا ساپاردا رەفورمادا ءالى دە زور تابىستارعا قول جەتكىزە الامىز».

    19 - كەزەكتى ورتالىق كوميتەتتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 1 - رەتكى ماجىلىسىندە، باس شۋجي شي جينپيڭ رەفورمانى بۇلجىماستان ىلگەرىلەتۋگە بۇيرىق بەردى.

    نەگىزگى زاڭعا وزگەرىس ەنگىزۋ، پارتيا مەن مەملەكەت قۇرىلىمدارى رەفورماسىن تەرەڭدەتۋ، حايناننىڭ رەفورما مەن ەسىك اشۋدى جاپپاي تەرەڭدەتۋى، شيۇڭ - ان جاڭا رايونىنىڭ قۇرىلىسى، سىرتقا ەسىكتى ايقارا اشۋ، اۋىل - قىستاقتاردى كوركەيتۋ سياقتى ءبىر قىدىرۋ ماڭىزدى رەفورما شارالارى ىركەس - تىركەس جولعا قويىلدى، زەينەتكەرلىك قامسىزداندىرۋ قورىن ورتالىق رەتتەۋ، مەكتەپكە دەيىنگى تاربيە رەفورماسىن تەرەڭدەتۋ سياقتى رەفورمالىق ىزدەنىستەر ىركەس - تىركەس ورىستەتىلدى، ەركىن ساۋدا سىناق رايونى رەفورماسى، قاراۋ - بەكىتۋگە قىزمەت كورسەتۋدى حالىققا قولايلى ەتۋ سياقتى رەفورما شارالارى ىركەس - تىركەس ىلگەرىلەتىلدى...

    پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى رەفورما جاساۋ، ەسىك اشۋ رۋحىن ساۋلەلەندىرىپ، يدەيانى قايتالاي ازات ەتۋدى، رەفورمانى قايتالاي تەرەڭدەتۋدى، قىزمەتتى قايتالاي مىقتى يگەرۋدى ىلگەرىلەتتى، رەفورمانى جاپپاي ىلگەرىلەتۋدىڭ شارالارى ىلگەرىندى - كەيىن اتقارىلىپ، جاڭا جاعداي قارىشتاپ قانات جايدى، جالىن اتقان، ءجىتى قادام تاستالعان رەفورما كورىنىسى جارق ەتىپ كوزگە شالىقتى.

    «رەفورمانىڭ ماڭگى جالعاساتىنىن، توقتامايتىنىن قاشاندا ەسكە بەرىك ساقتاۋ كەرەك»

    − پارتيا 19 - قۇرىلتايىنان بەرى، باس شۋجي شي جينپيڭ تىكەلەي باسشىلىق ەتىپ، تىكەلەي ىلگەرىلەتتى، رەفورمانى جاپپاي تەرەڭدەتۋ بۇرىنعىعا مۇراگەر، كەيىنگىگە بۇيداگەر بولىپ، ۇزدىكسىز العا باسىپ، رەفورما ۇلى ءىسى جاڭا كەزەڭگە قادام تاستادى

    رەفورما قازىرگى تاڭعا جەتكەندە، بەكىم تانىمنان الدەقايدا ماڭىزدى.

    پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە «2020 - جىلعا دەيىن، ماڭىزدى سالالار مەن شەشۋشى بۋىندار رەفورماسىندا شەشۋشى ناتيجەلەرگە قول جەتكىزۋ» نىساناسى العا قويىلدى، قازىرگە دەيىن جارتىسىنان استامى ورىندالدى.

    كىلتەڭ ساتتە تەرەڭ اعىمدارعا بويلاپ، قيىندىقتان قامال الىپ، رەفورما رۋحىن ءتىپتى دە جالىن اتتىردى.

جاۋاپتى رەداكتور: گۇلدەن ماقسات قىزى