جەلمەن كوتەرىلگەن اقجال تولقىن

  • كەلۋ قاينارى: ىلە گازەتى
  • 04:22:43 08/08/2018

    جاڭا تاريحي باستامادا «قوس 100 جىلدىق» كۇرەس نىساناسىنا سايكەس، باس شۋجي شي جينپيڭ پارتيا 19 - قۇرىلتايىندا، پارتيا مەن مەملەكەت ىستەرى دامۋىنىڭ جاڭا تالاپتارىن ارقاۋ ەتە وتىرىپ رەفورمانى جاپپاي تەرەڭدەتۋ جونىندە ستراتەگيالىق ورنالاستىرۋ جاساپ، جۇڭگو رەفورماسىنىڭ مىڭ بوياۋلى جاڭا پاراعىن اشتى:

    رەفورما بەكىمى ونان ارى نىعايدى. پارتيا 19 - قۇرىلتايىندا جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ۇزبەي ىلگەرىلەتۋ قايتالاي دارىپتەلىپ، «رەفورمانى جاپپاي تەرەڭدەتۋ» جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىنا ەنگىزىلىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى مازمۇنى ەكەندىگى ايقىندالدى.

    رەفورما يدەياسى ونان ارى ايقىندالدى. پارتيا 19 - قۇرىلتايىندا وتكەن 5 جىلداعى تاريحي وزگەرىستەر قورىتىندىلانىپ، رەفورمانى جاپپاي تەرەڭدەتۋدە قول جەتكەن ەلەۋلى جەتىستىكتەر جونىندە شوعىرلى تۇسىنىك جاسالدى. رەفورمانى جاپپاي تەرەڭدەتۋدە قول جەتكەن ەڭ ءتۇبىرلى ناتيجە رەتىندە، رەفورما امالياتىن ىلگەرىلەتۋ نەگىزىندە قالىپتاسقان باس شۋجي شي جينپيڭنىڭ رەفورمانى جاپپاي تەرەڭدەتۋگە قاتىستى ءبىر قىدىرۋ ماڭىزدى يدەيالارى رەفورمانى جاپپاي تەرەڭدەتۋدىڭ ۇتىمدى جاعدايدا بيىككە ورلەپ، قيىنشىلىقتاردى جەڭۋىنە جەتەكشىلىك ەتتى.

    رەفورمانىڭ باعىتى ونان ارى انىقتالدى. قامداۋ جۇيەسىنىڭ ساپاسىن جوعارىلاتۋ نەگىزگى شەپ بۇزۋ باعىتى ەتىلىپ، قامداۋ جاعىنداعى قۇرىلىمدىق رەفورما تەرەڭدەتىلەدى؛ جەردى 2 - كەزەكتى كوتەرمەگە العان ۋاقىت تولعاننان كەيىن تاعى 30 جىل ۇزارتىلىپ، اۋىل - قىستاقتاردىڭ جەر ءتۇزىمى رەفورماسى تەرەڭدەتىلەدى؛ جۇيەلى فينانس قاتەرى تۋىلماۋدىڭ تومەنگى شەگى ساقتالىپ، فينانس ءتۇزىلىسى رەفورماسى تەرەڭدەتىلەدى... پارتيانىڭ 19 - قۇرىلتايىندا ماڭىزدى سالالار مەن شەشۋشى بۋىندارداعى رەفورما جونىندە ورنالاستىرۋ جاسالدى.

    رەفورمانىڭ قادامى ونان ارى نىعايدى. وسى زامانعى ەكونوميكالىق جۇيە قۇرۋ، جاڭاشىل مەملەكەت قۇرۋ، مەملەكەت يەلىگىندەگى مال - مۇلىك پەن مەملەكەتتىك كاسىپورىندار رەفورماسىن تەرەڭدەتۋ، اۋىل - قىستاقتاردى كوركەيتۋ ستراتەگياسىن اتقارۋ، جاپپاي ەسىك اشۋدى ىلگەرىلەتۋ، سوتسياليستىك دەموكراتيالىق ساياسيدى دامىتۋ، مەملەكەتتى زاڭمەن جونگە سالۋ امالياتىن تەرەڭدەتۋ، سوتسياليستىك مادەنيەتتى گۇلدەندىرۋ، حالىق تۇرمىسىن قامتاماسىز ەتۋ جانە جاقسارتۋ، كورىكتى جۇڭگو قۇرۋ، پارتيانى جاپپاي قاتاڭ جونگە سالۋ سياقتى جاقتاردا، پارتيا 19 - قۇرىلتايىنىڭ بايانداماسىندا 158 ءتۇرلى رەفورما شاراسى العا قويىلدى.

    رەفورما، جۇڭگو كوممۋنيستىك پارتياسىنىڭ وسى ءبىر ايقىن تۋى مەن قازىرگى جۇڭگونىڭ داۋىرلىك ەرەكشەلىگى ونان ارى ايشىقتالا ءتۇستى.

    پارتيا 19 - قۇرىلتايىنان بەرى، باس شۋجي شي جينپيڭ بۇرىنعىسىنان تانباي، رەفورما دەيتىن ءىرى ءىستى قولىنا مىقتاپ ۇستاپ، ماڭىزدى رەفورمالارعا تىكەلەي ورنالاستىرۋ جاساپ، ماڭىزدى رەفورما جوبالارىن تىكەلەي يگەرىپ، رەفورمانىڭ تياناقتانۋ جاعدايىن تىكەلەي سۇراستىرىپ، حالىققا ءوزى باستاماشى بولىپ، ولاردى قاجىرلىلىقپەن جۇمىسقا سالىپ، باس بولىپ ونەگە كورسەتىپ، رەفورمانى جاپپاي تەرەڭدەتۋدە جاڭا جاعداي اشۋعا جەتەكشىلىك ەتتى.

جاۋاپتى رەداكتور: گۇلدەن ماقسات قىزى