جەلمەن كوتەرىلگەن اقجال تولقىن

  • كەلۋ قاينارى: ىلە گازەتى
  • 04:22:43 08/08/2018

    رەفورمانىڭ ۇرىعى كوبىنەسە نەگىزگى ساتىنىڭ امالياتىندا وركەن جايادى. جەر - جەرگە، سالالارعا قايتا - قايتا ىشكەرىلەي زەرتتەۋ، تەكسەرۋ جۇرگىزۋ بارىسىندا، رەفورما تۋرالى تولعانىس ونان ارى تولىسا ءتۇستى.

    قالىڭ قار كەزىندە، حۋايحاي ەكونوميكالىق رايونىنىڭ ورتالىق قالاسى شۇيجوۋدىڭ سۋى مولدىرەپ، اسپانى جادىراپ، كۇن شۇلەن شۋاعىن توگىپ تۇردى.

    پارتيا 19 - قۇرىلتايى جابىلىپ ءبىر ايدان كەيىن، باس شۋجي شي جينپيڭ العاش رەت جەرگىلىكتى ورىندا تەكسەرۋ - زەرتتەۋ جۇرگىزگەندە، تۇڭعىش بەكەتتە جياڭسۋدىڭ شۇيجوۋىنا باردى.

    «مەملەكەتتىك كاسىپورىندار قامداۋ جاعىنداعى قۇرىلىمدىق رەفورمانى تەرەڭدەتۋدىڭ ومىرشەڭ كۇشىنە اينالۋى كەرەك»، «بايلىعى تاۋسىلعان وڭىرلەردىڭ ەكونوميكاسىنىڭ تيبىن وزگەرتىپ دامىتۋ − ۇلكەن جۇمىس»، «اۋىل - قىستاقتاردى كوركەيتۋ ستراتەگياسىن اتقارعاندا، زاتتىق وركەنيەت پەن رۋحاني وركەنيەتتى بىردەي ۇستاۋ كەرەك»... ناقتى ەكونوميكانى دامىتۋدان بايلىق تۇرىندەگى قالالاردىڭ تيبىن وزگەرتىپ دامىتۋعا، ونان اۋىل - قىستاقتاردى كوركەيتۋگە دەيىن، باس شۋجي شي جينپيڭ رەفورمانى جاپپاي تەرەڭدەتۋدىڭ ماڭىزدى تۇيىندەرىن اشالاپ كورسەتتى.

    تەك باسقالار جۇرمەگەن جولمەن جۇرۋگە جۇرەكتىلىك ەتكەندە عانا، وزگەشە كورىنىسكە كوز جەتكىزۋگە بولادى. جياڭسۋدان حاينانعا، حۋبەيدەن شاندۇڭعا دەيىن، باس شۋجي شي جينپيڭ رەفورما جولىن ىزدەپ، رەفورما تانىمىن كۇشەيتىپ، رەفورماعا كۇش جۇمىلدىردى.

    4 - ايداعى حاينان، تىرشىلىك وتى مازداپ تۇر.

    بو - اۋ لىچىڭ حالىقارالىق ەمدەۋدى، ساياحاتتى الدىمەن ورىستەتۋ رايونىنىڭ جوسپار سارايىنا كەلىپ، ەرەن كۇرىش كورمە اتىزىن ارالاپ، عىلىم - تەحنيكادا جاڭالىق اشۋدىڭ جاڭا جاعدايىن ۇعىسىپ، ينفورماتسيالاندىرۋ قۇرىلىسىنا كوڭىل ءبولىپ، ەكونوميكالىق ەرەكشە رايوندى جاقسى قۇرۋعا ايقىن تالاپتار قويىپ، حايناننىڭ رەفورمانى، ەسىك اشۋدى جاپپاي تەرەڭدەتۋى جونىندە كەلەلى ورنالاستىرۋ جاسادى... باس شۋجي شي جينپيڭ جاڭا داۋىردەگى رەفورما جاساۋ، ەسىك اشۋدىڭ قايتالاي جول الۋىنا العا باسۋ باعىتىن نۇسقادى.

    جاز باسىنداعى چيلۋ دالاسى، تابيعات تۇرلەنگەن شاق.

    الەۋمەتتىك اۋماقتى، كاسىپورىندى، اۋىل - قىستاقتاردى ارالاپ، تەڭىز - مۇحيت عىلىم - تەحنيكاسىندا جاڭالىق اشۋدىڭ اياق الىسىن ۇعىسىپ، ەكولوگيانى جاپپاي جونگە سالۋدىڭ جاڭا بەينەسىن بارلاپ، كاسىپورىنداردىڭ السىزدەن قۇدىرەتتەنۋگە دەيىنگى بارىسىن تىڭداپ، جاڭا - كونە قوزعاۋشى قۋاتتاردىڭ اۋىسۋىن جەدەلدەتۋدى تىلگە تيەك ەتتى... باس شۋجي شي جينپيڭ جاڭا دامۋ ۇستانىمىن تىڭعىلىقتى تياناقتاندىرىپ، جوعارى ساپالى دامۋدى ىلگەرىلەتۋگە ماڭىزدى نەگىز ۇسىندى.

جاۋاپتى رەداكتور: گۇلدەن ماقسات قىزى