يدەيانى ازات ەتۋدە ماسەلەنى نىشان ەتۋگە تاباندى بولۋدى ماڭىزدى ورىنعا قويۋ كەرەك

  • كەلۋ قاينارى: ىلە گازەتى
  • 04:12:33 13/08/2018

    بەيجيڭ قالالىق شي جينپيڭنىڭ جاڭا ءداۋىر جۇڭگوشا سوتسياليزم يدەياسىن زەرتتەۋ ورتالىعى

    

    40 جىلدىڭ الدىندا جۇڭگونىڭ بايتاق وڭىرىندە اقيقاتتىڭ ولشەمى ماسەلەسى جونىندەگى زور تالقى دابىرالى ورىستەتىلدى. ول «ەكى ايتەۋىردىڭ» قاتتى شىرماۋىن تالقانداپ، مەملەكەت كولەمىندەگى يدەيانى ازات ەتۋ قوزعالىسىن جەبەپ، پارتيامىزدىڭ ماركسيزمدىك يدەيالىق لۋشياندى قايتالاپ تۇراقتاندىرۋىنا نازاريالىق نەگىز قالادى. 40 جىلدان بەرى جۇڭگو كوممۋنيستىك پارتياسى بۇكىل ەل حالىقتى باستاپ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىن جۇرگىزۋ بارىسىندا يدەيانى ازات ەتۋدى قاشان دا توقتاتقان ەمەس. بۇگىنگى تاڭدا جۇڭگوشا سوتسياليزم جاڭا داۋىرگە قادام تاستاعان تۇستا يدەيانى ازات ەتۋ ءالى دە ءبىزدىڭ ۇزدىكسىز العا باسۋىمىزداعى كەرەمەت اسىلىمىز، سونىمەن بىرگە، يدەيانى ازات ەتۋ تىڭ مازمۇنعا، مىندەتكە جانە تالاپقا يە بولدى. جاڭا داۋىردە يدەيانى ازات ەتۋدە ماسەلەنى نىشان ەتۋگە تاباندى بولۋدى باستى ورىنعا قويىپ، جاپپاي دوڭگەلەك داۋلەتتى قوعام ورناتۋ، جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋ بارىسىنداعى ەلەۋلى ماسەلەلەردى ويداعىداي شەشۋ كەرەك.

    ماسەلەنى نىشان ەتۋگە تاباندى بولۋ - جاڭا داۋىردە يدەيانى ازات ەتۋدىڭ تابيعي تالابى

    ادامزات قوعامىنىڭ العا باسۋ بارىسى، اتاپ ايتقاندا ماسەلەنى ۇزدىكسىز بايقاۋ، شەشۋ بارىسى بولىپ تابىلادى. ماسەلەنى بايقاۋدان ماسەلەنى شەشۋ ارالىعىنداعى بۋىن تانىم ماسەلەسى سانالادى. يدەيانى ازات ەتىپ، شىندىقتى ءىس جۇزىنەن ىزدەگەندە عانا ماسەلەنى دۇرىس تانىپ، ماسەلەنى شەشۋدىڭ جاۋابىن تابۋعا بولادى. بايقاۋ، تانۋ، شەشۋ ماسەلەدەن قول ۇزەتىن بولسا يدەيانى ازات ەتۋ دەگەنىمىز ءوزىنىڭ بارلىق مانىنەن ايىرىلادى.

    سوتسياليزمنىڭ دامۋ تاريحىندا ءارقانداي ءبىر رەتكى يدەيانىڭ ەلەۋلى ازات ەتىلۋى اتىمەن ماسەلەنى زەرتتەۋدىڭ تابىسى، سونداي – اق ماسەلەنى دۇرىس شەشۋدىڭ بەتاشارى. ايتالىق 170 جىلدىڭ الدىندا «كوممۋنيستىك پارتيا جارناماسىنىڭ» دۇنيەگە كەلۋى عىلمي سوتسياليزم نازارياسىنىڭ جارىققا شىعۋىنىڭ بەلگىسى. اتالعان ادامزات تاريحىندا بۇرىن بولىپ كورىلمەگەن يدەيانى ازات ەتۋ كاپيتاليستىك قوعامداعى قوعامدىق وندىرگىش كۇش پەن وندىرىستىك قاتىناس، ەكونوميكالىق بازيس پەن قوندىرمانىڭ نەگىزگى قايشىلىعى كۇن ساناپ ۋشىققاندىعى سىندى رەال ماسەلەنى تانۋ جانە شەشۋدەن تىكە كەلدى. تاعى ءبىر مىسال اپين سوعىسىنان كەيىن جۇڭحۋا ۇلتىنىڭ وتاندى جويىلۋدان قالاي قۇتقارىپ قالۋى، كوركەيۋدى جۇزەگە اسىرۋ - جۇڭگو حالقى تاپ بولعان ەڭ ۇلكەن ماسەلە بولدى، وسى اسا ەلەۋلى ماسەلەنى شەشۋدى كوزدە ۇستاپ، جۇڭگو كوممۋنيستەرى كىتاپپازدىقتى جويىپ، يدەيانى ازات ەتۋدە تاباندى بولىپ، ماركسيزمنىڭ نەگىزگى قاعيداسىن جۇڭگو توڭكەرىسىنىڭ ناقتى امالياتىمەن ۇشتاستىرىپ، ماۋ زىدۇڭ يدەياسىن قالىپتاستىرىپ، جۇڭگونى ۇلتتىڭ تاۋەلسىزدىگىنە، حالىقتىڭ ازاتتىعىنا باستاپ، جاڭا دەموكراتيالىق توڭكەرىستىڭ ۇلى جەڭىسىنە قول جەتكىزىپ، سوتسياليستىك جاڭا جۇڭگونى قۇردى.

جاۋاپتى رەداكتور: جازيرا بولاتباي قىزى