عيمارات سالىپ، تۇرعىنداردىڭ كاسىپ اشۋىنا قولايلىق جاراتتى

  • كەلۋ قاينارى: ىلە گازەتى
  • 03:43:32 14/08/2018

 

 

   تەكەس اۋدانى قاراتوعاي قالاشىعىنىڭ تۇرعىنى ءابدۋالي كامالدىن ۇلى وتكەن جىلى ءوز جانىنان 500 مىڭ يۋاننان استام قارجى شىعارىپ، قالاشىقتىڭ كاسىپتەنۋگە ارنالعان بازارىنىڭ كوشە بويىنان ەكى قاباتتى، 9 بولمەلى، جالپى كولەمى 420 شارشى مەتر كەلەتىن شاعىن ساۋدا عيماراتىن سالادى. بيىل كوكتەمنەن باستاپ ول قىستاقتارداعى مالشى پەرزەنتتەرىنىڭ بازارعا كەلىپ، ءتۇرلى كاسىپتەرمەن شۇعىلدانۋىنا قولايلىلىق جاساۋدى ويلاستىرىپ، بۇل عيماراتتىڭ ءبىر بولمەسىن قولىنداعى بالاسى مەن كەلىنىنىڭ اجارلاندىرۋ كاسىبىن ىستەۋىنە قالدىرىپ، قالعان 6 بولمەنى مالشى بالالارىنىڭ كاسىپتەنۋى ءۇشىن بازار باعاسىنان %30 تومەن باعادا مايعا بەرىپتى. قازىر 6 مالشى وتباسىنىڭ جۇمىس كۇتكەن پەرزەنتتەرى وسى ورىندا كيىم - كەشەك ساۋداسى، شاشتاراز سياقتى جۇمىستاردى ىستەپ جاتىپتى.

    ءابدۋاليدىڭ ايتۋىنشا بۇل عيماراتتىڭ قالعان ەكى بولمەسىن كاسىپتەنىپ كەدەيلىكتەن قۇتىلۋعا تالپىنىس جاسايتىن، ەرەكشە قيىنشىلىعى بار قىستاق تۇرعىندارى بولسا، بىرنەشە جىل كاسىپ اشۋىنا تەگىن بەرۋدى دە ويلاسىپ وتىر ەكەن.

    سۋرەتتە: ءابدۋالي ( وڭدا) ءوزى سالدىرعان ساۋدا عيماراتىنىڭ الدىندا.

    باقىتبەك ءجۇمادىل ۇلى

جاۋاپتى رەداكتور: جازيرا بولاتباي قىزى