ەرەكشە ترانسفورماتور سەرىكتەستىگى: جۇڭگونىڭ جاساۋ - جابدىقتاۋ كاسىبىنىڭ جارقىراعان تانىسقىسىن سومدادى

  • كەلۋ قاينارى: شينجياڭ گازەتى تورابى
  • 03:59:42 20/08/2018

    ءتىلشىمىز گاي يوۋجۇن، سانجى تىلشىلەر پۋنكتىنەن ليۋ شي

 

    8 - ايدىڭ 9 - كۇنى ەرەكشە ترانسفورماتور ەلەكتر شەكتى جارنا سەرىكتەستىگى (قىسقاشا ەرەكشە ترانسفورماتور سەرىكتەستىگى) شينجياڭ ترانسفورماتور زاۆودى اسقىن جوعارى كەرنەۋلى ءوندىرىس ورتالىعىنىڭ زاۆود ۇيىندە، وراسان زور ترانسفورماتوردىڭ ۇساق بولشەكتەرى رەت - رەتىمەن تىزىلگەن، جۇمىسشىلار ءتارتىپتى تۇردە وندىرىسپەن، قۇراستىرۋمەن شۇعىلدانۋدا.

    «ءبىر بەلدەۋ، ءبىر جول» باستاماسى العا قويىلعان 5 جىلدان بەرى، جۇڭگو كاسىپورىندارىنىڭ «سىرتقا شىعۋىنداعى» كوشباسشىلاردىڭ ءبىرى رەتىندە، ەرەكشە ترانسفورماتور سەرىكتەستىگى شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونىن قۇرۋ ورايىن مىقتاپ يگەرىپ، دامۋدىڭ جاڭا كەڭىستىكتەرىن ۇزدىكسىز اشىپ، جۇڭگونىڭ تانىسقىسىن سومداپ، دۇنيە جۇزىمەن تەرەڭدەي توعىستى.

    سەرىكتەستىكتىڭ جۇمىستارى 70 نەشە مەملەكەت پەن رايونعا تارالدى

    تاجىكستاننىڭ استاناسى دۋشانبەدەگى ەرەكشە ترانسفورماتور سەرىكتەستىگى قۇرىلىس جۇرگىزۋگە جاۋاپتى بولعان جىلۋ ەلەكتر ستانسياسىنىڭ جالپى اگراگات سيىمدىلىعى 400 مەگاۆاتقا، جىلدىق ەلەكتر شىعارۋ مولشەرى 2 ميلليارد 200 ميلليون كيلوۆات - ساعاتقا جەتەدى، 4 ميلليون 300 مىڭ شارشى مەتر اۋماقتى جىلۋمەن قامدايدى، دۋشانبە وڭىرىندەگى 700 مىڭنان استام تۇرعىننىڭ قىس مەزگىلىندەگى ەلەكتر قۋاتى مەن جىلۋعا سۇرانىسىنىڭ كوپشىلىك بولەگىن قامتاماسىز ەتە الادى.  تاجىكستاننىڭ «تاۋلى مەملەكەت» دەگەن اتى بار، تەرريتورياسىنىڭ %93ى تاۋلى ءوڭىر، ەلەكتر نەگىزدىك قۇرىلعىلارى ءبىرشاما مەشەۋ.

    وسىنداي ورتادا ەلەكتر جەلىسىن تارتۋدىڭ بۇكىل دۇنيە جۇزىندە مىسالى بولماعان. ەرەكشە ترانسفورماتور سەرىكتەستىگى نە ءبارى 18 ايدا، تاجىكستان حالقىنا وسى ەلدىڭ قازىرگە دەيىنگى قۇرىلىس كولەمى ەڭ ۇلكەن، قۇرىلىس تيىمدىلىگى ەڭ جوعارى، تەحنيكالىق ولشەمى حالىقارا بويىنشا ۇزدىك، قورشاعان ورتانى قورعاۋ دەڭگەيى الەم بويىنشا الدا تۇراتىن وسىزاماندانعان جىلۋ ەلەكتر ستانسياسىن تابىستاپ، تاجىكستان استاناسىن 20 جىلدان بەرى مازالاپ كەلگەن قىستا ەلەكترمەن، جىلۋمەن قامداۋعا شەك قويۋ سياقتى ماسەلەلەردى شەشىپ، استانانىڭ جىلۋمەن قامداۋ مولشەرىن 2.3 ەسە ارتتىردى.

    ەرەكشە ترانسفورماتور سەرىكتەستىگى قۇرىلىس جۇرگىزۋگە جاۋاپتى بولعان قىرعىزستان «داتقا - كەمين 500 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىندا» 2015 - جىلى 8 - ايدىڭ 28 - كۇنى تۇتاس جەلى بويىنشا قۇرىلىس اياقتاپ، وسى ەلدىڭ وڭتۇستىك - سولتۇستىك ەلەكتر قۋاتىنىڭ كۇرە تامىرىن اشتى، وسى سەبەپتى قىرعىزستان زۇڭتۇڭى ەرەكشە ترانسفورماتور سەرىكتەستىگىنە وسى ەلدىڭ ەڭ جوعارى قۇرمەت وردەنى − داڭق وردەنىن بەردى.

    بۇل ەرەكشە ترانسفورماتور سەرىكتەستىگىنىڭ «سىرتقا شىعۋداعى» شاعىن كورىنىسى عانا.

    حالىقارالانۋ اياق الىسىندا، ەرەكشە ترانسفورماتور سەرىكتەستىگى «ءبىر بەلدەۋ، ءبىر جول» باستاماسىن بەلسەندىلىكپەن امالياتتا ايگىلەپ، ەلەكتر جەتكىزۋ، كەرنەۋ وزگەرتۋ سالاسىندا دەربەس زەرتتەپ جاساعان دۇنيە ءجۇزى بويىنشا ۇزدىك ونىمدەرىنىڭ تەحنيكالىق ارتىقشىلىعىنا سۇيەنىپ، «شينجياڭ جاساۋ كاسىبىنىڭ» «جۇڭگونى جابدىقتاۋدان» «دۇنيە ءجۇزىن جابدىقتاۋعا» جول الۋىنا مۇمكىندىك تۋدىردى، قازىر سەرىكتەستىكتىڭ كاسىبى الەمنىڭ 70 نەشە مەملەكەتى مەن رايونىنا تارالدى.

جاۋاپتى رەداكتور: جازيرا بولاتباي قىزى