بازار سۇرانىسىن جەتەكشى ەتكەن بازاردىڭ باعا بەلگىلەۋ مەحانيزمى نەگىزىنەن ورنادى

  • كەلۋ قاينارى: شينجياڭ گازەتى تورابى
  • 15:16:25 22/08/2018

 

ماقتا باعاسى رەفورماسى شينجياڭنىڭ ماقتا ساپاسىنىڭ ورنىقتى جوعارىلاۋىنا جەتەكشىلىك ەتتى

 

    ءتىلشىمىز شى شين 8 - ايدىڭ 19 - كۇنى ۇرىمجىدەن حابارلايدى. 8 - ايدىڭ ورتا شەنى، ماقتا قاۋاشاعىنىڭ ۇلعاياتىن مەزگىلى، سانجى قالاسى لاۋلۇڭحى اۋىل شارۋاشىلىعى باقشاسى ەگىس الاڭىنىڭ قوجايىنى ما چۇنفىڭ ايرىقشا كوڭىلدى، ول بىلتىر ماقتانىڭ ءار مۋىنان 430 كيلوگرام ءونىم الىپ، ءار مۋ جەردەن تاباتىن كىرىسى 200 يۋانعا جۋىق ارتتى، بيىل دا ماقتانىڭ ءونىمى جاقسى بولاتىن كورىنەدى.

    3 جىل ءتۇيىندى سىناق ەتۋ جانە ءبىر جىل رەفورمانى تەرەڭدەتۋدىڭ ارقاسىندا شينجياڭ ماقتاسىنىڭ نىسانالىق باعا رەفورماسى كورنەكتى ناتيجەگە قول جەتكىزدى، بازار سۇرانىسىن جەتەكشى ەتكەن بازاردىڭ باعا بەلگىلەۋ مەحانيزمى نەگىزىنەن ورناپ، ەل ءىشى - سىرتىنداعى ماقتا بازارىنىڭ باعا پارقى كورنەكتى ازايىپ، شارۋالاردىڭ مۇددەسى ءونىمدى قامتاماسىز ەتىلدى، اۋىل شارۋاشىلىعىنىڭ ەگىمشىلىك قۇرىلىمى اناعۇرلىم ساپالىلانىپ، بازار مەحانيزمىنىڭ رولى ساۋلەلەنىپ، بازاردىڭ باسەكەلىك قۋاتى بىرتىندەپ كۇشەيىپ، ماقتانىڭ تۇتاس ءوندىرىس تىزبەگى جاپپاي جاندانىپ، شينجياڭنىڭ ماقتا كاسىبىنىڭ ستراتەگيالىق ورنى كورنەكتىلەندى.

    اۆتونوميالى رايوندىق دامۋ - رەفورما كوميتەتى اۋىل شارۋاشىلىق ونىمدەرى جانە سۋ بايلىعى باعاسى باسقارماسىنىڭ قاتىستى جاۋاپتىسىنىڭ تانىستىرۋىنشا، شينجياڭ 2014 - جىلدان باستاپ ماقتانىڭ نىسانالىق باعاسى رەفورماسىن تۇيىندە سىناق ەتۋ قىزمەتىن باستاعاننان بەرى، ماقتا ەگىلگەن جەر اۋماعىنىڭ نەگىزدىك سانىن قانىق يەلەپ، ماقتانىڭ نىسانالىق باعا رەفورماسى ينفورماتسيا تۇعىرىن ورناتىپ، «ۇيلەسپەسە وزگەرتۋ» پرينسيبى بويىنشا، ساياسات جوبالاۋدى كەمەلدەندىرىپ، قوسىمشا قاراجات بەرۋ ۇلگىسىن رەتتەپ، اتقارۋ بۋىنىن ساپالىلاندىردى، ۇكىمەتتىڭ قوسىمشا قاراجات بەرۋ ۇلگىسى «كومەسكى تولىقتاۋدان» «اشىق تولىقتاۋعا» وزگەرىپ، ماقتا ەگىمشىلىگىن جوعارى ءتۇسىمدى، جوعارى ساپا، جوعارى ءونىمدى بولۋ باعىتىنا قاراي دامۋعا باستادى. سونىمەن بىرگە، ماقتا مانەرلەۋ كاسىپورىندارىن اشىق جاريالاۋ، تيجارات سەنىمدىلىگىن باعالاۋ قىزمەتىن ورىستەتىپ، «كونە ماقتانىڭ قورابىن جاڭالاپ، ونى جاڭا ماقتا رەتىندە قامباعا وتكىزۋ»، جالعان تالون جاساۋ سياقتى جولدارمەن قوسىمشا قاراجاتتى قىمقىرىپ الاتىن زاڭعا قايشى ارەكەتتەردى تۇبەگەيلى تەكسەرىپ، قاتاڭ جازالاپ، ءىس بارىسىنداعى، ىستەن كەيىنگى باقىلاۋ - باسقارۋدى كۇشەيتىپ، تاماشا بازار ورتاسىن جاراتتى.

    مۇنان تىس، شارۋالاردىڭ مۇددەسىن قامتاماسىز ەتۋ العى شارتىندا، بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، باعانىڭ قالىپتاسۋىن بازاردىڭ بەلگىلەۋىنە تاپسىرىپ، ۇكىمەت بازار باعاسىنا ارالاسپايتىن بولدى، ماقتا شارۋاشىلىعىمەن شۇعىلداناتىن جەكەلەر جانە تيجارات جۇرگىزۋشى ورىندار بازارعا تىكەلەي بەتتەپ، بازار باسەكەسىنە قاتىناسىپ، اۋىل شارۋاشىلىق ونىمدەرىنىڭ بازارداعى باسەكەلىك قۋاتىن جوعارىلاتتى؛ بازاردىڭ ءوندىرىس قۇرىلىمىن رەتتەۋ رولىن تولىق ساۋلەلەندىرىپ، اۋىل شارۋاشىلىق ءوندىرىسىنىڭ ۇيىمدى بولۋ، كولەمدى بولۋ دەڭگەيىن جوعارىلاتىپ، اۋىل شارۋاشىلىق تەحنيكاسىنىڭ العا باسۋىنا دەم بەرىپ، ءوندىرىس وزىندىك قۇنىنىڭ وتە تەز ارتىپ كەتۋىن مەڭگەردى.

جاۋاپتى رەداكتور: گۇلدەن ماقسات قىزى