جاڭا يدەيا ماركسيزمنىڭ سونى ءورىسىن اشتى

  • كەلۋ قاينارى: ىلە گازەتى
  • 10:48:41 27/08/2018

    

    بەيجيڭ قالالىق شي جينپيڭنىڭ جاڭا ءداۋىر جۇڭگوشا سوتسياليزم يدەياسىن زەرتتەۋ ورتالىعى

 

    پارتيانىڭ 18 – قۇرىلتايىنان بەرى شي جينپيڭ جولداس كوپ رەتكى ماڭىزدى سوزىندە وسى زامانعى جۇڭگونىڭ ماركسيزمىن، 21 – عاسىردىڭ ماركسيزمىن دامىتۋدى باسا دارىپتەدى. ماركس دۇنيەگە كەلگەندىگىنىڭ 200 جىلدىعىن اتاپ ءوتۋ جينالىسىندا سويلەگەن ماڭىزدى سوزىندە شي جينپيڭ جولداس بىلاي دەپ اتاپ كورسەتتى: «نازاريانىڭ ومىرشەڭدىك قۋاتى ۇزدىكسىز جاڭالىق اشۋدا، ماركسيزمنىڭ ۇزدىكسىز دامۋىن جەبەۋ ـ جۇڭگو كوممۋنيستەرىنىڭ قاسيەتتى بورىشى. ءبىز ماركسيزم ارقىلى ءداۋىردى بايقاۋدا، ءداۋىردى تۇسىنۋدە، داۋىرگە جەتەكشىلىك ەتۋدە تاباندى بولىپ، وسى زامانعى جۇڭگونىڭ جاندى، باي امالياتى ارقىلى ماركسيزمنىڭ دامۋىن جەبەپ، كەڭ كوز ايا ارقىلى ادامزات جاراتقان بارلىق ۇزدىك مادەنيەتتىڭ تابىسىن قابىلداپ، رەفورما بارىسىندا دۇرىستى ساقتاپ، جاڭالىق اشىپ، وزىمىزدەن تىنباي وزىپ، ەسىك اشۋ بارىسىندا كوپتىڭ ارتىقشىلىعىن قابىلداپ، ءوزىمىزدى ۇزدىكسىز كەمەلدەندىرىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىستىڭ زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمىمىزدى ۇزدىكسىز تەرەڭدەتىپ، وسى زامانعى جۇڭگونىڭ ماركسيزمىنىڭ، 21 – عاسىردىڭ ماركسيزمىنىڭ سونى ءورىسىن ۇزدىكسىز اشۋىمىز كەرەك». شي جينپيڭنىڭ جاڭا ءداۋىر جۇڭگوشا سوتسياليزم يدەياسى ـ وسى زامانعى جۇڭگونىڭ ماركسيزمى، 21 – عاسىردىڭ ماركسيزمى، ول بۇرىنعىلار جاۋاپ بەرە الماعان كوپتەگەن ەلەۋلى نازاريالىق جانە امالياتتىق ماسەلەلەرگە ىشكەرىلەي جاۋاپ بەرىپ، ماركسيزمنىڭ سونى ءورىسىن اشتى.

    ماركسيزمگە، سوتسياليزمگە جانە كوممۋنيزمگە بولعان تانىمدى تەرەڭدەتتى

    شي جينپيڭنىڭ جاڭا ءداۋىر جۇڭگوشا سوتسياليزم يدەياسى وسى زامانعى جۇڭگونىڭ ماركسيزمى، 21 – عاسىردىڭ ماركسيزمى رەتىندە ماركسيزمگە، سوتسياليزمگە جانە كوممۋنيزمگە بولعان تانىمدى تەرەڭدەتىپ، جۇرتتىڭ ماركسيزمگە، سوتسياليزمگە جانە كوممۋنيزمگە بولعان سەنىمىن كۇشەيتتى.

    پارتيانىڭ 18 – قۇرىلتايىنان بەرى شي جينپيڭ جولداس ماركسيزم، سوتسياليزم جانە كوممۋنيزم جونىندە كوپتەگەن ماڭىزدى پايىمداۋلار جاسادى. ايتالىق، ماركس دۇنيەگە كەلگەندىگىنىڭ 200 جىلدىعىن اتاپ ءوتۋ جينالىسىندا شي جينپيڭ جولداستىڭ سويلەگەن ماڭىزدى ءسوزى ماركسيزمدى تەرەڭ بايىمدادى، ول ـ جاڭا داۋىردە جۇڭگو كوممۋنيستەرىنىڭ ماركسيزمدە تاباندى بولۋ جانە ونى دامىتۋداعى جارناماسى. شي جينپيڭ جولداس سوزىندە ماركستىڭ ۇلى دا شۇعىلالى ءومىرىن قويۋ سۇيىسپەنشىلىكپەن ەسكە الىپ، ماركسيزمنىڭ نازاريالىق ءمورالى مەن تەرەڭ ىقپالىن جان – جاقتى پايىمداپ، ماركسيزمنىڭ جۇڭگوشالانۋىنىڭ قوماقتى جەمىسى مەن نەگىزگى تاجىريبەلەرىن عىلمي قورىتىندىلاپ، ماركسيزمدى ۇيرەنۋدىڭ، زەرتتەۋدىڭ جانە امالياتتان وتكىزۋدىڭ ءتۇبىرلى باعىتىن ايقىن كورسەتىپ بەردى.

جاۋاپتى رەداكتور: گۇلدەن ماقسات قىزى