جاڭا يدەيا ماركسيزمنىڭ سونى ءورىسىن اشتى

  • كەلۋ قاينارى: ىلە گازەتى
  • 10:48:41 27/08/2018

    كومپارتيانىڭ بيلىك جۇرگىزۋى جونىندەگى تانىمدى تەرەڭدەتۋ ءۇشىن، كومپارتيا قالاي ۇزاق بيلىك جۇرگىزە الادى دەگەن ماسەلەگە جاۋاپ بەرۋ كەرەك. الدىڭعى عاسىردىڭ 80 – جىلدارىنىڭ سوڭعى شەنىنەن 90 – جىلدارىنىڭ العاشقى شەنىنە دەيىن شىعىس ەۆروپادا شۇعىل وزگەرىس بولۋى، كەڭەس وداعىنىڭ ىدىراۋى دۇنيە ءجۇزى سوتسياليزمىنىڭ دامۋىن قۇلدىراتتى. كوممۋنيستىك پارتيانىڭ ۇزاق بيلىك جۇرگىزۋ ماسەلەسىن قالاي شەشۋ، ماركسيزم، ءسوزسىز، جاۋاپ بەرۋگە ءتيىستى اسا ماڭىزدى داۋىرلىك تاقىرىپقا اينالدى. پارتيانىڭ 18 – قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى اسا زور ساياسي باتىلدىقپەن جانە كۇشتى جاۋاپكەرلىكپەن پارتيانى جاپپاي قاتاڭ وڭادى. سوڭعى جىلدارداعى قۇلشىنىس ارقىلى پارتيا قۇرىلىسىندا وراسان زور تابىسقا قول جەتتى، پارتيا توڭكەرىستىك شىڭدالۋ بارىسىندا اناعۇرلىم قايسارلانىپ، تىڭ دا قۇدىرەتتى ومىرشەڭدىك كۇشىن ايگىلەپ، جاڭا داۋىردەگى جۇڭگوشا سوتسياليزم ءىسىنىڭ بەرىك باسشىلىق ۇيتقىسىنا اينالدى. پارتيانىڭ 18 – قۇرىلتايىنان بەرگى پارتيانى جاپپاي قاتاڭ وڭاۋدىڭ تاجىريبەسىن ىشكەرىلەي قورىتىندىلاۋ نەگىزىندە شي جينپيڭ جولداس پارتيانىڭ 19 – قۇرىلتايداعى بايانداماسىندا جاڭا داۋىردەگى پارتيا قۇرىلىسىنىڭ جالپى تالابىن العا قويدى. جاڭا داۋىردەگى پارتيا قۇرىلىسىنىڭ جالپى تالابى ـ شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى مازمۇنى، ول پارتيامىزدىڭ «ءتورت ۇلكەن سىنعا» قالاي توتەپ بەرىپ، «ءتورت ءتۇرلى قاتەردى جويۋىنا» مۇمكىندىك جاساپ، پارتيامىزدى قاي – قاشان دا ءداۋىردىڭ الدىڭعى لەگىندە جۇرەتىن، حالىق شىنايى قولدايتىن، باتىلدىقپەن وزىندىك توڭكەرىس جاسايتىن،ءتۇرلى داۋىلدىڭ سىنىنا توتەپ بەرەتىن، جالىندى، جىگەرلى ماركستىك بيلىك باسىنداعى پارتيا ەتىپ قۇرىپ شىعۋعا بولادى دەگەن ماسەلەگە تۇبىرىنەن جاۋاپ بەردى. بۇل ماركستىك بيلىك باسىنداعى پارتيا قۇرىلىسى نازارياسىن بارىنشا دامىتقاندىق.

    سوتسياليستىك قۇرىلىستىڭ زاڭدىلىعى جونىندەگى تانىمدى تەرەڭدەتۋ ءۇشىن، سوتسياليستىك ەلدەر رەفورما جاساۋ، دامۋدى قالاي جۇرگىزۋى ءتيىس دەگەن ماسەلەگە جاۋاپ بەرۋ كەرەك. بۇگىنگى تاڭدا تاعى ءبىرسىپىرا سوتسياليستىك ەلدەر، كوپتەگەن دامۋ ۇستىندەگى ەلدەر بار، ءبىر مۇنشا ەلدەردىڭ تاپ بولعان ماڭىزدى قيىن تاقىرىبى تيپ وزگەرتۋ ساتىسىندا ۇزاق اينالسوقتاپ، دامۋى باياۋ بولۋ، ءتىپتى، توقىراپ العا باسپاۋ ماسەلەسى بولىپ وتىر. پارتيانىڭ 18 – قۇرىلتايىنان بەرى جۇڭگوشا سوتسياليزم جاڭا داۋىرگە قادام باستى، جۇڭحۋا ۇلتى بايۋدان كۇشەيۋگە وتۋدەي ۇلى سەكىرىستى قارسى الدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى جاڭا داۋىردە ەلىمىز قوعامىنداعى باستى قايشىلىق - حالىقتىڭ كۇن سايىن ارتىپ وتىرعان تاماشا تۇرمىسقا سۇرانىسى مەن تەڭسىز، تولىق بولماعان دامۋ اراسىنداعى قايشىلىق دەگەندى ايقىندادى. ەلىمىز قوعامىنداعى باستى قايشىلىقتىڭ وزگەرۋى سىندى امالياتتىڭ تالابىن يگەرۋ ءۇشىن، ادامنىڭ جاپپاي دامۋى مەن قوعامنىڭ جاپپاي العا باسۋىن جەبەۋدى ورگانيكالى تۇردە بىرلىككە كەلتىرىپ، «بەستى ءبىر تۇلعا ەتۋ» سىندى جالپى تۇلعالىق ورنالاستىرۋدى ءبىر تۇتاس ىلگەرىلەتىپ، «ءتورت جاپپاي» ستراتەگيالىق ورنالاستىرۋىن سايكەستى ىلگەرىلەتىپ، ەلىمىزدىڭ زاتتىق وركەنيەت، ساياسي وركەنيەت، رۋحاني وركەنيەت، قوعامدىق وركەنيەت، ەكولوگيالىق وركەنيەت ورەسىن جاپپاي جوعارىلاتىپ، حالىقتىڭ اناعۇرلىم باقىتتى، امان – ساۋ تۇرمىستان يگىلىك كورۋىنە كۇش سالۋ كەرەك. جۇڭگو كوممۋنيستىك پارتياسى جۇڭگوشا سوتسياليزمنەن تاباندىلىقپەن، سەنىمدىلىكپەن، پاراساتتىلىقپەن جازباي جانە ونى دامىتىپ، جۇڭحۋا ۇلتىنىڭ ۇلى كوركەيۋىنىڭ الىپ كەمەسىنىڭ دۇرىس باعىت بويىنشا تولقىن جارا العا باسۋىن قامتاماسىز ەتىپ، باسقا سوتسياليستىك ەلدەر مەن قالىڭ دامۋ ۇستىندەگى ەلدەردىڭ دامۋىنا ۇلگى بولارلىق تاجىريبە دايىنداپ بەرەدى.

جاۋاپتى رەداكتور: گۇلدەن ماقسات قىزى