جاڭا يدەيا ماركسيزمنىڭ سونى ءورىسىن اشتى

  • كەلۋ قاينارى: ىلە گازەتى
  • 10:48:41 27/08/2018

    ادامزات قوعامى دامۋىنىڭ زاڭدىلىعىنا بولعان تانىمدى جوعارىلاتۋ ءۇشىن، ادامزات قوعامى قالاي دامۋعا، قالاي العا باسۋعا ءتيىس دەگەن ماسەلەگە جاۋاپ بەرۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسى ادامزات قوعامى تاپ بولعان قاتەرگە، سايىسقا قالاي توتەپ بەرۋ، ادامزات قوعامىنىڭ دامۋىن، العا باسۋىن قالاي جەبەۋ دەگەن سىندى ماسەلەلەرگە كوپ جاقتان جاۋاپ بەرىپ، ادامزات قوعامىنىڭ دامۋ زاڭدىلىعى جونىندەگى تانىمدى تەرەڭدەتتى. مىسالى، شي جينپيڭ جولداستىڭ وسىزاماندانعان ەكونوميكالىق جۇيە قۇرىپ، جاپپاي ەسىك اشۋدىڭ جاڭا جاعدايىن قالىپتاستىرۋدى جەبەۋ سىندى يدەياسى ادامزات قوعامىنىڭ ەكونوميكالىق قۇرىلىم وزگەرىسىنىڭ زاڭدىلىعى، وسىزاماندانۋدىڭ زاڭدىلىعى جونىندەگى تانىمدى تەرەڭدەتتى. جۇڭگونىڭ ەكونوميكانى عالامداندىرۋ امالياتىنا توعىسۋى ەلدىڭ بەت – بەينەسىن جانە ۇلتتىڭ كوڭىل كۇيىن وزگەرتتى، سونداي – اق باسقا ەلدەردى يگى ۇلگىمەن قامدادى. تاعى ءبىر مىسال، شي جينپيڭنىڭ جاڭا ءداۋىر جۇڭگوشا سوتسياليزم يدەياسى ادام مەن تابيعاتتىڭ جاراسىمدى بولۋىندا تاباندى بولىپ، ەكولوگيالىق وركەنيەت قۇرۋدى جۇڭحۋا ۇلتىنىڭ باياندى دامۋىنىڭ عاسىرلىق ۇلى جوسپارى ەتىپ، جاسىل تاۋ، تۇنىق سۋدىڭ ءوزى سارقىلماس بايلىق دەيتىن كوزقاراستى ورناتۋدى جانە امالياتتان وتكىزۋدى اتاپ كورسەتتى. ادام مەن تابيعاتتىڭ جاراسىمدى بولۋىندا تاباندى بولۋ يدەياسى ادامزات قوعامىنىڭ دامۋ زاڭدىلىعىن تەرەڭ اشتى. مۇنىڭ ادامزات قوعامىنىڭ باياندى دامۋىن قامتاماسىز ەتۋدە اسا ماڭىزدى ءمانى بار.

    ادامزاتتىڭ بولاشاعى، تاعدىرى جونىندەگى تانىمدى تەرەڭدەتتى

    پارتيانىڭ 18 – قۇرىلتايىنان بەرى شي جينپيڭ جولداس ەل ءىشى – سىرتىنداعى كوپتەگەن ماڭىزدى ورىنداردا ادامزاتتىڭ تاعدىرلاس ورتاق تۇلعاسىن قۇرۋدى العا قويدى ءارى ونىڭ باي مازمۇنى جانە امالياتتىق جۇيەسى جونىندە تەرەڭ پايىمداۋ جاساپ، حالىقارالىق قوعامدا كەڭ كولەمدى ىقپال تۋعىزدى. ادامزاتتىڭ تاعدىرلاس ورتاق تۇلعاسىن قۇرۋ يدەياسى - شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى مازمۇنى، ول دۇنيە قايدا بارادى، دامىعان جۇڭگو قايدا بارادى دەگەن سياقتى ەلەۋلى ماسەلەلەرگە جاۋاپ بەرىپ، بۇكىل جەر شارىن وڭاۋ ماسەلەسىنە جۇڭگو پاراساتىن جانە جۇڭگو جوباسىن سيلادى، ادامزاتتىڭ تاعدىرلاس ورتاق تۇلعاسىن قۇرۋ يدەياسى – ماركسيزمدى جۇڭگوشالاندىرۋدىڭ ەڭ جاڭا تابىستارىنىڭ ءبىرى، ول ماركسيزمنىڭ سونى ءورىسىن اشتى.

    شي جينپيڭ جولداس ماركس دۇنيەگە كەلگەندىگىنىڭ 200 جىلدىعىن اتاپ ءوتۋ جينالىسىندا سويلەگەن ماڭىزدى سوزىندە بىلاي دەپ اتاپ كورسەتتى: «ءبىز بۇگىنگى تاڭداعى دۇنيەنىڭ دامۋ بەتالىسى مەن تاپ بولعان ماڭىزدى ماسەلەلەرىنە دۇنيە تاريحىنىڭ جوعارى بەلەسىنەن قاراپ، بەيبىت دامۋ جولىندا تاباندى بولىپ، دەربەس ءوز – وزىنە قوجا بولۋ سىندى بەيبىت ديپلوماتيا ساياساتىندا تاباندى بولىپ، ءوزارا تيىمدىلىك جەتكىزىپ، ورتاق يگىلىكتەنۋ سىندى ەسىك اشۋ ستراتەگياسىندا تاباندى بولىپ، بۇكىل جەر شارىن وڭاۋعا بەلسەنە اتسالىسىپ، اناعۇرلىم كوپ سالادا، اناعۇرلىم كوپ ساتىدا سەلبەسىپ، ورتاق يگىلىكتەنۋدى، ورتاق دامۋدى جۇزەگە اسىرىپ، باسقالارعا يەك ارىتپاي، باسقالاردىكىن توناۋدان، ءتىپتى، اۋلاق بولىپ، ەل – ەل حالقىمەن بىرگە ادامزاتتىڭ تاعدىرلاس ورتاق تۇلعاسىن كۇش سالا بىرگە قۇرىپ، دۇنيە ءجۇزىن ونان ارمان كورىكتى ەتىپ قۇرۋىمىز كەرەك».

جاۋاپتى رەداكتور: گۇلدەن ماقسات قىزى